برطانیہ کے لندن میں ملکہ الزبتھ دوم کے انتقال کا اعلان ہونے کے بعد لوگ بکنگھم پیلس کے سامنے جمع ہیں۔(شِنہوا)
- -, -
- |
- ٠٤ فروری، ٢٠٢٦
نواب شاہ ائرپورٹ کو 25 ستمبر تک بند رکھنے کا فیصلہ کیا گیا ہے،نجی ٹی وی کے مطابق نوابشاہ ائرپورٹ میں تاحال سیلابی پانی موجود ہے، سی اے اے کے جاری کردہ نوٹم کے مطابق سیلابی پانی کے باعث نوابشاہ ائرپورٹ کو گزشتہ ماہ سے فلائٹ آپریشن کے لیے بند کیا گیا تھا، جس کے باعث کراچی لاہور کے درمیان اڑنے والی پروازوں کے لیے ملتان ہوائی اڈے کو سیکنڈری ائرپورٹ کے طور استعمال کرنے کی ہدایت کی گئی ہے،نوٹم میں بتایا گیا ہے کہ سیلابی پانی اور طوفانی بارشوں سے نوابشاہ ائرپورٹ رن وے پر تاحال کئی فٹ پانی جمع ہے اور رن وے کی لائٹیں بھی کھڑے پانی کے باعث خراب ہونے کے خدشات پیدا ہو گئے ہیں،سول ایوی ایشن کے مطابق خراب موسم اور طوفانی بارشوں میں اسلام آباد اور لاہور سے کراچی آنے والی پروازوں کو نوابشاہ ائرپورٹ پر اتارا جاتا ہے۔
کریڈٹ: انڈیپنڈنٹ نیوز پاکستان-آئی این پی
فیصل آباد میں مبینہ طور پر کروڑوں روپے لوٹ کر فرار ہونے والے کیش وین کے ڈرائیور کو چند گھنٹوں بعد ہی گرفتار کر لیا گیا، ملزم کوچک جھمرہ کے علاقے سے گرفتار کیا گیا جبکہ کیش وین کے ڈرائیور سے لوٹی گئی رقم بھی برآمد کر لی گئی،پولیس کے مطابق لوٹی گئی کیش وین میں 4کروڑ96 لاکھ روپے تھے، ملزم نے کارروائی اس وقت کی جب باقی گارڈز پیسے بینک برانچ میں منتقل کرنے کے لیے اندر گئے ہوئے تھے، واقعے کی اطلاع ملتے ہی سکیورٹی کمپنی کی گاڑی برآمد کر کے مفرور ملزم کی تلاش شروع کر دی گئی تھی، ڈرائیور کیش وین 109چک کے قریب چھوڑ کر رقم سمیت غائب ہو گیا تھا۔
کریڈٹ: انڈیپنڈنٹ نیوز پاکستان-آئی این پی
تین ہفتوں بعد محکمہ ریلوے کا نظام جزوی طور پر بحال کر دیا گیا ہے، سکھرروہڑی جنکشن سے خیبرمیل پشاورکے لیے روانہ ہو گئی،تفصیلات کے مطابق ملک بھر میں حالیہ بارشوں کے بعد سیلاب کے دوران ریلوے ٹریک زیر آب آنے کے سبب ٹرین آپریشن معطل کیا گیا تھا،ترجمان ریلوے کے مطابق پڈعیدن اور بھریا روڈ کے درمیان ریلوے ٹریک متاثر تھا، تاحال کراچی کا بذریعہ ٹرین رابطی بحال نہ ہوسکا، محکمہ ریلوے نے فی الحال ملک کے دیگر شہروں کیلئے ریلوے سروسز شروع کردی ہے،ترجمان کے مطابق سکھرروہڑی سے ہفتہ کی صبح پہلی ٹرین خیبر میل روانہ کی گئی، وزارت ریلوے نے 10مسافر ٹرینیں چلانے کا اعلان کیا ہے یہ مسافر ٹرینیں پشاور سے راولپنڈی، لاہور، ملتان اور روہڑی کے درمیان چلائی جائیں گی، خیبرمیل، پشاور سے راولپنڈی، لاہور سے ملتان اور روہڑی سے پشاور کے درمیان چلے گی جبکہ رحمان بابا ایکسپرس پشاور سے راولپنڈی، فصیل آباد اور روہڑی سے پشاور تک چلے گی،کراچی ایکسپرس لاہورسے روہڑی اور روہڑی سے لاہور کے درمیان چلے گی اورتیز گام ایکسپرس راولپنڈی سے روہڑی اور روہڑی سے راولپنڈی کے درمیان چلے گی، گرین لائن ایکسپرس راولپنڈی سے روہڑی کے درمیان چلے گی،ترجمان کے مطابق علامہ اقبال ایکسپرس وزیر آباد، سیالکوٹ نارووال سے لاہور، خانیوال اورروہڑی کے درمیان چلے گی۔ فریدایکسپرس لاہور سے پاکپتن اور روہڑی کے درمیان چلے گی،قراقرم ایکسپرس لاہور سے فیصل آباد اورروہڑی سے لاہور کے درمیان چلے گی اورجعفر ایکسپرس پشاور سے راولپنڈی، لاھور، ملتان اور روہڑی سے پشاور کے درمیان چلے گی۔
کریڈٹ: انڈیپنڈنٹ نیوز پاکستان-آئی این پی
ملک بھر میں گزشتہ 24گھنٹوں کے دوران کورونا وائرس سے متاثر ایک اور مریض انتقال کر گیا،قومی ادارہ صحت (این آئی ایچ )کے مطابق گزشتہ 24گھنٹوں میں کورونا وبا سے متاثر ایک اور شخص انتقال کر گیا جب کہ 98مریضوں کی حالت نازک ہے،این آئی ایچ کی جانب سے جاری اعداد شمار کے مطابق 24گھنٹوں میں مجموعی طور پر 17ہزار 200افراد کے ٹیسٹ کیے گئے جن میں سے 156افراد کے ٹیسٹ کے نتائج مثبت ریکارڈ ہوئے،قومی ادارہ صحتکے اعدادو شمار کے مطابق کورونا کے 98مریضوں کی حالت تشویش ناک ہے جب کہ 24گھنٹوں کے دوران ملک بھر میں کورونا کے مثبت کیسز کی شرح 0.91فی صد ریکارڈ ہوئی۔
کریڈٹ: انڈیپنڈنٹ نیوز پاکستان-آئی این پی
چیئرمین پاکستان تحریک انصاف و سابق وزیر اعظم عمران خان نے انسداد دہشت گردی دفعہ کے تحت درج مقدمہ میں اپنا بیان وکیل کے ذریعے جے آئی ٹی کو جمع کرادیا، جے آئی ٹی کو جمع کروائے گئے بیان میں عمران خان نے کہا کہ امپورٹڈحکومت نے سیاسی مخالفت کی وجہ سے شہباز گل کوگرفتار کرکے تشدد کانشانہ بنایا گیا، تحریک انصاف کی احتجاج کی کال پرمیں نے پرامن شرکت کی،عمران خان نے اپنے بیان میں مزید کہا کہ جو کچھ تقریر میں کہانہ تو دہشت گردی کے زمرے میں آتاہے نہ ہی میرا کہنے کا ایسا مقصد تھا، پولیس نے امپورٹڈ حکومت کے پریشر میں آکر نہ صرف پی ٹی آئی کارکنوں بلکہ عام شہریوں پر بھی بے شمارجھوٹے مقدمات درج کیے ہیں،عمران خان نے اپنے بیان میں مزید کہا میں نے کوئی غیر قانونی عمل نہیں کیا جس سے انتشارپھیلا ہو، سیاسی مخالفین کے کہنے پرپولیس نے حکومت کی ملی بھگت سے جھوٹا، بے بنیاد اور من گھڑت مقدمہ درج کیا، میں بے گناہ ہوں مقدمہ خارج کیا جائے۔
کریڈٹ: انڈیپنڈنٹ نیوز پاکستان-آئی این پی
برطانیہ کے لندن میں ملکہ الزبتھ دوم کے انتقال کا اعلان ہونے کے بعد لوگ بکنگھم پیلس کے سامنے جمع ہیں۔(شِنہوا)
چین کے جنوب مشرقی صوبہ فوجیان کے شیامن میں منعقدہ 22 ویں چائنہ بین الاقوامی میلہ برائے سرمایہ کاری و تجارت میں ایمبریر ای 190-ای 2 طیارے کے ماڈل کی نمائش کی جارہی ہے۔ (شِنہوا)
چین کے جنوب مشرقی صوبہ فوجیان کے شیامن میں منعقدہ 22 ویں چائنہ بین الاقوامی میلہ برائے سرمایہ کاری و تجارت میں لوگ چین کی بیٹری تیار کرنے والی کمپنی ایمپر یکس ٹیکنا لو جی کمپنی لمیٹڈ کا اسٹال دیکھ رہے ہیں۔ (شِنہوا)
چین کے جنوب مشرقی صوبہ فوجیان کے شیامن میں منعقدہ 22 ویں چائنہ بین الاقوامی میلہ برائے سرمایہ کاری و تجارت میں لوگ جنوبی کوریا کے اسٹال کا دورہ کررہے ہیں۔ (شِنہوا)
چین کے دارالحکومت بیجنگ میں منعقدہ چائنہ (بیجنگ) ڈیجٹیل مالیاتی فورم 2022کے تجرباتی زون میں ای چینی یوآن (ڈیجیٹل یوآن) کا ایک بوتھ ۔ (شِنہوا)
چین کے دارالحکومت بیجنگ میں منعقدہ چائنہ (بیجنگ) ڈیجٹیل مالیاتی فورم 2022کے تجرباتی زون میں ای چینی یوآن (ڈیجیٹل یوآن) کو دیکھا جاسکتا ہے۔ (شِنہوا)
نئی دہلی (شِنہوا) بھارتی ریاست مدھیہ پردیش میں قومی سطح پر دلہن میک اپ مقابلے کاانعقاد ہوا جس میں بہت سے شرکاء نے اسٹیج پرفارم کیا۔ انہوں نے میک اپ کے ساتھ ساتھ شادی کے روایتی ملبوسات زیب تن کر رکھے تھے۔
چینی برانڈز کی گاڑیوں کی فروخت میں مسلسل اضافہ برقرار ہے اور اس صنعت سے متعلق اعداد و شمار کے مطابق اگست کے دوران ملکی مارکیٹ میں اس نے بڑا حصہ حاصل کیا ہے۔چین کی مسافر گاڑیوں کی ایسوسی ایشن نے کہا ہے کہ گزشتہ ماہ چینی مارکیٹ میں مجموعی طور پر 8 لاکھ 50 ہزار ملکی برانڈ کی مسافر کاریں فروخت ہوئیں جو کہ گزشتہ سال کی نسبت 41 فیصد زیادہ ہے۔اگست کے مہینے میں ان کی مجموعی ریٹیل فروخت کا حصہ 45.8 فیصد تھا جو ایک سال پہلے کے مقابلے میں 3.8 فیصد زیادہ ہے۔سال کے پہلے 8 ماہ کے دوران چینی برانڈ کی کاروں کی فروخت کل مسافر کاروں کی ریٹیل فروخت کے 46 فیصد کے برابر تھی جو کہ ایک سال پہلے کی سطح سے 6.9 فیصد پوائنٹس زیادہ ہے۔ایسوسی ایشن نے واضح کیا ہے کہ ملکی کاروں کے برانڈزنے نئی توانائی گاڑیوں کی مارکیٹ میں زبردست اضافہ کیا ہے، جبکہ بی وائی ڈی ، چیری ، گیلے ، اور چھا نگان جیسی معروف کمپنیوں کے مارکیٹ شیئر میں غیر معمولی اضافہریکارڈ کیا گیا۔
کریڈٹ: انڈیپنڈنٹ نیوز پاکستان-آئی این پی
کراچی کے علاقے کورنگی زمان ٹائون میں مردہ پائی جانے والی خاتون کی موت سوالیہ نشان ہی بن کر رہ گئی ،پولیس نے کورنگی زمانٹائون سے مردہ حالت میں ملنے والی خاتون کی موت کی وجہ معلوم کرنے میں عدم دلچسپی ظاہر کرتے ہوئے قانونی ضابطے بھی نظر اندز کر دیے، نجی ٹی وی کے مطابق پولیس کی جانب سے خاتون کا پوسٹ مارٹم تک نہ کرایا گیا اور اسے نشئی قرار دے کر پوسٹ مارٹم کے بغیر لاش ورثا کے سپرد کی گئی اور کیس بند کردیا گیا، رخسانہ عرف عائشہ کی موت کی وجہ نامعلوم ہی رہی جبکہ خاتون کے والد کا کہنا تھاکہ بیٹی اور اس کا شوہر عدنان نشہ کرتے تھے اور جیٹھ نے بیٹی اور اپنے بھائی دونوں کو گھر سے نکال دیا تھا۔
کریڈٹ: انڈیپنڈنٹ نیوز پاکستان-آئی این پی
وزیر خارجہ بلاول بھٹو نے کہا ہے کہ ملکہ الزبتھ ہمدردی اور امید کا روپ تھیں، دکھ کی گھڑی میں ہم برطانیہ کے عوام، حکومت اور شاہی خاندان کے ساتھ ہیں،ملکہ برطانیہ الزبتھ دوم کے انتقال پر چیئرمین پیپلزپارٹی بلاول بھٹو زرداری نے پیغام میں کہا کہ ہمارے زمانے کی اہم ترین شخصیت کی وفات پر انتہائی صدمہ ہوا، ملکہ الزبتھ دوم ایک عہد کی نمائندہ تھیں۔
کریڈٹ: انڈیپنڈنٹ نیوز پاکستان-آئی این پی
کراچی اور اسلام آباد میں ڈینگی کیمریضوں میں اضافہ، کراچی میں ایک دن میں مزید 87افراد ڈینگی میں مبتلا ہوگئے ہیں،شہر قائد میں دو ماہ کے دوران ڈینگی سے 29افراد جاں بحق ہوچکے، جن میں چھ بچے بھی شامل ہیں،رپورٹس کے مطابق کراچی کی مختلف لیبس میں ایک لاکھ سے زائد لوگوں کے ڈینگی کے ٹیسٹ پازیٹو آئے ہیں، بڑے اسپتالوں میں جگہ بھی کم پڑگئی ہے،جبکہ چوبیس گھنٹوں کے دوران وفاقی دارالحکومت میں ڈینگی کے 49کیسز رپورٹ ہوئے ہیں،لاہور میں 50اور راول پنڈی میں 39 کیسز سامنے آئے ہیں، پنجاب بھر کے اسپتالوں میں ڈینگی کے 425مریض زیرِ علاج ہیں۔
کریڈٹ: انڈیپنڈنٹ نیوز پاکستان-آئی این پی
متحدہ قومی موومنٹ (ایم کیو ایم )پاکستان کے کنوینر خالد مقبول صدیقی نے کراچی میں آئے روز جرائم کی واردات پر تشویش کا اظہار کیا ہے، نجی ٹی وی کے مطابق جمعہ کوکراچی میں پریس کانفرنس کرتے ہوئے خالد مقبول صدیقی نے کہا کہ شہر قائد میں غیر قانونی حلقہ بندیاں کر کے قبل از انتخابات میں دھاندلی ہو چکی ہے،کراچی کے مستقل باشندوں کی یونین کونسلز کی حلقہ بندیاں90، 90ہزار اور غیر مقامی لوگوں والی کونسلز کی حلقہ بندیاں 20، 20اور 25، 25ہزار پر ہیں،انہوں نے کہا کہ شہر قائد کی اکثریت کو اقلیت میں تبدیل کرنے کی سازش کے خلاف کراچی کے لوگ کھڑے ہوں گے، خالد مقبول صدیقی کا کہنا تھا کہ کراچی کو ڈاکوں اور جرائم پیشہ افراد کے رحم و کرم پر چھوڑ دیا گیا ہے ، اہل کراچی ان ڈکیتوں سے اپنی حفاظت خود کریں، ہم آپ کا ساتھ دیں گے،کنوینر ایم کیو ایم پاکستان نے مزید کہا کہ لگتا ہے یہاں کراچی میں سب کو لائسنس ٹو لوٹ اور لائسنس ٹو کِل دیا ہوا ہے۔
کریڈٹ: انڈیپنڈنٹ نیوز پاکستان-آئی این پی
پاکستان مسلم لیگ (ن)کی نائب صدر مریم نواز نے کہا ہے کہ عمران خان فارن فنڈنگ، توہین عدالت اور توشہ خانہ میں قصور وار ہے، اس پر فردِ جرم نہیں سزا ملنی چاہیے،جمعہ کو نجی ٹی وی سے خصوصی گفتگو کرتے ہوئے مریم نواز نے کہا کہ عمران خان دھمکیاں کسی اور کو دیں، اس خطرناک کو گھر تک پہنچا کر آئیں گے،انہوں نے کہا کہ فارن فنڈنگ کے ذریعے لایا گیا شخص اداروں پر حملہ آور ہو اور تباہی مچائے، اس سے زیادہ خطرناک اور کون ہوسکتاہے؟
کریڈٹ: انڈیپنڈنٹ نیوز پاکستان-آئی این پی
مسلم لیگ ن کے رہنما اور وفاقی وزیر رانا تنویر حسین پر انتخابی ضابطہ اخلاق کی خلاف ورزی پر جرمانہ عائد کر دیا گیا،ترجمان الیکشن کمیشن کے مطابق ڈسٹرکٹ مانیٹرنگ افسر این اے 118ننکانہ نے رانا تنویر کو انتخابی ضابطہ اخلاق کی خلاف ورزی پر نوٹس جاری کیا تھا،ترجمان کا کہنا تھا کہ نوٹس کے مطابق رانا تنویر حسین نے امیدوار کی انتخابی مہم میں شرکت کی تھی،الیکشن کمیشن کے ترجمان کے مطابق ڈسٹرکٹ مانیٹرنگ افسر نے رانا تنویر حسین پر 25 ہزار روپے جرمانہ عائد کیا ہے۔
کریڈٹ: انڈیپنڈنٹ نیوز پاکستان-آئی این پی
ملک بھر میں گزشتہ 24گھنٹوں کے دوران کورونا وائرس سے مزید 4مریض انتقال کر گئے،قومی ادارہ صحت (این آئی ایچ )کے مطابق گزشتہ 24گھنٹوں کے دوران کورونا وبا سے متاثر مزید4مریض انتقال کر گئے جبکہ 98مریضوں کی حالت تشویش ناک ہے،این آئی ایچ کے جاری اعداد شمار کے مطابق 24گھنٹوں میں مجموعی طور پر 15ہزار 554افراد کے ٹیسٹ کیے گئے جن میں سے 160افراد کے نتائج مثبت ریکارڈ ہوئے،قومی ادارہ صحت کا مزید کہنا تھا کہ کورونا کے 98مریضوں کی حالت نازک ہے جب کہ 24گھنٹوں کے دوران ملک بھر میں کورونا کے مثبت کیسز کی شرح 1.03فی صد ریکارڈ ہوئی۔
کریڈٹ: انڈیپنڈنٹ نیوز پاکستان-آئی این پی
وزیراعظم شہباز شریف لاپتہ افراد کی بازیابی سے متعلق کیس میں عدالت کے روبرو پیش ہوگئے،نجی ٹی وی کے مطابق اسلام آباد ہائی کورٹ میں لاپتہ افراد کی بازیابی سے متعلق کیس کی سماعت ہوئی، اسلام آبادہائیکورٹ کے چیف جسٹس اطہر من اللہ نے سماعت کی،وزیراعظم شہبازشریف کی عدالت میں پیشی کے موقع پر سیکیورٹی کے سخت انتظامات کئے گئے،اسلام آباد ہائی کورٹ کے اطراف تمام راستے بند رہے اور کمرہ عدالت میں غیر متعلقہ افراد کا بھی داخلہ بند رہا،دوران سماعت چیف جسٹس اطہر من اللہ نے وزیر اعظم کو روسٹرم پر بلایا، چیف جسٹس نے شہباز شریف سے مکالمے میں کہا کہ اس عدالت نے آپ کو تکلیف اسی لئے دی کیونکہ ایک بہت بڑامسئلہ ہے، یہ کیس بہت عرصے سے چلتا آرہاہے، آپ کو اس لیے عدالت آنے کی تکلیف دی کہ اس مسئلے کاحل نکالاجائے،عدالتنے کہا کہ ایک چیف ایگزیکٹو نے اپنی کتاب میں لکھا کہ لوگوں کو اٹھایا، یہ آئینی عدالت ہے اورسویلین بالادستی پر یقین رکھتی ہے،ریاست کے اندر ریاست نہیں ہوسکتی،چیف جسٹس نے کہا کہ وزیراعظم صاحب آپکا وقت بہت قیمتی ہے ہم زیادہ وقت نہیں لیں گے، انہوں نے اٹارنی جنرل سے آئین کا آرٹیکل پڑھنے کا کہا،چیف جسٹس نے وزیراعظم سے کہا کہ ہمارے پاس کیس ہے دو بھائیوں کو اسلام آباد سے پولیس یونیفارم میں لوگوں نے اٹھا لیا، یہ کوئی دور کی بات نہیں، انہیں وفاقی دارالحکومت سے اٹھایا گیا،جسٹس اطہر من اللہ نے کہا کہ اس عدالت نے اس معاملے کوکئی باروفاقی کابینہ کوبھیجا، آپ کو معاملہ بھیجاآپ نے کمیٹی بنائی، وزیر اعظم صاحب یہ معاملہ کمیٹی کا نہیں ہے،چیف جسٹس اسلام آباد ہائی کورٹ نے ریمارکس دیئے اس سے بڑا ایشو اور کوئی نہیں ، سیاستدانوں نے ملکراس مسئلے کا حل نکالناہے، اس عدالت نے مناسب سمجھا کہ آپ کو بتایا جائے کہ مسئلہ کیا ہے،
عدالت کا کہنا تھا کہ لاپتہ افراد کے لیے کمیشن بنا مگراس کاطریقہ کاربڑاپریشان کن ہے،لاپتہ افرادکمیشن کی سماعتوں سیان خاندانوں کے دکھوں میں اضافہ ہوا، ان لوگوں کوچاہیے تھا کہ ان میں سے کوئی اس عدالت نہ آتا، ریاست کی ذمہ داری ہے کہ وہ ہرایک کے گھر خود جاتے،چیف جسٹس نے مزید ریمارکس میں کہا کہ یہاں پر لوگ بازیاب ہوئے مگر کوئی ایکشن نہیں ہوا،میرے خیال میں اس سے بڑا کوئی بھی ایشونہیں ہے،جتنے نیشنل سیکیورٹی مسائل ہیں اتنے ہی ہر شہری کے ہیں، شہری یہ کیوں محسوس کرے کہ ریاست ہی تحفظ نہیں کررہی،جسٹس اطہر من اللہ کا کہنا تھا کہ ایگزیکٹوکاکام ہے کہ شہریوں کاتحفظ یقینی بنائے، ٹارچر کی سب سے بڑی قسم شہریوں کا لاپتہ ہوناہے،یا تو آپ کو کہنا پڑے گا کہ آئین اپنی حالت میں بحال نہیں، اگر یہ بات ہے کہ تو پھر اس عدالت کو کسی اور کو بلانا پڑے گا،اسلام آباد ہائی کورٹ کے چیف جسٹس نے وزیراعظم کو مخاطب کرتے ہوئے کہا کہ جبری گمشدگیاں آئین سے انحراف ہے، اس عدالت کو اچھا نہیں لگتا کہ منتخب وزیراعظم کو بلائے ، سیلاب کی تباہ کاریوں سے متعلق کاموں میں آپ مصروف ہوں گے ، لیکن ان کا احتساب کیا جائے جو قانون سے بالاتر کام کرتے ہیں، گورننس کے مسائل تب حل ہونگے جب آئین اپنی حالت میں بحال ہو،وزیراعظم شہباز شریف نے کہا کہ جس چیف ایگزیکٹو کی آپ بات کر رہے ہیں وہ ملک کا ڈکٹیٹر تھا، میں اور میرا بھائی اس شخص کے متاثرین میں سے ہیں، اس چیف ایگزیکٹو کے دور میں ہمیں ملک بدری میں رہنا پڑا، یہ ملک اس شخص کی وجہ سے بہت متاثر ہوا،دوران سماعت وزیرقانون اعظم نذیرتارڑ ،اٹارنی جنرل بھی عدالت پیش ہوئے ،عدالت نے کہا کہ اس عدالت کا آپ پر اعتمادہے کہ آپ اس کاحل بتائیں، ایک چھوٹابچہ اس عدالت آتاہے،
یہ عدالت اسے کیا دے، بدقسمتی سے اس بچے کو پچھلے وزیر اعظم کے پاس بھیجا مگر کچھ نہیں ہوا، وزیر اعظم صاحب آپ اس مسئلے کاحل بتائیں کہ یہ عدالت کیا کرے، یہ ریاست کیلئے ایک ٹیسٹ کیس ہے، ایشوز ہونگے لیکن انکا حل پارلیمنٹ اور چیف ایگزیکٹو نے نے کرنا ہے، عدالت یقینی بنائے گی کہ سویلین بالادستی کی آئین کی منشا پر عملدرآمد ہو، آئین کو نافذ کرنا ایگزیکٹو کی ذمہ داری ہے، اگر آئین کی منشا پر عمل نہیں ہوتا تو سب کچھ پیک کر کے گھر جانا چاہیے ،چیف جسٹس نے مزید کہا کہ آمنہ مسعود جنجوعہ نے کمیشن سے متعلق جو باتیں کہیں وہ تکلیف دہ ہیں، معاملات کو پارلیمنٹ میں لے کر جائیں ان پر قانون سازی کریں، بھارت نے یہی کیا دیگر ممالک نے بھی یہی کیا، لوگوں کو لاپتہ کرنا ناقابل برداشت ہے، عدالت پھر چیف ایگزیکٹو کو ذمہ دار ٹھہرائے گی،اس عدالت کے سامنے بلوچ طلبہ کی شکایات آتی ہیں ان کو نسلی امتیاز کا شکار بنایا جارہا ہے، بلوچ طلبہ پاکستان کا مستقبل ہیں وہ ریاست سے غیر محفوظ محسوس کر رہے ہیں، اس وفاقی دارالحکومت سے ایک صحافی کو اٹھایا گیا سی سی ٹی وی کی فوٹیجز موجود ہیں انکوائری نہ ہوسکی، کچھ تلخ حقائق ہیں جنہیں نظر انداز نہیں کیا جاسکتا، اب تو ہر تھانے میں ایسے ٹیمیں بن گئی ہیں جو لوگوں کو اٹھا لیتی ہیں،جس کے بعد مدثر نارو کی والدہ روسٹرم پر آگئیں، انہوں نے کہا کہ میں وزیراعظم کو بتانا چاہتی ہوں ہم سے جھوٹے وعدے کیے گئے، ہم اپنے بچپن میں فورسز کی گاڑی دیکھ کر احتراما رک جاتے تھے، میں چاہتی ہوں آنے والی نسلیں بھی اپنے سیکیورٹی اداروں کی ایسے ہی عزت کریں،اگر قانون کی خلاف ورزی ہوتی رہی تو ہر حکمران ذمہ دار ہے، یہ عدالت آئین کو دیکھے گی اور اسکے بعد ایک فیصلہ دیگی، اٹارنی جنرل صاحب اگر آپ تیار ہیں تو آج دلائل دیں پھر عدالت ایک فیصلہ دے، ہمارے معاشرے کا المیہ یہ ہے
جس کی ذمہ داری ہوتی ہے وہ کہتا ہے میں کیا کر سکتا ہوں، یہ بہانہ بنایا جاتا ہے کہ میرے پاس تو اختیار ہی نہیں اختیار تو کسی اور کے پاس ہے، اگر آپ ذمہ داری نہیں لے سکتے تو پھر اپنا آفس چھوڑ دیں،اٹارنی جنرل اشتراوصاف نے کہا کہ دلائل وہاں دیے جاتے ہیں جب اختلاف ہو، میں نے، وزیر قانون اور وزیر داخلہ نے اس معاملے پر بہت سنجیدگی سے مشاورت کی ہے، خدا کی قسم اگر پاکستان نہ ہو تو میں یہاں کھڑا نہ ہوں، میں نے اس عدالت سے جا کر اس عدالت کی بنائی کمیٹی کے ممبران کو فون کر کے بات کی، میں نے اسد عمر کو بھی کال کی، صرف چیئرمین سینیٹ کے علاوہ، میں چیئرمین سینیٹ سے ذاتی طور پر ملنے جاں گا، آپ نے وزیراعظم کی ذمہ داری لگائی ہے ہم کام کریں گے، آپ ہمیں تھوڑا موقع دیں پھر آپکو شکایت نہیں ہو گی، اگر ہم ذمہ راری پوری نہ کر سکے تو میں آ کر کہوں گا کہ میں فیل ہو گیا،وزیر قانون اعظم تارڑ نے کہا کہ یہ اتحادی حکومت ہے اور حکومت کے اتحادیوں کا یہ اپنا مسئلہ ہے، اس حکومت نے اس لئے ایک کمیٹی تشکیل دی تاکہ معاملے کی گہرائی تک پہنچ سکیں، ہماری کمیٹی کے سات لوگ جاں فشانی سے کام کر رہے ہیں، ہفتہ وار اجلاس منعقد ہورہے ہیں، ہمیں تھوڑا وقت دیں یہ بیس سال پرانا مسئلہ ہے اس میں مائنز بھی ہیں، یہ مسئلہ جب بھی حل ہوا ڈائیلاگ سے ہی ہوگا ، تقریر ہم کررہے ہیں لیکن گراونڈ پر تلخ حقائق اور بارودی سرنگیں ہیں ، آپ نے پارلیمنٹ کو ہمیشہ عزت دی ہے لیکن اس ملک میں پارلیمنٹ سے زیادہ بے توقیری کسی ادارے کی نہیں ہوئی۔
کریڈٹ: انڈیپنڈنٹ نیوز پاکستان-آئی این پی
منچھر جھیل کے پانی کو دریا میں ڈالنے کے لیے گاں کرم پور کے قریب ایل ایس ڈیم کو 3 مقامات پر کٹ لگا دیا گیا،کٹ لگنے سے کرم پور سمیت سیہون کی 17 متاثرہ یونین کونسلز میں سیلابی پانی کا دبائو کم ہوگا، منچھر جھیل میں کٹ ہیوی مشینوں کے ذریعے لگائے گئے،کٹ لگانے کے عمل کی ڈپٹی کمشنر جامشورو فرید الدین نے خود نگرانی کی، منچھر جھیل کا پانی دریائے سندھ میں داخل ہونے لگا ہے، تاہم گائوں کرمپور پر کٹ لگنے کے بعد سیہون کا دادو اور لاڑکانہ سے زمینی رابطہ منقطع ہو گیا،دوسری طرف سانگھڑ کو بچانے کی آخری کوشش کے طور پر بپھرے سیم نالے کے پانی کا رخ موڑنے کے لیے مٹھڑا نہر میں کٹ لگا دیا گیا ہے،کٹ لگنے سے کئی دیہات زیر آب آ گئے ہیں، جس پر مکینوں نے احتجاج کیا اور انھوں نے نوابشاہ روڈ پر دھرنا دے دیا ، مکینوں کا کہنا تھا کہ ایک لاکھ آبادی کو ڈبو دیا گیا ہے، نکاسی آب نہ ہوئی تو حفاظتی بند توڑ دیں گے،جبکہ دادو کی ایم این وی ڈرین میں شگاف پڑ گیا ہے، جس سے مختلف علاقے ڈوب گئے ۔
کریڈٹ: انڈیپنڈنٹ نیوز پاکستان-آئی این پی
کالام بحرین سڑک کو ہر قسم کی ٹریفک کے لیے کھول دیا گیا، اور غذائی اجناس کی سپلائی شروع ہو گئی،تفصیلات کے مطابق کالام بحرین سڑک حالیہ بارشوں اور سیلاب میں 19مقامات پر بہہ گئی تھی، 35کلو میٹر اس سڑک کو صرف 7دن میں بحال کر دیا گیا ،سڑک کی بحالی کے بعد کالام سے سبزیوں کی گاڑیاں ملک کے دیگر شہروں کے لیے روانہ ہونا شروع ہو گئی ہیں، سڑک فی الوقت چھوٹی گاڑیوں کے لیے کھولی گئی ہے، سڑک بحال ہونے سے کالام اور ملحقہ علاقوں اتروڑ، مٹلتان، پلوگہ، اریانئ، لائکوٹ، گبرال تک اشیائے خور و نوش اور ادویات اور دیگر امدادی سامان کی ترسیل میں آسانی ہوگی۔
کریڈٹ: انڈیپنڈنٹ نیوز پاکستان-آئی این پی
سابق وزیر داخلہ شیخ رشید نے کہا ہے کہ کسی شخص کو نااہل کرکے جیل بھیج کر سیاست ختم نہیں کرسکتے،سیشن کورٹ اسلام آباد میں دفعہ 144کی خلاف ورزی سے متعلق کیس کی سماعتکے موقع پرسیشن کورٹ اسلام آباد میں میڈیا سے گفتگو کرتے ہوئے شیخ رشید نے کہا کہ ہمیں بھی 7،7 سال جیل بھیجا گیا ،ہماری سیاست آج بھی قائم ہے،یہ ہمیں جیل بھیجیں اس سے کوئی فرق نہیں پڑتا ،جیل ہمارا سسرال ،ہتھکڑی ہمارا زیور اور موت ہماری محبوبہ ہے،شیخ رشید نے کہا کہ مولانا فضل الرحمان کو معلوم ہی نہیں کہ سیلاب کا پانی کہاں تک جاچکا ہے۔
کریڈٹ: انڈیپنڈنٹ نیوز پاکستان-آئی این پی
لبنان کے وزیر مواصلات علی حامیہ کی رہائش گاہ کے باغیچے پر بم حملہ کیا گیا ،لبنانی سرکاری خبر رساں ادارے کے مطابق حامیہ کے بقا کے علاقے میں واقع رہائش گاہ میں ایک دھماکہ ہوا، بم وزیر مواصلات کی رہائشگاہ کے باغیچے میںبجلی کی تاروں سے نصب کیا گیا تھا جو کہ دھماکے سے پھٹ گیا مگر خوش قسمتی سے وزیر اپنی رہائش گاہ میں موجود نہیں تھے، دھماکے میں کسی جانی نقصان کی اطلاع نہیں ملی ہے۔
کریڈٹ: انڈیپنڈنٹ نیوز پاکستان-آئی این پی
کینیڈا میں چاقو سے حملہ کر کے شہریوں کو ہلاک اور زخمی کرنے والا دوسرا ملزم پکڑا گیا،کینیڈین پولیس نے چاقوحملہ کا دوسرا ملزم گرفتار کر لیا، پولیس کے مطابق چاقو حملے کے دوسرے ملزم مائلز سینڈرسن کو کمیونٹی سینٹر کے قریب سے گرفتار کیا گیا،چاقو حملے کا ایک ملزم ڈیمن سینڈرسن دو روز قبل مردہ حالت میں پایا گیا تھا، پولیس کا کہنا تھا کہ ڈیمن سینڈرسن کو ممکنہ طور پر اس کے بھائی مائلز سینڈرسن نے ہی مارا ہے،31سال کے ڈیمین سینڈرسن کی لاش جیمز کری نیشن میں ایک گھر قریب سبزے سے ملی تھی، اس علاقے سے حملے کے کئی مقتولین کا تعلق تھا۔
کریڈٹ: انڈیپنڈنٹ نیوز پاکستان-آئی این پی
اسرائیلی فوج نے مشرقی القدس سمیت مقبوضہ مغربی کنارے کے مختلف علاقوں میں چھاپوں کے دوران ایک فلسطینی نوجوان کو شہید اور 22افراد کو حراست میں لے لیا،عینی شاہدین کے مطابق اسرائیلی فورسز نے مغربی کنارے کے شمال میں واقع طوباس میں واقع الفارا پناہ گزین کیمپ پر دھاوا بولا،چھاپے کے دوران اسرائیلی فوج اور فلسطینیوں کے درمیان جھڑپیں ہوئیں، اسرائیلی فوجیوں نے فلسطینیوں کے خلاف اصلی اور ربڑ کی گولیوں اور آنسو گیس کا استعمال کیا،21سالہ فلسطینی یونس طیح فارا کیمپ میں اس وقت دم توڑ گیا جب قابض فوج کی جانب سے چلائی گئی گولی اس کے دل میں پیوست ہو گئی،اسرائیلی فورسز نے مشرقی ی القدس سمیت مغربی کنارے کے شمال میں طوباس، طولکرم، کالکیہ، جنین، نابلس، ہیبرون، رام اللہ اور مشرقی یروشلم میں واقع الفارہ پناہ گزین کیمپ پر چھاپے مار کر 22فلسطینیوں کو حراست میں لیا گیا ہے ۔
کریڈٹ: انڈیپنڈنٹ نیوز پاکستان-آئی این پی
عراق کی وفاقی عدالت نے اسمبلی تحلیل کرنے کی درخواست مسترد کر دی ہے ،عالمی میڈیا رپورٹس کے مطابق وفاقی عدالت کی جانب سے دیے گئے ایک بیان میں کہا گیا ہے کہ اسمبلی کو تحلیل کرنے کا فیصلہ عدالت کے دائرہ اختیار میں نہیں ہے،بیان میں اس بات کی بھی نشاندہی کی گئی کہ اگرکوئی حقیق جواز ہو تو اسمبلی خود ہی تحلیل ہو سکتی ہے،عراق کے سرکاری ٹیلی ویژن کے مطابق اسمبلی کی تحلیل کے لیے وفاقی عدالت میں تقریبا ایک ہزار درخواستیں دی گئی ہیں ، معلوم ہوا ہے کہ عدالت میں درخواست گزاروں میں سے زیادہ تر صدر تحریک کے رہنما مقتدی الصدر کے حامی ہیں،عراقی شیعہ مذہبی اور سیاسی رہنما اسمبلی کی تحلیل اوردوبارہ انتخابات کرائے جا نے کے خواہشمند تھے، دوسری جانب ایران کے حمایت یافتہ شیعہ گروپوں کا کہنا تھا کہ دوبارہ انتخابات کا فیصلہ سیاسی گروپوں کے درمیان آئینی معاہدوں کے مطابق ہونا چاہیے۔
کریڈٹ: انڈیپنڈنٹ نیوز پاکستان-آئی این پی
آسٹریلیا میں پہلی باحجاب سینیٹر فاطمہ پیمان پارلیمان میں اپنے اولین خطاب میں اپنی زندگی کی مشکلات کی روداد سناتے ہوئے رو پڑیں،عالمی میڈیا رپورٹس کے مطابق آسٹریلیا کی پارلیمنٹ میں اولین خطاب کے دوران فاطمہ پیمان نے اراکین کو اپنے افغانستان سے پاکستان اور پھر پرتھ پہنچنے، بعد ازاں نسل پرستی کا سامنا کرنے کے باعث سیاست میں آنے کی روداد سناتے ہوئے ماضی کی تکالیف یاد کرتے ہوئے رو پڑی،فاطمہ پیمان نے کہا کہ افغانستان میں طالبان کی پہلی حکومت آنے کے بعد ہم لوگ خوف زدہ ہوکر پاکستان چلے گئے تھے بعد ازاں میرے والد ایک کشتی کے ذریعے آسٹریلیا پہنچے اور 4سال انتھک محنت کے بعد اہلخانہ کو پاکستان سے بلالیا اور پھر ہم سب یہاں دوبارہ مل کر رہنے لگے لیکن یہاں بھی مصائب کم نہ ہوئے،خاتون سینیٹر نے دکھ بھری روداد بتاتے ہوئے کہا کہ والد کو آسٹریلیا میں امتیازی سلوک کا سامنا کرنا پڑا، انہیں محنت کی انتہائی قلیل اجرت دی جاتی اور روزگار میں بھی تحفظ نہیں تھا جب کہ مجھے بھی یہاں مسائل کا سامنا کرنا پڑا اور یہ سب بہت غیر یقینی تھا کیونکہ میرا خیال تھا کہ آسٹریلیا ایک روشن خیال ملک ہے اور یہ نسل پرستی سے آزاد ہوگا، لیکن ایسا نہیں تھا،27سالہ فاطمہ پیمان کا کہنا تھا کہ پہلی بار مجھے آسٹریلیا میں اجنبیت کا احساس تب ہوا جب یونیورسٹی میں میرے ایک ساتھی طالب علم نے حجاب کا مذاق اڑایا گیا اور مجھے یہ تک کہا گیا کہ جہاں سے آئی ہو، وہاں واپس جائو،فاطمہ جو رواں سال جون میں سینیٹر منتخب ہوئی ہیں نے مزید کہا کہ ایسے لمحات میں بھی میں نے ہار نہ مانی اور سیاسی جدوجہد کا حصہ بنی رہی، اس دوران مجھے اپنے والدی کی جدائی کا دکھ بھی سہنا پڑا کہ وہ کینسر کے موذی مرض کے باعث صرف 47سال کی عمر میں انتقال کرگئے تھے، خاتون سینیٹر نے اس موقع پر اپنے مرحوم والد کو خراج عقیدت پیش کرتے ہوئے شکریہ ادا کیا کہ ان کی وجہ سے مجھے آگے بڑھنے کا حوصلہ، اور اعتماد ملا اور میں آج اس مقام تک پہنچی۔
کریڈٹ: انڈیپنڈنٹ نیوز پاکستان-آئی این پی
پاکستان اور افغانستان کے درمیان میچ کے بعد ہلڑ بازی بدنظمی اور پاکستانی فینز کو مارنے پیٹنے کے واقع پر پاکستان کرکٹ بورڈ (پی سی بی)نے سخت تشویش کا اظہار کیا ہے،پاکستان کرکٹ بورڈ حکام نے معاملے کو انٹرنیشنل کرکٹ کونسل (آئی سی سی)اور ایونٹ کی انتظامیہ ایمریٹس کرکٹ بورڈ کے سامنے اٹھانے کا فیصلہ کیا ہے، ذرائع کے مطابق اس سلسلے میں باقاعدہ طورپر خط لکھ کر ذمہ داروں کے خلاف فوری اور سخت ایکشن لینے کے مطالبے کے ساتھ کھلاڑیوں کے ساتھ فینز کی بھی سکیورٹی یقینی بنانے کے لیے اقدامات کا مطالبہ کیا جائے گا،بورڈ حکام نے پاکستانی فینز کے ساتھ مار پٹائی کے واقعہ پربرہمی پر سخت نوٹس لیتے ہوئے کہا کہ یہ تیسرا موقع ہے جب ایسا ناخوشگوار واقع رونما ہوا ہے ،پی سی بی کا کہنا تھا کہ کھلاڑیوں کے ساتھ اسٹیڈیم میں موجود فیز کی بھی سیکیورٹی اور حفاظت یقینی بنانی ہے، انتظامیہ سے پوچھا جائے گا کہ ایسے واقعات کے سدباب کے لیے اب تک کیا قدم اٹھایا گیا ہے۔
کریڈٹ: انڈیپنڈنٹ نیوز پاکستان-آئی این پی
ایشیا کپ میں پاکستان اور افغانستان کے درمیان کھیلا جانے والا میچ سنسنی خیز مقابلے کے بعد قومی ٹیم نے جیت لیا، میچ کی خاص بات نسیم شاہ کا فلک شگاف چھکا تھی، میچ میں پاکستان کی شاندار کامیابی کے بعد بھارت کا ایونٹ میں ایک فیصد واپسی کا خواب بھی چکنا چور ہوگیا، بھارتی شائقین بھی افغان ٹیم سے بہت سی امیدیں لگائے بیٹھے تھے جس میں انہیں مایوسی ملی، اہم میچ میں پاکستان نے افغانستان کو ایک وکٹ سے شکست دی۔ افغانستان نے پہلے بیٹنگ کرتے ہوئے پاکستان کو 130رنز کا ہدف دیا تھا جس کے تعاقب میں پاکستان کی بیٹنگ لائن شروع سے ہی مشکلات کا شکار رہی،پاکستان کے نو کھلاڑی آئوٹ ہوچکے تھے اور اسے چھ گیندوں پر 11رنز درکار تھے، محمد حسنین اور نسیم شاہ دو بولرز کریز پر موجود تھے اور شکست پاکستانی فینز کو آنکھوں کے سامنے نظر آ رہی تھی،نسیم شاہ نے فضل حق فاروق کو آخری اوور کی پہلی دو گیندوں پر دو فلک شگاف چھکے مار کر پاکستان کو جیت دلا دی۔
کریڈٹ: انڈیپنڈنٹ نیوز پاکستان-آئی این پی
قومی کرکٹ ٹیم کے سابق فاسٹ بالر شعیب اختر نے کہا ہے کہ متکبرانہ رویہ افغانستان ٹیم کی شکست کا باعث بنا،متحدہ عرب امارات میں جاری ایشیا کپ ٹی ٹوئنٹی ٹورنامنٹ کے انتہائی اہم میچ میں قومی ٹیم نے دلچسپ اور سنسنی خیز مقابلے کے بعد افغان ٹیم کو شکست دی جس کے ردعمل میں افغان شائقین آپے سے باہر ہوگئے، سابق فاسٹ بالر شعیب اختر نے اس رویے پر کڑی تنقید کی ہے،سماجی رابطے کی ویب سائٹ پر ٹوئٹر میسج اور اپنے ویڈیو پیغام میں راولپنڈی ایکسپریس شعیب اختر نے افغان تماشائیوں کے نامناسب رویے پر شدید برہمی کا اظہار کیا،شعیب اختر نے شارجہ میں مشتعل ہجوم کی ہنگامہ آرائی کے بعد افغانی تماشائیوں کے عمل پر شدید تنقید کی ان کا کہنا تھا کہ ہم بحیثیت قوم افغان بھائیوں کو سپورٹ کرتے ہیں لیکن یہ کیا طریقہ ہے آپ نے آصف علی کے ساتھ جو سلوک کیا،افغان ٹیم کے میچ ہارنے کے بعد اسٹیڈیم میں شائقین کے جھگڑے کے بعد سابق کرکٹر شعیب اختر غصے میں آگئے انہوں نے کہا کہ کھیل کو کھیل سمجھ کر کھیلنا چاہیے،اپنے ٹوئٹر پیغام میں انہوں نے افغانستان کرکٹ بورڈ کے سابق سی ای او شفیق ستانکزئی کو بھی ٹیگ کیا اور ایک ویڈیو پوسٹ کرتے ہوئے کیپشن لکھا کہ یہ ہے وہ عمل جو افغان شائقین کررہے ہیں،ان کا کہنا تھا کہ آصف علی کے ساتھ افغانی بالر کا رویہ دیکھ کر مجھے بہت افسوس ہوا، نسیم شاہ اسی لیے غصے میں تھا،شعیب اختر نے کہا کہ اس طرح کا رویہ یہ شائقین ماضی میں بھی متعدد مرتبہ اختیار کرچکے ہیں، کرکٹ ایک کھیل ہے اور اسے صحیح جذبے کے ساتھ کھیلنا اور لیا جانا چاہیے،ان کا مزید کہنا تھا کہ متکبرانہ رویہ افغانستان ٹیم کی شکست کا باعث بنا۔ اگر آپ لوگ کھیل میں ترقی کرنا چاہتے ہیں تو آپ کے مداحوں اور آپ کے کھلاڑیوں دونوں کو کچھ اہم باتیں سیکھنے کی ضرورت ہے۔
کریڈٹ: انڈیپنڈنٹ نیوز پاکستان-آئی این پی