صدر مملکت عارف علوی نے پنجاب اور خیبرپختونخوا اسمبلیوں کے الیکشن کی تاریخ کے لیے چیف الیکشن کمشنر کو خط لکھ دیا،صدر مملکت کی جانب سے لکھے گئے خط میں کہا گیا ہے کہ انتخابات کی تاریخ کافوری اعلان کریں، آئین تاخیر کی اجازت نہیں دیتا،صدر مملکت کا کہنا تھا کہ الیکشن کمیشن، الیکشن ایکٹ 2017کے مطابق صوبائی اسمبلیوں کے انتخابات کی تاریخ کا فوری اعلان کرے، الیکشن کمیشن پنجاب اور خیبرپختونخوا کی صوبائی اسمبلیوں کے لیے انتخابی شیڈول جاری کرے،صدرمملکت کی جانب سے خط میں کہا گیا ہے کہ الیکشن کی تاریخ کے اعلان سے صوبائی اور عام انتخابات سے متعلق قیاس آرائیوں کو ختم کیا جاسکے گا،خط میں صدر مملکت نے پنجاب اور خیبر پختونخوا کی صوبائی اسمبلیوں کی تحلیل کا حوالہ دیتے ہوئے کہا ہے کہ آئین کا آرٹیکل 224 دو اسمبلیاں توڑنے کے 90دن کے اندر الیکشن کرانے پر زور دیتا ہے،صدر مملکت کا کہنا ہے کہ آئین کے مطابق انتخابات کا انعقاد الیکشن کمیشن کا بنیادی اور لازمی فرض ہے، آئین کا آرٹیکل 218(3)الیکشن کمیشن کو شفاف اور آزادانہ انتخابات کے انعقاد کو یقینی بنانیکا فرض تفویض کرتا ہے، فرائض کی ادائیگی میں ناکامی کی صورت میں الیکشن کمیشن ہی کو آئین کی خلاف ورزی کا ذمہ دار ٹھہرایا جائیگا،خط میں کہا گیا ہے کہ آئین اور الیکشن ایکٹ 2017کی خلاف ورزی کے سنگین نتائج سے بچا جائے

دونوں تحلیل شدہ اسمبلیوں کے انتخابی شیڈول کا فوری اعلان کیا جائے،صدر مملکت نے خط میں آئین کی تمہیداور قرارداد مقاصد کا بھی حوالہ دیا ہے، تمہید کے مطابق ریاست اپنی طاقت اور اختیار کو عوام کے منتخب نمائندوں کے ذریعے استعمال کرے گی،صدر مملکت کا کہنا ہے کہ قرار داد مقاصد قوم کے آبا اجداد کے غیر متزلزل عزم کی عکاس ہے، آئین میں جمہوری اصولوں، اقدارکی پابندی اور پیروی کے بارے میں کوئی ابہام نہیں ہے، دنیا کی پرانی جمہوریتوں نے جنگوں کے دوران بھی انتخابات میں کبھی تاخیر نہیں کی، امریکا نے 1812میں برطانیہ کے ساتھ جنگ کے باوجود انتخابات کرائے، امریکی صدر ابراہم لنکن نے1864خانہ جنگی کے وقت بھی انتخابات معطل کرنیکا نہیں سوچا،صدر مملکت کے مطابق الیکشن کمیشن نے قومی اسمبلی کے مختلف حلقوں میں ضمنی انتخابات کا اعلان کرکے مناسب آئینی قدم اٹھایا، پختہ خیال ہے کہ انتخابات ملتوی یا ان میں تاخیر کرنیکا جواز فراہم کرنے والے حالات ملک میں نہیں، حالیہ عالمی تاریخ ثابت کرتی ہے کہ انتخابات کے التوا نے جمہوریت کو طویل المدتی نقصان پہنچایا ہے۔

کریڈٹ: انڈیپنڈنٹ نیوز پاکستان-آئی این پی

صنعتوں کی بندش دراصل پاکستان کو بند کرنے کے مترادف ہو گی جبکہ حکومت کے یکطرفہ فیصلے عملاً صنعتوں کو مکمل بندش کی طرف دھکیل رہے ہیں۔یہ بات فیصل آباد چیمبر آف کامرس اینڈانڈسٹری کے سینئر نائب صدر ڈاکٹر سجاد ارشد نے ریواول اینڈ سسٹین ایبلٹی آف دی ویلیو ایڈڈ ٹیکسٹائل ایکسپورٹ انڈسٹری بارے قائمہ کمیٹی کے اجلاس سے خطاب کرتے ہوئے کہی۔ اس اجلاس میں نائب صدر حاجی محمد اسلم بھلی کے علاوہ قائمہ کمیٹی کے چیئرمین میاں محمد لطیف اور کاشف ضیاء نے بھی شرکت کی۔ ٹیلی فون پر میاں جاوید اقبال نے بھی خطاب کیا اور برآمدی سیکٹر سے طے شدہ ٹیرف کے برعکس بجلی اور گیس کی قیمتوں میں مجوزہ اضافہ پر تشویش کا اظہار کیا۔ سینئر نائب صدر ڈاکٹر سجاد ارشد نے کہا کہ موجودہ معاشی صورتحال میں معمول کی صنعتی، تجارتی اور کاروباری سرگرمیوں کو برقرار رکھنا مشکل ہو گیا ہے۔ انہوں نے کہا کہ پاکستان اس وقت تاریخ کے بدترین بحران سے گزر رہا ہے۔ نصف سے زیادہ صنعتیں بند ہو چکی ہیں اور بجلی اور گیس کے ٹیرف کو بڑھایا گیا تو صنعتوں کو چلانا ممکن نہیں رہے گا۔

انہوں نے کہا کہ اگر صنعتیں بند ہوئیں تو پورا پاکستان بند ہو جائے گا۔ قائمہ کمیٹی کے چیئرمین میاں محمد لطیف نے کہا کہ صنعتوں کیلئے بجلی اور گیس کے ٹیرف میں اضافہ قطعاً قابل قبول نہیں اور اگر ایسا ہوا تو صنعتیں مکمل طور پر بند ہو جائیں گی۔ جس سے بے روزگاری کا نیا طوفان آئے گا جسے کنٹرول کرنا حکومت کے بس میں نہیں ہوگا۔ میاں محمد لطیف نے کہا کہ بہت سے ادارے پہلے ہی بند ہو چکے ہیں اور کچھ بند ہونے والے ہیں۔ انہوں نے بتایا کہ فیصل آباد چیمبر آف کامرس اینڈانڈسٹری کے صدر ڈاکٹر خرم طارق بیرون ملک ہیں جبکہ دیگر ممبران بھی فیصل آباد میں موجود نہیں اس لئے آئندہ اجلاس 21فروری کو بلایا جائے گا جس میں ممبران کے علاوہ ممکنہ معاشی بحران سے متاثر ہونے والے صنعتکاروں کو بھی مدعو کیا جائے گا۔ انہوں نے بتایا کہ کپاس کی پیداوار 4.5ملین گانٹھ ہوئی ہے جو ملکی ضروریات کیلئے ناکافی ہے۔ اس صورتحال میں مقامی خام مال کے علاوہ درآمدی خام مال کا حصول بھی مشکل ہو گیا ہے۔ انہوں نے کہا کہ مالی بحران کی وجہ سے ڈائز اینڈ کیمیکلز کے علاوہ فاضل پرزے بھی درآمد نہیں کئے جا رہے۔ انہوں نے کہا کہ اِن مسائل کے حل کیلئے حکومت کو آئی ایم ایف سے یکطرفہ فیصلوں کی بجائے تمام سٹیک ہولڈرز کی مشاورت سے طویل المعیاد حکمت عملی وضع کرنا ہو گی

کریڈٹ: انڈیپنڈنٹ نیوز پاکستان-آئی این پی

حکومت پنجاب نے چنے کی کاشت کے مرکزی علاقہ تھل میں موسمیاتی تبدیلیوں سے ہم آہنگ ٹیکنالوجیز کے ذریعے چنے کی کاشت کے فروغ کے منصوبہ کا آغاز کردیا ہے جس کے تحت تھل کے چاروں اضلاع بھکر،خوشاب،میانوالی اور جھنگ میں چنے کی پیداوار بڑھانے کیلئے خواہشمند کاشتکاروں کو سپرنکل نظام آبپاشی بمعہ سولر سسٹم کی تنصیب پر 80فیصد سبسڈی دی جا ئے گی۔ترجمان محکمہ اصلاح آبپاشی پنجاب کے مطابق مذکورہ اضلاع کے خواہشمند کاشتکار درخواست فارم متعلقہ ڈپٹی ڈائریکٹر زراعت اصلاح آبپاشی یااسسٹنٹ ڈائریکٹر اصلاح آبپاشی کے دفاتر سے مفت حاصل یا محکمہ زراعت کے شعبہ اصلاح آبپاشی کی ویب سائٹ http://ofwm.agripunjab.gov.pk سے بھی ڈاؤن لوڈ کر سکتے ہیں۔انہوں نے کہا کہ اس حوالے سے خواہشمند کاشتکار ہر لحاظ سے مکمل درخواستیں بمعہ دستاویزات متعلقہ ڈپٹی ڈائریکٹر زراعت آبپاشی کے دفتر میں جمع کروائیں گے۔انہوں نے بتایاکہ یہ سہولت پہلے آئیے پہلے پائیے کی بنیاد پر مہیا کی جائے گی۔انہوں نے کہا کہ اس ضمن میں مزید معلومات و رہنمائی کیلئے ڈپٹی ڈائریکٹر زراعت اصلاح آبپاشی میانوالی سے فون نمبر 0459ـ929018،ڈپٹی ڈائریکٹر زراعت اصلاح آبپاشی جھنگ سے فون نمبر 047ـ9330014 جبکہ ڈپٹی ڈائریکٹر زراعت اصلاح آبپاشی خوشاب سے فون نمبر0454ـ799763 اور ضلع بھکر کے ڈپٹی ڈائریکٹر زراعت اصلاح آبپاشی سے فون نمبر 0453ـ9200254پر رابطہ کیا جاسکتا ہے۔انہوں نے بتایا کہ اس کے علاوہ محکمہ کی فری ہیلپ لائن 0800ـ17000 سے بھی مزید معلومات و رہنمائی حاصل کی جا سکتی ہے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے سربراہ عمران خان ویسے تو عالمی شہرت یافتہ ہیں تاہم وہ پہلے سیاستدان ہیں جنہیں اقتدار سے ہٹائے جانے کے بعد بیپناہ مقبولیت ملی۔گذشتہ سال جب عمران خان کو وزارت عظمیٰ کے عہدے سے ہٹایا گیا تو عوام سڑکوں پر آ گئی۔بعدازاں عمران خان نے جب جلسے کرنا شروع کیے تو اس میں بھی عوام نے بڑی تعداد میں شرکت کی۔عمران خان نے جب بھی احتجاج کے لیے کال دی تو لوگوں نے بھرپور شرکت کی۔بقول پی ٹی آئی رہنماؤں کے یہ عمران خان کی مقبولیت کا ہی خوف ہے کہ پی ڈی ایم جماعتیں الیکشن سے بھاگ رہی ہیں۔اب تو عمران خان کا جنون شادیوں تک پہنچ چکا ہے۔حال ہی میں شادی کی تقریب کے دوران کی ویڈیو وائرل ہو رہی ہے جس میں دلہن کو 'عمران تیرے جانثار بے شمار بے شمار' کے نعرے لگاتے ہوئے دیکھا جا سکتا ہے۔دلچسپ صورتحال بھی دیکھنے میں آتی ہے جب کہا جاتا ہے کہ 'میاں دے نعرے' جس پر خاموشی چھا جاتی ہے۔ اس کے ساتھ ساتھ شادی میں موجود مہمان بھی 'کون بچائے گا پاکستان،عمران خان عمران خان' کے نعرے لگاتے ہیں۔پاکستان تحریک انصاف کی رہنما مسرت جمشید چیمہ نے ویڈیو شئیر کرتے ہوئے کہا کہ اس قوم کی آخری امید عمران خان ہیں. ہر گھر گھر میں بس عمران خان کی ہی گونج سنائی دی جارہی یے۔انہوں نے مزید کہا کہ مائنس ون کرنے کے خواب دیکھنے والوں تم جتنا مائنس کرنے کی کوشش کرو گے تو یہ قوم اتنا ہی ضرب دے گی۔قبل ازیں ایس نامی ادارے کے سروے میں عوام نے اپنی پسندیدہ ترین سیاسی لیڈرشپ کے حوالے سے رائے کا اظہار کیا، جس کے مطابق پی ڈی ایم کی تمام قیادت کی مجموعی عوامی حمایت کے مقابلے میں اکیلے عمران خان زیادہ عوامی حمایت حاصل کرنے میں کامیاب ہو گئے۔پاکستان تحریک انصاف کے سربراہ آئی آر آئی ایس نامی ادارے کے سروے میں 51 فیصد عوام کی حمایت حاصل کرنے میں کامیاب رہے، جبکہ نواز شریف 21 فیصد اور شہباز شریف صرف 10 فیصد عوامی حمایت حاصل کر سکے-

کریڈٹ: انڈیپنڈنٹ نیوز پاکستان-آئی این پی

پاکستان سے رواں مالی سال کی پہلی ششماہی کے دوران 47 ملین ڈالر کے مصالحہ جات برآمد کیے گئے ،مصالحہ جات کی برآمد میں گزشتہ مالی سال کی اسی مدت کے مقابلے میں 11 فیصد کمی واقع ہوئی، پاکستانی برانڈز بڑی برآمدی منڈیوں میں ای کامرس چینلز کو موثر طریقے سے استعمال کرنے میں کامیاب نہیں ہو سکے،ٹریڈ ڈویلپمنٹ اتھارٹی کو بڑی مارکیٹوں میں پاکستان فوڈ فیسٹیولز کے انعقاد کے لیے اپنا کردار ادا کرنا چاہیے۔ویلتھ پاک کی رپورٹ کے مطابق رواں مالی سال کی پہلی ششماہی کے دوران 47.09 ملین ڈالر کے مصالحہ جات برآمد کیے گئے ہیں۔ رواں مالی سال کے پہلے چھ ماہ کے دوران مصالحہ جات کی برآمد میں گزشتہ مالی سال کی اسی مدت کے مقابلے میں 11 فیصد کمی واقع ہوئی ہے۔پاکستان بزنس کونسل کی رپورٹ کے مطابق مصالحہ جات کی برآمدات میں چین، بھارت اور پاکستان سرفہرست ممالک ہیں۔ پاکستانی مصالحہ جات کے برانڈز بڑی برآمدی منڈیوں میں ای کامرس چینلز کو موثر طریقے سے استعمال کرنے میں کامیاب نہیں ہو سکے۔

ای کامرس پلیٹ فارم کی پیچیدگیوں کو سمجھنے میں برآمد کنندگان کی مدد کے لیے بیداری کے پروگراموں کا انعقاد کیا جانا چاہیے۔ پاکستان میں مصالحہ جات کی صنعت کو ایک اہم چیلنج کا سامنا ہے ۔ اس چیلنج سے نمٹنے کے لیے ایک مشترکہ پلیٹ فارم قائم کرنے کی ضرورت ہے جو صنعت کے مفادات کی نمائندگی کر سکے۔رپورٹ میں نئی منڈیوں میں پاکستانی برانڈز کے لیے دلچسپ مواقع کی نشاندہی بھی کی گئی ہے ۔یورپ کی منڈی پاکستانی مصالحہ جات کے برانڈز کے لیے اپنی رسائی کو بڑھانے اور نئے گاہک حاصل کرنے کا ایک اہم موقع فراہم کرتی ہے۔رپورٹ میں تجویز پیش کی گئی کہ کامیابی کے ساتھ صارفین کی وسیع بنیاد تک پہنچنے اور مارکیٹ شیئر بڑھانے کے لیے صنعت کے اہم ملکوںکے لیے مارکیٹنگ کی حکمت عملی پر عمل درآمد کرنا بہت ضروری ہے جو کہ غیر صارفین کو صارفین میں تبدیل کرتی ہے۔ اس مقصد کو حاصل کرنے کے لیے صنعت کو بیلو دی لائن مارکیٹنگ کے طریقوں ڈیجیٹل مارکیٹنگ، ڈائریکٹ میل مارکیٹنگ، اسپانسر شپس اور ان اسٹور مارکیٹنگ کو استعمال کرنے پر توجہ مرکوز کرنی چاہیے تاکہ جغرافیوں کی بنیاد پر مخصوص گروپوں کو نشانہ بنایا جا سکے۔

عالمی جہاز رانی کے بحران نے لاگت میں اضافہ کیا ہے جس سے نئی اور غیر استعمال شدہ مارکیٹوں کو نشانہ بنانا اہم ہو گیا ہے۔اسپائس مکس پروڈکٹس کی برآمدات کو بڑھانے اور قابل اعتماد سپلائر کے طور پر ملک کی برانڈ امیج کو بہتر بنانے کے لیے ریاست کے زیر اہتمام ایک جامع قومی برانڈ سازی کا پروگرام شروع کیا جاناچاہیے۔رپورٹ میں نئی منڈیوں تک رسائی اور مختلف ٹارگٹ مارکیٹوں کے ذائقہ کی ترجیحات کو پورا کرنے کے لیے مصالحہ جات کی مصنوعات میں تغیرات لانے کی ضرورت پر بھی توجہ دی گئی۔ یہ نمائشوں میں شرکت اور پاکستانی نسلی کھانوں کو فروغ دے کر حاصل کیا جا سکتا ہے۔ ٹریڈ ڈویلپمنٹ اتھارٹی آف پاکستان کو بڑی مارکیٹوں میں پاکستان فوڈ فیسٹیولز کے انعقاد اور پاکستانی کھانوں کو ہندوستانی یا جنوبی ایشیائی کھانوں سے الگ کرنے کے لیے اپنا کردار ادا کرنا چاہیے۔ رپورٹ میں تجویز کیا گیا کہ صرف ریسیپی مکس مینوفیکچررز کو ہی اس قسم کی تقریبات میں شرکت کی اجازت دی جانی چاہیے۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں انسانی خوراک میں دالوں کی اہمیت کا عالمی دن10فروری کو منایا جائے گااس دن منانے کا مقصد انسانوں کی خوراک میں گوشت اور سبزیوں کے ساتھ ساتھ چنے،مسور،خشک پھلیوں سمیت دیگر دالوں کے فوائد اور اس کی اہمیت و افادیت کو اجاگر کرنا اور عوام کو یہ شعور دینا بھی ہے کہ دالیں غذائی ضروریات پوری کرنے کے ساتھ ساتھ ماحول دوستی کا حق بھی ادا کرتی ہیں کیونکہ ان کو اگنے کیلئے کھادوں کی ضرورت نہیں ہوتی ہے۔اقوام متحدہ کے زیر اہتمام 2019ء سے ہر سال10فروری کو دنیا بھر میں دالوں کی اہمیت کا عالمی دن منایا جاتا ہے۔ماہرین صحت کا کہنا ہے کہ دالوں میں پروٹین کی موجودگی کی وجہ سے یہ گوشت کا بہترین نعم البدل ہیں۔پاکستان بھر میں عام دستیاب ہونے والی دالوں میںمونگ،چنا،مسور،ماش اور لوبیا وغیرہ شامل ہیں،دال چاول پاکستان بھر کی کثیر آبادی کی پسندیدہ خوراک ہے۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں ریڈیو کا عالمی دن 13فروری کو منایا جائے گا اس دن کے منائے جانے کا مقصد ٹیکنالوجی کے اس جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے اس دن کے حوالے سے پاکستان بھر کے تمام ریڈیو اسٹیشنز سے مختلف پروگرام نشر کیے جائیں گے۔پاکستان بھر میں اس وقت اسلام آباد،لاہور،کراچی،فیصل آباد پشاور،راولپنڈی،گجرانوالہ،کوئٹہ،سرگودھا،حیدر آباد،بہاولپور اور ملتان سمیت دیگر شہروں میں پاکستان ریڈیو اور ایف ایم کے علاقائی اسٹیشن قائم ہیں جہاں سے مختلف علاقائی،معلوماتی،کرنٹ افیئرز اور دیگر پروگرام نشر کیے جاتے ہیں جو کہ ریڈیو کی وساطت سے سامعین تک پہنچتے ہیں۔ترقی کے اس جدید دور میں آج بھی ریڈیو کی اہمیت میں کوئی کمی واقع نہ ہوئی ہے شہروں سے دور دراز واقع علاقوں میں آج بھی خبروں اور معلومات کے حصول کیلئے ریڈیو ہی عوام میں بے پناہ مقبول ہے

کریڈٹ: انڈیپنڈنٹ نیوز پاکستان-آئی این پی

پاکستان میں تین سالوں میں اسلامی بینکاری کے اثاثے موجودہ حجم 926 ارب روپے سے دوگنا ہو جائیں گے، گزشتہ چند سالوں کے دوران ملک میں اسلامی بینکاری کی ترقی میں 30 فیصد سے زیادہ اضافہ ہوا ، اسلامی مالیاتی خدمات کی صنعت کی ترقی کے لحاظ سے پاکستان دنیا میں نویں نمبر پر ہے،ملک بھر میں 600 سے زائد اسلامی بینکاری شاخیں ہیں،آئندہ چار سالوں میں اسلامی بینکاری شاخوں کی تعداد کو 1,200 سے دوگنا کیا جائے گا اور اس کا مارکیٹ شیئر 10 فیصد سے بڑھا کر 15 فیصد کیا جائے گا۔ویلتھ پاک کی رپورٹ کے مطابق اسلامی مالیاتی نظام پاکستان کو ایک خوشحال ملک بنانے کی صلاحیت رکھتا ہے جس میںاسلامی بینکاری نظام، اسلامی کرنسی مارکیٹ، اسلامی انشورنس یا تکافل شامل ہیں۔ اسلامی کیپٹل مارکیٹ ،اسلامی بینکاری نظام اسلام کی روح، اخلاق اور اقدار کے مطابق ہے۔ یہ اسلامی شریعت کے وضع کردہ اصولوں کے تحت چلتی ہے۔ سود سے پاک بینکنگ آلات اور آپریشنز کی نشاندہی کرتی ہے۔ اسلامی بینکاری نہ صرف اسلامی شریعت میں ممنوع سود پر مبنی لین دین سے بچنے پر مبنی ہے بلکہ غیر اخلاقی اور غیر سماجی طریقوں سے بھی بچنے پر مبنی ہے۔

اسلامی بینکاری نظام کا ماڈل معاشی خوشحالی کے حصول کا باعث بنتا ہے۔ پاک چین جوائنٹ چیمبر آف کامرس اینڈ انڈسٹری کے صدر معظم گھرکی نے ویلتھ پاک کو بتایا کہ کاروباری اور تجارتی سرگرمیاں شرعی اور اسلامی مالیاتی قوانین کے ساتھ ہم آہنگ ہونی چاہئیں۔ انہوں نے کہا کہ گزشتہ چند سالوں کے دوران ملک میں اسلامی بینکاری کی ترقی میں 30 فیصد سے زیادہ اضافہ ہوا ہے۔ یہ اسلامی بینکاری اور مالیات کی اوسط عالمی شرح نمو سے زیادہ ہے۔ اگر یہ رجحان جاری رہا تو کسی کو توقع رکھنی چاہیے کہ اگلے تین سالوں میں اسلامی بینکاری کے اثاثے اس کے موجودہ حجم 926 ارب روپے سے کم از کم دوگنا ہو جائیں گے۔ گلوبل اسلامک فنانس رپورٹ کا حوالہ دیتے ہوئے معظم گھرکی نے کہا کہ اسلامی مالیاتی خدمات کی صنعت کی ترقی کے لحاظ سے پاکستان دنیا میں نویں نمبر پر ہے۔ پاکستان انڈونیشیا کے بعد دوسری بڑی اسلامی مارکیٹ ہے۔ پاکستان اسلامی بینکاری اور فنانس میں سب سے اہم ملک بن سکتا ہے اگر وہ مارکیٹ کا 20 فیصد حصہ حاصل کر لے۔انہوں نے اسلامی بینکاری کو مزید شریعت کے مطابق بنانے کے لیے شریعہ مشیروں کے فعال کردار کی ضرورت پر بھی زور دیا۔

معظم گھرکی کے مطابق پاکستان بھر میں 600 سے زائد اسلامی بینکاری شاخیں ہیں اور 19 اسلامی بینکنگ ادارے اسلامی کمرشل بینکنگ کی خدمات پیش کررہے ہیں۔ پاکستان ایران، ملائیشیا، سعودی عرب، بحرین، کویت، متحدہ عرب امارات ،انڈونیشیا اور سوڈان کے بعد آتا ہے۔ انہوں نے اسٹیٹ بینک آف پاکستان کی نئی اسلامی بینکاری حکمت عملی کو بھی سراہا جس میں آئندہ چار سالوں میں اسلامی بینکاری شاخوں کی تعداد کو 1,200 سے دوگنا کیا جائے گا اور اس کا مارکیٹ شیئر 10 فیصد سے بڑھا کر 15 فیصد کیا جائے گا۔ سیکرٹری جنرل صلاح الدین حنیف نے کہا کہ مطلوبہ مقصد کے حصول کے لیے روایتی بینکاری اور مالیات کے ساتھ ساتھ اسلامی شریعت کے علم کے ساتھ قابل، حوصلہ افزائی کی ضرورت تھی۔ اسلامی بینکاری مضبوط اور مستحکم معاشی اصولوں پر مبنی ہے۔ اس میں خاص طور پر عالمی مالیاتی بحران کے پیش نظر بینکنگ کا ایک متبادل نظام بننے کی صلاحیت موجود ہے۔ تاہم اسلامی قوانین کے دائرے میں رہتے ہوئے لوگوں کو بہتر مصنوعات اور معیاری خدمات فراہم کرنے کے لیے موجودہ ڈھانچے میں ترمیم کرنے کی کوششوں کی ضرورت ہے۔

حقیقی معنوں میں اسلام کے اصولوں کا عکاس معاشی نظام تیار کرنے کے لیے تمام اسٹیک ہولڈرز کو اس مرحلے پر حدود کو سمجھنا چاہیے اور اس کی ترقی کے لیے کام کرنا چاہیے۔ شریعت کے مطابق اسلامی بینکنگ سود پر مشتمل لین دین کا سودا نہیں کرسکتی۔ اسلامی بینک سرمایہ کاری کے ذریعے منافع پیدا کرنے پر توجہ دیتے ہیں۔ اسلامی شریعت سرمائے پر حاصل ہونے والے منافع کو اس کی کارکردگی سے جوڑتی ہے۔ شریعت کے دائرہ کار میں کام کرتے ہوئے اسلامی بینکاری کے آپریشنز خطرے کے اشتراک پر مبنی ہیں،جو مختلف اسلامی طریقوں کے مالیاتی معاہدوں کا استعمال کرتے ہوئے تجارتی اور سرمایہ کاری کی سرگرمیوں کے ذریعے پیدا ہوسکتے ہیں۔

کریڈٹ: انڈیپنڈنٹ نیوز پاکستان-آئی این پی

علامہ اقبال اوپن یونیورسٹی کے سمسٹر خزاں 2022ء کے میٹرک ، ایف اے، ایف ایس سی اور آئی کام پروگراموں کے فائنل امتحانات ملک بھر میں ایک ساتھ یکم مارچ سے شروع ہوں گے جو 3۔اپریل تک جاری رہیں گے۔ کنٹرولر امتحانات کے مطابق ڈیٹ شیٹ یونیورسٹی کی ویب سائٹ پر جبکہ رول نمبر سلپس طلبہ کے سی ایم ایس اکائونٹ پراپ لوڈ کردی گئی ہیں۔رول نمبر سلپس طلبہ کے دئیے گئے پتوں پر بذریعہ ڈاک بھی ارسال کی جارہی ہیں۔ متعلقہ طلباء و طالبات کو بذریعہ موبائیل ایس ایم ایس بھی امتحانات کی اطلاع دی جارہی ہے۔کنٹرولر امتحانات کے مطابق وائس چانسلر، پروفیسر ڈاکٹر ناصر محمودنے طلبہ کورہائش گاہوں کے قریب ترین مقامات پر امتحانی سہولت فراہم کی ہدایات دی تھی جس کی بنیاد پر ملک بھر میں کم و بیش 850امتحانی مراکز قائم کئے جارہے ہیںجن میں طلبہ کے لئے بنیادی سہولتوں کا خیال رکھا جائے گا۔امتحانات میں نقل کے رجحان کے خاتمہ کے لئے بھی ہر ممکن کوشش کی جارہی ہے۔خصوصی ٹیمیں تشکیل دے دی گئی ہیں جو امتحانی مراکز کے سرپرائز وزٹ کریں گے۔

کریڈٹ: انڈیپنڈنٹ نیوز پاکستان-آئی این پی

ناقص انفراسٹرکچر اور چیلنجز زراعت اور پائیدار اقتصادی ترقی کی راہ میں رکاوٹ بن رہے ہیں،حالیہ برسوں میں پیداواری صلاحیت میں کمی اور زرعی شعبے کی مجموعی مسابقت متاثر ہوئی ہے،قرض تک محدود رسائی نے کسانوں کی سرمایہ کاری کرنے اور نئی ٹیکنالوجی کو اپنانے کی صلاحیت کو محدود کردیا،حکومت کو وسائل تک مستحکم رسائی فراہم کرنے کے لیے آبپاشی کے نظام، پاور پلانٹس اور مواصلاتی نیٹ ورکس کی تعمیر اور اپ گریڈیشن پر بھی توجہ دینی چاہیے۔ویلتھ پاک کی رپورٹ کے مطابق ناقص انفراسٹرکچر اور متعلقہ چیلنجز زراعت اور پائیدار اقتصادی ترقی کی راہ میں رکاوٹ بن رہے ہیں۔نیشنل ایگریکلچر ریسرچ سینٹرکے افسر محمد آصف نے ویلتھ پاک کو بتایا کہ زراعت کے شعبے نے قومی معیشت میں اہم کردار ادا کیا کیونکہ پاکستان ایک زرعی ملک ہے۔ انہوں نے کہا کہ زراعت ملک کی جی ڈی پی کے اہم حصے کا ذمہ دار ہے تاہم اس شعبے کو بہت سے چیلنجز کا سامنا ہے۔محمد آصف نے کہا کہ ناقص انفراسٹرکچر، سڑکوں، پلوں اور آبپاشی کے نظام تک محدود رسائی نے کسانوں کے لیے اپنی پیداوار کو منڈی تک پہنچانا اور زراعت کے لیے ضروری سامان حاصل کرنا مشکل بنا دیاہے ج

س کی وجہ سے پیداواری صلاحیت میں کمی آئی اور زرعی شعبے کی مجموعی مسابقت متاثر ہوئی۔انہوں نے کہاکہ ذخیرہ کرنے کی ناقص سہولیات اکثر فصل کے بعد کے نقصانات کا باعث بنتی ہیں جس سے زراعت کے منافع میں مزید کمی واقع ہوتی ہے۔انہوں نے کہا کہ ایک اور بڑا چیلنج قرض تک محدود رسائی ہے جس نے کسانوں کی اپنے کاموں میں سرمایہ کاری کرنے اور نئی ٹیکنالوجی کو اپنانے کی صلاحیت کو محدود کردیا۔ انہوں نے کہا کہ سرمایہ کاری کی کمی فرسودہ کاشتکاری کے طریقوں، کم پیداوار اور ماحولیاتی خطرے میں اضافے کا باعث بنتی ہے۔انہوں نے کہا کہ تعلیم اور توسیعی خدمات تک رسائی کی کمی نے کسانوں کی نئے طریقوں کو اپنانے اور اپنی پیداوار کو بہتر بنانے کی صلاحیت کو بھی محدود کر دیا ہے۔بجلی اور توانائی کی ناکافی اور ناقابل اعتماد فراہمی نے بھی زرعی شعبے کی ترقی میں رکاوٹ ڈالی ہے۔

کاشتکاروں کو اکثر مہنگے اور ناقابلِ بھروسہ توانائی کے ذرائع اورڈیزل سے چلنے والے جنریٹرز پر انحصار کرنا پڑتا ہے جس سے ان کی آپریٹنگ لاگت بڑھ جاتی ہے اور مسابقت کم ہوتی ہے۔انہوں نے کہا کہ مارکیٹ کی معلومات تک محدود رسائی اور قیمتوں میں شفافیت نے بھی ملک میں زرعی شعبے پر منفی اثر ڈالا۔ ریئل ٹائم مارکیٹ کی معلومات تک رسائی کے بغیر کسان اس بارے میں اچھے فیصلے نہیں کر سکتے کہ کون سی فصلیں لگانی ہیں اور اپنی مصنوعات کب بیچنی ہیں جس کی وجہ سے مواقع ضائع ہو جاتے ہیں اور آمدنی کم ہو جاتی ہے۔پاکستان اپنی زرخیز زمین اور وسیع وسائل کے ساتھ دنیا میں زراعت پر مبنی معیشت بننے کی صلاحیت رکھتا ہے لیکن اسے زرعی شعبے کو درپیش چیلنجز پر قابو پانے کی ضرورت ہے۔انہوںنے کہا کہ ان مسائل کو بنیادی ڈھانچے، تعلیم اور توسیعی خدمات کے علاوہ مارکیٹ انفارمیشن سسٹم میں سرمایہ کاری کے ذریعے حل کرنا ملک کے زرعی شعبے کی مسلسل ترقی کے لیے ضروری ہے۔زراعت کے لیے بنیادی ڈھانچے کو بہتر بنانے اور پاکستان میں اقتصادی ترقی کو برقرار رکھنے کے لیے حکومت کو ٹرانسپورٹیشن اور اسٹوریج کی سہولیات کو جدید اور اپ گریڈ کرنے میں سرمایہ کاری کرنے کی ضرورت ہے۔ زرعی شعبے کی ترقی کے لیے دیہی علاقوں کو شہری منڈیوں سے ملانے کے لیے مزید سڑکوں، پلوں اور ہوائی اڈوں کی ترقی ضروری ہے۔حکومت کو وسائل تک مستحکم رسائی فراہم کرنے کے لیے آبپاشی کے نظام، پاور پلانٹس اور مواصلاتی نیٹ ورکس کی تعمیر اور اپ گریڈیشن پر بھی توجہ دینی چاہیے۔محمد آصف نے کہا کہ حکومت کو کسانوں اور چھوٹے کاروباروں کے مالکان کو تربیت کے مواقع اور مالی مراعات بھی فراہم کرنی چاہئیں تاکہ وہ جدید ٹیکنالوجی اوراختراعی طریقوں کو اپنانے میں مدد کر سکیں۔

کریڈٹ: انڈیپنڈنٹ نیوز پاکستان-آئی این پی

کیماڑی کے علی محمد گوٹھ میں زہریلی گیس سے 18اموات کے معاملے پر موچکو تھانے میں 10مقدمات درج کرلیے گئے،پولیس کے مطابق مقدمات عدالتی حکم پر جاں بحق افراد کے ورثا سے رابطہ کر کے درج کیے گئے اور تمام مقدمات میں جاں بحق افراد کے ورثا کو مدعی بنایا گیا ہے،پولیس کے مطابق مقدمات میں قتل بالسبب اور دیگر دفعات شامل کی گئی ہیں جس میں غیر قانونی طور پر قائم فیکٹریوں کے مالکان کو نامزد کیاگیا ہے،پولیس کی جانب سے بتایا گیا ہے کہ واقعات کے حوالے سے مجموعی طور پر درج مقدمات کی تعداد 11ہوگئی ہے،پولیس کے مطابق مدعیان نے اپنے بیان میں کہا کہ علی محمد گوٹھ کی رہائشی آبادی میں ری سائیکلنگ کرنے والی فیکٹریاں کام کر رہی ہیں، کارخانوں سے مضر صحت دھواں تعفن اور خاک اڑنے سے ماحولیاتی آلودگی پیدا ہوتی ہے جو خطرناک اور جان لیوا ثابت ہوئی۔

کریڈٹ: انڈیپنڈنٹ نیوز پاکستان-آئی این پی

پاکستان میں وینیڈیم دھات کے وسیع ذخائر موجود ہیںجسے سماجی و اقتصادی اور تزویراتی فوائد کے لیے استعمال کرنے کی ضرورت ہے،2030 تک، عالمی وینیڈیم مارکیٹ 12.5 ارب ڈالر تک پہنچنے کا امکان ہے۔ویلتھ پاک کی رپورٹ کے مطابق پاکستان کو وینیڈیم کے وسیع ذخائر سے نوازا گیا ہے جسے سماجی و اقتصادی اور تزویراتی فوائد کے لیے استعمال کرنے کی ضرورت ہے۔ گلوبل مائننگ کمپنی لمیٹڈ، اسلام آباد کے پرنسپل جیولوجسٹ محمد یعقوب شاہ نے ویلتھ پاک سے بات کرتے ہوئے کہا کہ پاکستان منرل ڈیولپمنٹ کارپوریشن نے آسٹریلوی حکومت کے ساتھ مل کر سونے اور بنیادی دھاتوں کی جیو کیمیکل ریسرچ اور تشخیص کی تھی۔ پرتھ، مغربی آسٹریلیا کی تجزیہ رپورٹ نے 500 سے 1000 گرام کے درمیان وینیڈیم پر مشتمل 22 نمونوں کی نشاندہی کی تھی۔ وینڈیم کو اسٹریٹجک اور سماجی اقتصادی مفادات کے لیے اولین ترجیح تفویض کے طور پر درجہ بندی کیا جانا چاہیے۔

انہوں نے کہا کہ قدرتی طور پر وینیڈیم اپنی دھاتی شکل میں موجود نہیں تھا، لیکن کچھ خام تیلوں میں نامیاتی کمپلیکس کے طور پر اور 65 سے زائد معدنیات میں ٹریس عنصر کے طور پر پایا جاتا ہے۔ یہ زیادہ درجہ حرارت میں کبھی خراب نہیں ہوتا۔ دھات کسی پروڈکٹ کی طاقت کو 100 فیصد تک بڑھا کر اس کا وزن 30 فیصد تک کم کرتی ہے۔ اسے ٹائٹینیم کے ساتھ شامل کرنے سے کسی بھی انجینئرڈ دھات کی طاقت سے وزن کا مثالی تناسب ہوتا ہے۔ وینیڈیم، ٹائٹینیم اور ایلومینیم کا ملا ہوا مرکب جیٹ انجن اور تیز رفتار ایئر فریم بنانے کے لیے استعمال ہوتا ہے۔ نیوٹران جذب کرنے کی صلاحیت کم ہونے کی وجہ سے اس کے مرکب جوہری ری ایکٹرز میں استعمال ہوتے ہیں۔ سپر کنڈکٹیو میگنیٹ بنانے کے لیے، اسے گیلیم کے ساتھ ملایا جاتا ہے۔۔ نیشنل کونسل برائے ماربل اینڈ گرینائٹ اینڈ منرلز 2030 تک، عالمی وینیڈیم مارکیٹ 2021 میں 4 بلین ڈالر سے 6.1 فیصد کی کمپاونڈ سالانہ شرح نمو کے ساتھ بڑھ کر 12.5 بلین ڈالر تک پہنچنے کا امکان ہے۔ یہ وسیع پیمانے پر صحت سے متعلق مختلف اور صنعتی مقاصد کے لیے استعمال کیا جاتا ہے ۔یہ مائع الیکٹرولائٹک محلول کے طور پر استعمال ہوتا ہے اور ایک منفرد دھات ہے جس میں چار مختلف آکسیکرن حالتیں ہیں۔ لتیم کے مقابلے میں اسے بیٹری میں طویل عرصے تک استعمال کیا جا سکتا ہے اور پھر بھی ری سائیکل کیا جا سکتا ہے ۔توانائی کو لمبے عرصے تک ذخیرہ کرتے ہیں اور اسے ضرورت کے مطابق چھوڑ دیتے ہیں۔ کوئی بیرونی قوت موسم، درجہ حرارت وغیرہ میں تبدیلی اس کی کارکردگی کو متاثر نہیں کرتی۔ یہ غیر آتش گیر ہے اور اسے ایک ہی وقت میں چارج یا ڈسچارج کیا جا سکتا ہے۔

کریڈٹ: انڈیپنڈنٹ نیوز پاکستان-آئی این پی

مسلم لیگ ن کے رہنما حنیف عباسی کے بیٹے حماس حنیف عباسی نے ضمنی انتخابات کے لیے راولپنڈی کی 2قومی اسمبلی کی نشستوں پر کاغذات نامزدگی جمع کرادیے،حماس حنیف عباسی نے این اے 60اور این اے 62کے لیے کاغذات نامزدگی جمع کرائے ہیں،حماس حنیف عباسی لیگی کارکنان کے ساتھ ایڈیشنل ڈپٹی کمشنر کے دفتر پہنچے اور کاغذات جمع کروائے،حماس حنیف عباسی کا کہنا تھا کہ میرا مقابلہ عمران خان سے ہے، میری سیاسی تربیت مکمل ہے، دونوں حلقوں سے جیتوں گا۔

کریڈٹ: انڈیپنڈنٹ نیوز پاکستان-آئی این پی

متحدہ قومی موومنٹ (ایم کیو ایم)پاکستان کے رہنما فاروق ستار نے ضمنی الیکشن کے لیے کراچی کے حلقہ این اے 252میں کاغذات نامزدگی جمع کرا دیے،کاغذات نامزدگی جمع کرانے کے بعد میڈیا سے گفتگو کرتے ہوئے فاروق ستار کا کہنا تھا کہ عمران خان ہر جگہ سے فارم جمع کرواتے تھے لیکن اس دفعہ کہیں سے نہیں کروا رہے،انہوں نے کہا کہ یہ انتخابات اس ایم کیو ایم کے فورم سے لڑ رہے ہیں جو سلجھے ہوئے لوگوں کا ہے، یہ ایک مختلف ایم کیو ایم ہے، اصلاحات کا عمل جاری ہے، یہ ماضی سے مختلف ایم کیو ایم ہے،فاروق ستار نے کہا کہ ہم ہر مذہب اور ہر زبان بولنے والے شہریوں کو ایم کیو ایم میں آنیکی دعوت دیتے ہیں۔

کریڈٹ: انڈیپنڈنٹ نیوز پاکستان-آئی این پی

سابق وفاقی وزیر چوہدری نثار کے بیٹے بھی الیکشن میں حصہ لینے کے لیے میدان میں آگئے،چوہدری نثار کے بیٹے تیمور علی خان نے قومی اسمبلی کے حلقہ این اے 59راولپنڈی سے کاغذات جمع کرائے ہیں،ذرائع کا کہنا تھاکہ سابق وفاقی وزیر کے بیٹے تیمور علی خان آزاد حیثیت میں الیکشن لڑیں گے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے قومی اسمبلی میں اپوزیشن لیڈر کی تبدیلی کا مطالبہ کردیا،تحریک انصاف کے سینئر نائب صدر و سابق وزیر اطلاعات فواد چوہدری نے لاہور ہائیکورٹ کی جانب سے پی ٹی آئی کے 43ارکان اسمبلی کو ڈی نوٹیفائی کرنے کے فیصلے پر حکم کے بعد رد عمل دیا،فواد چوہدری نے کہا کہ اسپیکر تھوڑا سا جمہوریت کا پاس رکھیں اور اپوزیشن لیڈر تبدیل کرنیکا نوٹیفکیشن جاری کریں، ہربات کیلیے عدالت جانا کوئی اچھی پارلیمانی روایت نہیں۔

کریڈٹ: انڈیپنڈنٹ نیوز پاکستان-آئی این پی

چین کے مشرقی شہر شنگھائی کے مقامی سرکاری ملکیتی کاروباری اداروں (ایس او ایز)کے کل اثاثے 2022 کے اختتام تک 275.9 کھرب یوآن (تقریبا 40 کھرب امریکی ڈالرز)تک پہنچ گئے جو گزشتہ برس کی نسبت 5.24 فیصد زائد ہے۔شنگھائی کے سرکاری ملکیتی اثاثوں کے نگراں اور انتظامی کمیشن نے ایک پریس کانفرنس میں بتایا کہ شنگھائی میں مقامی سرکاری کاروباری اداروں کو 2022 کے دوران 37.9 کھرب یوآن کی آپریٹنگ آمدن ہوئی اور انہوں نے مجموعی طور پر 252.25 ارب یوآن سے زائد کا منافع کمایا۔کمیشن کے ڈائریکٹر بائی تنگ ہوئی نے کہا کہ 2022 میں شنگھائی کے مقامی سرکاری ملکیتی کاروباری اداروں نے انٹیگریٹڈ سرکٹس، بائیو میڈیسن اور مصنوعی ذہانت جیسی اہم صنعتوں میں اپنی شرکت کو بڑھایا اور اسٹریٹجک ابھرتی صنعتوں میں تقریبا 100 ارب یوآن کی سرمایہ کاری کی۔شنگھائی کے مقامی سرکاری ملکیتی کاروباری اداروں کے ماتحت اندراج شدہ کمپنیوں کی تعداد 2022 کے اختتام تک 96 ہوچکی تھی جس کی کل مارکیٹ قدر 23.4 کھرب یوآن تھی۔

کریڈٹ: انڈیپنڈنٹ نیوز پاکستان-آئی این پی

آڈیٹنگ اور کنسلٹنگ کمپنی پی ڈبلیو سی اسٹریٹجی اینڈ (جرمنی)کی جانب سے شائع کردہ ایک تحقیق کے مطابق چین میں سال 2022 کے دوران بیٹری الیکٹرک گاڑیوں (بی ای ویز)کی عالمی فروخت کا حصہ دو تہائی تھا۔پی ڈبلیو سی کی ایک تحقیق کے مطابق 2022 میں عالمی بیٹری الیکٹرک گاڑیوں کی فروخت میں گزشتہ سال کے مقابلے میں 70 فیصد اضافہ ہوا ہے۔چین نے دنیا کی سب سے بڑی بیٹری الیکٹرک گاڑیوں کی مارکیٹ کے طور پر حالیہ برسوں کے دوران اپنی حیران کن توسیع کو برقرار رکھا۔کمپنی کی جانب سے 14 منتخب مارکیٹس میں رجسٹریشن کے نئے اعداد و شمار کے تجزیے کے مطابق چین میں بیٹری الیکٹرک گاڑیوں کی فروخت تقریبا 85 فیصد بڑھ گئی ہے۔پی ڈبلیو سی جرمنی کے شراکت دار فیلکس کوہنرٹ نے کہا کہ ہم اس وقت نقل و حرکت کی جدت کو اگلے درجے تک پہنچتا دیکھ رہے ہیں۔اس تحقیق کے مطابق امریکہ میں الیکٹرک گاڑیوں کی مارکیٹ نے اسی طرح کی مستحکم ترقی کی ہے جبکہ یورپ کی پانچ اعلی درجے کی مارکیٹوں میں فروخت بارے صرف 28 فیصد اضافہ ہوا ہے۔

کریڈٹ: انڈیپنڈنٹ نیوز پاکستان-آئی این پی

چین بھر میں امیگریشن حکام نے پیر کے روز 6 لاکھ 76 ہزار افراد کی آمدورفت کو نمٹایا جو نوول کرونا وائرس پھیلنے کے بعد ریکارڈ تعداد ہے۔قومی امیگریشن انتظامیہ نے بتایا کہ آمدورفت کے یہ اعدادوشمار 8 جنوری کو نوول کرونا وائرس ا نتظامات میں کمی سے قبل کی یومیہ آمدورفت کے مقابلے میں 124.2 فیصد زائد ہیں اور نوول کرونا وائرس سے قبل کی سطح سے تقریبا37 فیصد مساوی رہے۔ہانگ کانگ اور مکا کے ساتھ زمینی بندرگاہوں پر پیر کو 5 لاکھ 68 ہزار افراد کی آمدورفت ہوئی جو یومیہ تعداد کے 84 فیصد کے مساوی اور گزشتہ روز سے 39.2 فیصد زائد ہے۔پیر سے چینی مین لینڈ ، ہانگ کانگ اور مکا کے درمیان سفر معمول کے مطابق بحال کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

چینی وزارت تجارت کے مطابق ورژن3.0 چین۔ آسیان آزاد تجارتی علاقہ (ایف ٹی اے) بارے مذاکرات کے پہلے دور کی مشاورت کا آغاز ہوگیا ہے۔چین اور آسیان ملکوں کے متعلقہ حکام کے ساتھ ساتھ آسیان سیکرٹریٹ کے حکام نے اس حوالے سے اجلاس میں ویڈیو لنک کے ذریعے شرکت کی۔فریقین نے مذاکرات کے طریقہ کار کے اصولوں، تنظیمی انتظامات اور منصوبہ بندی بارے تفصیلی بات چیت کی اور اگلے دور کے مذاکرات کے لیے ایک نظام الاوقات اور لائحہ عمل تیار کیا۔چین اور آسیان نے نومبر 2022 میں مشترکہ طور پر مذاکرات کے باضابطہ آغاز کا اعلان کیا تھا۔ دونوں فریقوں نے اس بات پر اتفاق کیا کہ مذاکرات میں اشیا کی تجارت، سرمایہ کاری، ڈیجیٹل اور سبز معیشت سمیت دیگر شعبوں کا احاطہ کیا جائے گا تاکہ ایک مزید جامع، جدید، جامع اور باہمی طور پر فائدہ مند چین آسیان آزاد تجارتی علاقہ بنایا جا سکے۔

کریڈٹ: انڈیپنڈنٹ نیوز پاکستان-آئی این پی

چین میں کسانوں کی آمدن میں استحکام اور دیہی حیات نو کے فروغ کی کوششیں کی گئی ہیں جس سے زرعی بیمہ پریمیم میں 2022 کے دوران تیز رفتار اضافہ ہوا۔وزارت خزانہ کے مطابق ملک میں زرعی بیمہ پریمیم 119.2 ارب یوآن (تقریبا 17.54 ارب امریکی ڈالرز)رہی جو گزشتہ برس سے 23 فیصد زائد ہے۔اس بیمہ سے 16 کروڑ 70 لاکھ دیہی گھرانوں کو خطرے میں تحفظ ملا اور اس نے کسانوں کی مدد اور فائدہ دینے میں بڑا کردار ادا کیا۔اعداد و شمار کے مطابق چین زرعی بیمہ پریمیم میں دنیا میں سرفہرست ہے۔

کریڈٹ: انڈیپنڈنٹ نیوز پاکستان-آئی این پی

چین کی ٹیکنالوجی کی بڑی کمپنی ہواوے نے کمپنی کے سیڈز فار دی فیوچر پروگرام کے تحت بلغاریہ کے 80 نمایاں طلبا میں سے ہر ایک کو 2 ہزار یورو (2 ہزار140 امریکی ڈالرز)کے وظائف سے نوازا ہے۔ہواوے جنوبی بلقان خطے کے ایگزیکٹو ڈائریکٹر وانگ پھنگ نے ایوارڈز کی تقریب میں کہا کہ ایک عالمی انفارمیشن اورکمیونیکیشن ٹیکنالوجی (آئی سی ٹی )کمپنی کے طور پر ہواوے کا اس بات پر یقین ہے کہ تمام نوجوانوں کے لیے معیاری تعلیم اور عملی تجربہ قابل رسائی ہونا چاہیے۔یہی وجہ ہے کہ اس نے بہترین طلبا کی حوصلہ افزائی کے لیے یہ اسکالرشپ پروگرام ترتیب دیا ہے۔ بلغاریہ کے معیشت اور صنعت کے نائب وزیردیمتر ڈانچیف نے کہا کہ پائیدار ہائی ٹیکنالوجی کمپنیوں کی ترقی کو فروغ دینا ان کی وزارت کی بنیادی ترجیح ہے۔انہوں نے کہا کہ اس کے حصول کے لیے اہل افراد کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

چین سے بیرون ملک گروپ سیاحت شروع ہونے کے بعد تھائی لینڈ پہنچنے والے سیاحوں کے پہلے گروہ کا تحائف اور پھولوں سے پرتپاک خیرمقدم کیا گیا۔نوول کرونا وائرس عالمی وبا کے 3 برس بعد چینی سیاح تھائی لینڈ میں انوکھے قدرتی اور ثقافتی مقامات ، سورج کی دلکشی ، ساحل اور مختلف مقامی پکوانوں سے لطف اندوزہوسکتے ہیں۔

کریڈٹ: انڈیپنڈنٹ نیوز پاکستان-آئی این پی

امریکی روزنامہ یو ایس اے ٹوڈے نے اپنی ایک حالیہ رپورٹ میں بتایا ہے کہ اوسطا 110 امریکی آتشیں اسلحہ کے تشدد سے روزانہ ہلاک ہورہے ہیں جو کسی بھی موازنہ کرنے والے ملک میں بندوق سے ہلاکتوں کی نسبت کہیں زیادہ ہے۔رپورٹ میں ماہرین کا حوالہ دیتے ہوئے بتایا گیا ہے کہ امریکہ میں ہر ایک لاکھ رہائشیوں میں 12 افراد فائرنگ سے ہلاک ہوجاتے ہیں۔ یہ تعداد فہرست کے مطابق دوسرے نمبر پر موجود ملک سوئٹزرلینڈ میں ہلاکتوں سے 4 گنا زائد ہے۔اطلاعاتی گروپ اسٹیٹسٹا کے مطابق فائرنگ کے زیادہ تر واقعات میں سفید فام حملہ آور ملوث تھے۔اگرچہ بڑے پیمانے پر فائرنگ کے واقعات آتشیں اسلحہ کے تشدد کے تمام کا معمولی حصہ ہے۔بندوق سے تحفظ کے لیے کام کرنے والی تنظیم "ایوری ٹان فار گن سیفٹی" کے مطابق حادثاتی فائرنگ کے واقعات میں بچے ملوث ہیں۔ گزشتہ برس بچوں کی جانب سے حادثاتی فائرنگ کے 321 واقعات ہوئے جس میں 143 افراد مارے گئے۔رپورٹ میں "بریڈی کمپین ٹو پریوینٹ گن وائلنس" کا حوالہ دیتے ہوئے بتایا گیا ہے اگر متاثرین کا ذکر کیا جائے تو مرنے کے امکانات سفید فام امریکیوں کی نسبت سیاہ فام امریکیوں میں دوگنا اور زخمیوں میں 14 گنا زیادہ ہیں۔

کریڈٹ: انڈیپنڈنٹ نیوز پاکستان-آئی این پی

کے صدر شی جن پھنگ نے چین کی جدیدیت کو درست طریقے سے سمجھنے اور بھرپور انداز میں آگے بڑھانے کی اہمیت پر زور دیا ہے۔کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی نے یہ بات کمیونسٹ پارٹی آف چائنہ کی مرکزی کمیٹی (نیشنل اکیڈمی آف گورننس)کے پارٹی اسکول میں ایک مطالعاتی سیشن سے افتتاحی خطاب میں کہی۔اجلاس میں کمیونسٹ پارٹی آف چائنہ کی مرکزی کمیٹی کے نومنتخب اور متبادل ارکان کے علاوہ صوبائی اور وزارتی سطح کے اہم عہدیداروں نے بھی شرکت کی۔

کریڈٹ: انڈیپنڈنٹ نیوز پاکستان-آئی این پی

پاکستان مشکل وقت میں دوست ممالک کے شانہ بشانہ، اسلام آباد ایئرپورٹ سے شام کے زلزلہ متاثرین کیلئے امدادی سامان کے دو طیارے دمشق بھیج دیے،شام کے زلزلہ متاثرین کیلئے امدادی سامان کی روانگی کے وقت وفاقی وزیر تعلیم رانا تنویر، چیئرمین این ڈی ایم اے اور شام کے سفیر بھی ایئرپورٹ پر موجود تھے،اس موقع پر چیئرمین این ڈی ایم اے نے بتایا کہ امدادی سامان میں خیمے، کمبل اور دیگر اشیا شامل ہیں، امداد کے ساتھ ساتھ زلزلہ متاثرہ علاقوں میں میڈیکل ٹیمیں بھی بھجوا رہے ہیں،وفاقی وزیر رانا تنویر نے کہا کہ ترکی اور شام میں ہولناک زلزلہ آیا، پاکستان نے ہمیشہ مشکل وقت میں ہر ملک کی مدد کی ہے، 4ہزار کمبل، 6ہزار ٹینٹس ملک شام کی طرف بھجوا رہے ہیں،انہوں نے بتایا کہ ہماری میڈیکل ٹیمیں ترکی گئی ہیں اور شام میں بھی بھیج رہے ہیں، کمبل اور ٹینٹس کے علاوہ دیگر اشیا بھی ملک شام بھجوا رہے ہیں، شام اور ترکی کے زلزلہ متاثرین کیلئے وزیراعظم نے امدادی فنڈ بھی قائم کیا ہے۔

کریڈٹ: انڈیپنڈنٹ نیوز پاکستان-آئی این پی

سابق وفاقی وزیر حماد اظہر نے کہا ہے کہ تحریک انصاف الیکشن میں حصہ لے گی ،پی ٹی آئی میدان میں اترنے کیلئے تیار ہیں، حکومت نے 90دن کے بعد ایک دن بھی حکومت کی تو آرٹیکل 6لگے گا ، تفصیلات کے مطابق بدھ کو سابق وفاقی وزیر ورہنما پی ٹی آئی حماد اظہر نے میڈیا سے گفتگو کرتے ہوئے کہا کہ ملک میں فوری الیکشن کرائیں، پی ڈی ایم حکومت سے ملک نہیں چل رہا، پی ٹی آئی رہنمائوں کی گرفتاریاں کی جارہی ہیں، ہم گرفتاریوں سے ڈرنے والے نہیں۔انہوں نے کہا کہ عمران خان کو گولیوں سے چھلنی کیا گیا، عمران خان اپنے موقف سے پیچھے نہیں ہٹے۔پی ٹی آئی انتخابات سے نہیں بھاگے گی ،سابق وفاقی وزیر نے کہا کہ معیشت تباہ، صنعتیں بند، بیروزگاری بڑھ رہی ہے، الیکشن کرائیں میدان چھوڑ کر نہ بھاگیں۔انکا کہنا تھاکہ آپ الیکشن کرائیں، ہم نہیں کہیں گے کہ امن وامان کا مسئلہ ہے، پی ٹی آئی انتخابات سے نہیں بھاگے گی، ضمنی انتخابات میں پی ٹی آئی کامیاب ہوگی۔حماد اظہر نے کہا کہ جنرل الیکشن میں بھی پی ٹی آئی جیتے گی، پہلے 9استعفے قبول کیے، تمام پر عمران خان کامیاب ہوئے۔پی ٹی آئی رہنما نے مزید کہا کہ اے پی سی میں شرکت کیلئے باضابطہ دعوت آئی تو مشاورت کرینگے۔ پی ڈی ایم جان بوجھ کر معیشت تباہ کر رہی ہے ، ہمیں امید ہے قانون انصاف کے تقاضے پور کئے جائیں گے ، جج صاحبان پر بھروسہ ہے ، کہ آئین وقانون کے مطابق تاریخ لیکر دینگے ، ہم ان الیکشنز میں بھی کامیاب ہوںگے ، اپریل میں عام انتخابات ہونگے ، ہم اپریل میں عام انتخابات میں بھی ہونگے ، متنازع حکومت کے 66دن باقی رہ گئے ہیں، 66دن کے بعد ایک دن بھی مزید کام نہیں کرسکتے ، اگر کام کیا تو آئین کی خلاف ورزی ہوں گی ، آرٹیکل 6لاگو ہوگا ، اگر یہ چاہیں تو 66دن کے بعد قومی اسمبلی کے بھی الیکشن کرالیں۔

کریڈٹ: انڈیپنڈنٹ نیوز پاکستان-آئی این پی

نگران وزیراعلی پنجاب محسن نقوی نے زراعت کے شعبے میں بہتری کیلئے ٹاسک فورس تشکیل دے دی ، ٹاسک فورس زرعی پیداوار وپیداواری صلاحیت بڑھانے او ر زرعی اجناس کی مارکیٹ تک آسان رسائی کیلئے قابل عمل تجاویز پیش کرے گی، نگران وزیراعلی محسن نقوی ٹاسک فورس برائے زراعت کے چیئرمین ہوں گے، صوبائی وزیرصنعت، چیف سیکرٹری پنجاب، چیئرمین پی اینڈ ڈی بورڈ، سیکرٹری زراعت،سیکرٹری آبپاشی، سیکرٹری لائیوسٹاک اینڈ ڈیری ڈویلپمنٹ، تمام متعلقہ ریسرچ انسٹی ٹیوٹس کے سربراہان ٹاسک فورس کے ممبران ہوں گے، اس کے علاوہ گوہر اعجاز، سید یاور علی، ذکا اشرف، فواد مختار بھی ٹاسک فورس کا حصہ ہوں گے،اس حوالے سے نگران وزیراعلی پنجاب محسن نقوی کا کہنا تھا کہ ٹاسک فورس تمام سٹیک ہولڈرز سے مشاورت کرکے زرعی پیداوار میں اضافے کیلئے قابل عمل پلان دے گی ، زرعی اجناس کی مارکیٹ تک رسائی آسان بنانے اور زرعی تحقیق کو فروغ دیا جائے گا، کاشتکاروں اور کسانوں کے مسائل کے حل اور فصل کا بہتر معاوضہ دلانے کیلئے ٹاسک فورس کی سفارشات پر عمل کریں گے ، ٹاسک فورس کی سفارشات کی روشنی میں فی الفور فیصلے کئے جائیں گے۔

کریڈٹ: انڈیپنڈنٹ نیوز پاکستان-آئی این پی

پاکستان نے آئی ایم ایف سے مذاکرات کے لیے حکمت عملی تیار کرلی،نجی ٹی وی کے مطابق 727ارب روپے کے وفاقی ترقیاتی بجٹ میں کٹوتی کی اسٹریٹیجی تیار کرلی گئی ہے اور ترقیاتی منصوبوں کیلئے فنڈز جاری کرنے میں سست روی برقرار رکھنے کا فیصلہ کیا گیا ہے،ذرائع کا کہنا تھا کہ حکمت عملی کے تحت پہلے 6ماہ میں صرف 151ارب روپے خرچ کیے گئے، ترقیاتی بجٹ میں 350ارب تک کمی ہو سکتی ہے جس سے مختلف وزارتوں کے کئی منصوبے متاثر ہوسکتے ہیں جن میں صحت، تعلیم، ہائوسنگ، خوراک اور موسمیاتی تبدیلی سے متعلق منصوبے شامل ہیں۔

کریڈٹ: انڈیپنڈنٹ نیوز پاکستان-آئی این پی

صومالیہ سے یکطرفہ طور پراعلان ِ آزادی کرنے والے صومالی لینڈ کے شہر لاس آنود میں فوجیوں اور حکومت مخالفین کے درمیان تصادم میں تقریبا 40افراد ہلاک ہو گئے،لاس آنود کے شعبہ صحت کی ٹیموں سے حاصل کردہ معلومات کے مطابق شہر میں ہونیو الی جھڑپوں میں خواتین اور بچوں کے بھی شامل ہونے والے 40افراد لقمہ اجل جبکہ 60سے زائد زخمی ہوئے،صومالی لینڈ حکومت کا کہنا تھا کہ مسلح اپوزیشن کی جانب سے فوجیوں پر حملے کے بعد تصادم ہوا، جب کہ اپوزیشن گروپوں نے دعوی کیا کہ ان کے اجلاس پر صومالی لینڈ کے فوجیوں نے دھاوا بولا تھا،مخالفین چاہتے ہیں کہ صومالی لینڈ کے فوجی سول، سناگ اور سینی کے علاقوں کو چھوڑ کر ان علاقوں کو صومالی ریاست سے وابستہ کر دیں۔

کریڈٹ: انڈیپنڈنٹ نیوز پاکستان-آئی این پی

لاطینی امریکی ممالک کے سربراہان نے ترکیہ کے 10اضلاع میں ہولناک زلزلے کے بعد تعاون و اتحاد کے پیغامات جاری کئے ہیں،میکسیکو کے وزیر خارجہ مارسیلو ایبرارڈ نے ٹویٹر سے جاری کردہ بیان میں کہا ہے کہ صدر اینڈرس مانوئیل لوپز کے حکم سے امدادی ٹیم ترکیہ بھیجی جائے گی،انہوں نے کہا ہے کہ "میکسیکو ایئر فورس کا طیارہ چند گھنٹوں میں ترکیہ کے لئے روانہ ہو جائے گا"وینزویلا کے صدر نکولس مادورو نے بھی ٹویٹر سے جاری کردہ بیان میں کہا ہے کہ برادر ملک ترکیہ اور شام کے عوام کے ساتھ تعاون کی حالت میں ہیں اور زلزلے میں وفات پانے والے شہریوں کے کنبوں سے اظہارِ تعزیت کرتے ہیں"ارجنٹائن کے صدر البرٹو فرنانڈز نے سوشل میڈیا پیج سے جاری کردہ بیان میں کہا ہے کہ کثیر تعداد میں جانی نقصان کی وجہ سے ارجنٹائن حکومت ترکیہ اور شام کے عوام اور حکومتوں کے ساتھ اتحاد کی حالت میں ہیں،بولیویا کے صدر لوئس آرکے نے بھی ٹویٹر سے جاری کردہ بیان میں ترکیہ اور شام کے ساتھ مکمل تعاون کا اظہار کیا ہے۔ انہوں نے کہا ہے کہ" ہم ہلاک ہونے والوں کے کنبوں کے ساتھ دِلی تعزیت کرتے اور زخمیوں کے لئے فوری صحتیابی کے متمنی ہیں"کولمبیا کے صدر گسٹاوو پیٹرو نے بھی سوشل میڈیا سے جاری کردہ بیان میں ترکیہ اور شام کے عوام کے ساتھ تعاون کا اظہار کیا اور کہا ہے کہ امداد کے لئے ہماری وزارت خارجہ متعلقہ حکام کے ساتھ رابطے میں ہے،گوئٹے مالا کے صدر الجانڈروگیاماتی نے ٹویٹر سے جاری کردہ بیان میں ترکیہ کے عوام اور حکومت کے ساتھ تعاون کا اظہار کیا اور کہا ہے کہ" ہم، اس جان لیوا زلزلے میں ہلاک ہونے والوں کے کنبوں کے ساتھ تعزیت کرتے ہیں، ہماری دعائیں اور ہمدردیاں آپ کے ساتھ ہیں"۔

کریڈٹ: انڈیپنڈنٹ نیوز پاکستان-آئی این پی

سینیگال میں ایک تبلیغی جماعت کی تقریب میں جانے والے نائیجیرئن باشندوں کا ایک پندرہ رکنی گروہ برکینا فاسو میں مارا گیا،مقامی میڈیا کیمطابق سینیگال کے علاقے کوالاک میں شیخ ابراہیم نیاس کی تبلیغی جماعت کی ایک تقریب میں شرکت کی غرض سے جانے والینائیجیرئن گروپ پر برکینا فاسو میں حملہ کیا گیا جس میں پندرہ افراد مارے گئے، واقعے کو نائیجیرئن صدر محمد بخاری نے افسوس ناک قرار دیتے ہوئے بتایا ہے کہ نائیجیریا اور برکینا فاسو کی حکومتیں رابطے کی حالت میں ہیں اور اس واقعے میں ہلاک شدگان کی میتوں کے تحفظ کے لیے ہر ممکنہ اقدامات کیے جائیں گے۔

کریڈٹ: انڈیپنڈنٹ نیوز پاکستان-آئی این پی

جنوبی امریکی ملک پیرو میں شدید بارشوں کے باعث مٹی کے تودے گرنے سے چالیس افراد ہلاک ہو گئے،مقامی پریس کے مطابق ، آری کویپا، سوکوشا اور کامانا نامی صوبوں میں شدید بارشوں کے باعث متعدد افراد ہلاک ہو گئے،ملکی ہنگامی مرکز کا کہنا تھا کہ اب تک چالیس افراد ہلاک اور پانچ ہزار کے قریب لا پتہ ہو چکے ہیں، مٹی کے تودے گرنے سے ساڑھے پانچ ہزار مکانات ،538 کلومیٹر طویل سڑکیں اور چونتیس پل تباہ ہو چکے ہیں، سیلاب سے ہزاروں افراد بے گھر ہو چکے ہیں جبکہ امدادی کام بھِی جاری ہے ،حکام کا کہنا تھا کہ متاثرہ افراد کو مدد پہنچانے کیلیے کوششیں کی جا رہی ہیں۔

کریڈٹ: انڈیپنڈنٹ نیوز پاکستان-آئی این پی

ترکی اور شام میں قیامت خیز زلزلے سے اموات کی تعداد 8ہزارسے تجاوز کر گئی ہے،غیرملکی میڈیا کے مطابق ترکی اور شام میں زلزلے سے جاں بحق افراد کی تعداد 8ہزارسے زائد ہوگئی ہے۔ عالمی ادارہ صحت کے مطابق متاثرین کی تعداد 23لاکھ سے زائد ہوسکتی ہے۔ متاثرہ علاقوں میں وبائی امراض پھوٹنے کا خدشہ ہے،زلزلے سے متاثرہ علاقوں میں امدادی کارروائیاں جاری ہیں۔ سیکڑوں افراد اب بھی ملبے تلے دبے ہوئے ہیں۔ سخت سردی میں لوگ کھلے آسمان تلے رہنے پر مجبور ہیں۔ زلزلے سے متعدد علاقے مٹی کا ڈھیر بن چکے ہیں۔ سڑکیں اور مواصلات کا نظام تباہ ہونے سے امدادی کارروائیوں میں مشکلات کا سامنا ہے۔ حکام نے اموات میں اضافے کا خدشہ ظاہر کیا ہے۔

کریڈٹ: انڈیپنڈنٹ نیوز پاکستان-آئی این پی

ترک صدر رجب طیب اردگان نے زلزلے سے سب سے زیادہ متاثر ہونے والے 10صوبوں میں تین ماہ کے لیے ایمرجنسی نافذ کرنے کا اعلان کر دیا جو کہ 14مئی کو ہونے والے انتخابات سے قبل ختم ہو جائے گی،غیر ملکیمیڈیا کے مطابق ٹیلی ویژن خطاب میں ترک صدر نے کہا کہ ہنگامی حالت کا مقصد اس بات کو یقینی بنانا ہے کہ ملک کے جنوب مشرق میں ریسکیو آپریشن جلد سے جلد انجام دیا جائے، متاثرہ علاقوں میں امدادی کارکنوں اور مالی امداد کی اجازت ہو گی،دوسری جانب ترکی کی ڈیزاسٹر اینڈ ایمرجنسی مینجمنٹ اتھارٹی (اے ایف اے ڈی )نے اپنے تازہ بیان میں کہا کہ قومی سطح پر 4,700سے زیادہ تباہ شدہ عمارتوں سے 8,000افراد کو بچا لیا گیا ہے،علاوہ ازیں عالمی ادارہ صحت نے خبردار کیا ہے کہ زلزلے کے باعث ہلاکتوں میں اضافہ ہو سکتا ہے جبکہ اقوام متحدہ نے کہا ہے کہ زلزلے اور آفٹر شاکس کے بعد ہلاک ہونے والوں میں ہزاروں بچے بھی شامل ہو سکتے ہیں۔

کریڈٹ: انڈیپنڈنٹ نیوز پاکستان-آئی این پی

انڈونیشیا کے علاقے پاپوا میں علیحدگی پسند جنگجوں نے نیوزی لینڈ کے ایک پائلٹ کو یرغمال بنا کر اسے جان سے مارنے کی دھمکی دے دی ،غیر ملکی میڈیا کے مطابق پائلٹ کو پہاڑی ضلع ندوگا میں طیارہ اتارنے کے بعد یرغمال بنایا گیا جبکہ طیارے میں سوار مزید پانچ مسافروں کو رہا کر دیا گیا ہے، مسافروں میں ایک چھوٹا بچہ بھی شامل تھا، علیحدگی پسند چاہتے ہیں کہ انڈونیشیا مغربی پاپوا صوبے کی آزادی کو تسلیم کرے،پولیس کے مطابق اس واقعے کی تحقیقات جاری ہیں تاہم مذکورہ علاقے تک صرف ہوائی جہاز سے ہی پہنچا جا سکتا ہے جبکہ انڈونیشیا کی جانب سے دہشت گرد گروپ کے طور پر نامزد کی جانے والی مغربی پاپوا نیشنل لبریشن آرمی نے اس حملے کی ذمہ داری قبول کی ہے،گروپ کے ترجمان سیبی سمبوم نے کہا ہے کہ اگر انڈونیشیا حکومت نے مطالبہ منظور نہ کیا اور مغربی پاپوا کی آزادی پر بات چیت میں ناکام ہوئی تو پائلٹ کو پھانسی دے دی جائے گی،دوسری جانب نیوزی لینڈ کی حکومت نے کہا ہے کہ وہ صورتحال سے آگاہ ہے اور انڈونیشیا کے دارالحکومت جکارتہ میں کیویز قونصل خانہ پائلٹ کے اہل خانہ کو مدد فراہم کر رہا ہے،رپورٹس کے مطابق سوسی ایئر کا طیارہ پڑوسی ضلع میں کان کنی کے شہر تیمیکا سے سامان لے کر جا رہا تھا، ایئرلائن کی بانی نے اپنے سوشل میڈیا اکائونٹ پر کہا کہ وہ پکڑے جانے والوں کے لیے دعاگو ہیں۔

کریڈٹ: انڈیپنڈنٹ نیوز پاکستان-آئی این پی

خادم حرمین شریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان نے ترکیہ اور شام کے لیے ہنگامی امداد پہنچانے کا حکم جاری کیا ہے ،سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان نے شاہ سلمان انسانی امداد اورریلیف مرکزکے ایس آر ای ایف کوشام اور ترکیہ میں زلزلے سے متاثرہ علاقوں میں فوری امداد مہیا کرنے کے لیے فضائی پل قائم کرنے کی ہدایت کی ہے،سعودی عرب کے سرکاری میڈیا جانب سے جاری کردہ بیان کے مطابق اس فضائی پل کے ذریعے زلزلے سے متاثرہ شامی اور ترک عوام کو طبی سامان، ادویات ، رہائش کے لیے خیمے، خوراک کا سامان مہیا کیا جائے گا ، اس کے علاوہ یہ لاجسٹک معاونت بھی مہیا کرے گا،خادم الحرمین الشریفین اورولی عہد کی ہدایات میں دونوں ممالک میں زلزلے سے متاثرہ افراد کی امداد کے لیے"سہیم" پلیٹ فارم کے ذریعے ایک مہم کا انعقاد بھی شامل ہے، شاہی دیوان کے مشیر اور کے ایس ریلیف کے نگران اعلی ڈاکٹرعبداللہ بن عبدالعزیزنے اس بات کی تصدیق کی ہے کہ یہ امداد خادم الحرمین الشریفین اور ولی عہد کی جانب سے شام اور ترکی میں زلزلے سے متاثرہ افراد کے ساتھ مصیبت کی اس گھڑی میں شانہ بشانہ کھڑے ہونے کی خواہش کی مظہرہے۔

کریڈٹ: انڈیپنڈنٹ نیوز پاکستان-آئی این پی

شام میں زلزلے کے بعد شدت پسند تنظیم داعش کے20قیدی جیل سے فرار ہوگئے،عرب میڈیا کے مطابق داعش کے قیدی زلزلے کے بعد افراتفری کے دوران جیل توڑ کر فرار ہوئے، فرار ہونے والے قیدی ترکیہ کی سرحد کے قریب واقع راجو ٹان میں قائم فوجی جیل میں قید تھے،جیل حکام کا کہنا تھا کہ زلزلے کے بعد جیل میں افراتفری کا ماحول پیدا ہونے کے بعد قیدیوں نے جیل کے کچھ حصوں پر کنٹرول حاصل کر لیا تھا، جس دوران شدت پسند تنظیم داعش سے تعلق رکھنے والے 20قیدی جیل سے فرار ہو گئے،فوجی جیل میں داعش کے 1300جنگجوں سمیت 2 ہزار قیدی سزائیں کاٹ رہے تھے۔

کریڈٹ: انڈیپنڈنٹ نیوز پاکستان-آئی این پی

بھارت میں جہالت کا ایک واقعہ پیش آیا جہاں بے رحم ماں نے بیٹی کو زندہ دفن کر دیا،بھارتی میڈیا رپورٹس کے مطابق 26سالہ خاتون کی شناخت انیتا کے نام سے ہوئی ہے جس کا تعلق ریاست اتر پردیش سے ہے، خاتون کے شوہر کا کہنا تھا کہ بیوی کا ذہنی توازن ٹھیک نہیں ہے،شوہر نے پولیس کو بتایا کہ ہفتے کو جب میں مزدوری کرکے گھر واپس آیا تو بیٹی موجود نہیں تھی، مجھے فورا بیوی پر شک ہوا اور پولیس کو اطلاع کی،تاہم پولیس نے کارروائی کرتے ہوئے خاتون سے تفتیش شروع کی تو اس نے بتایا کہ میں نے بیٹی کو جنگل میں دفن کردیا،بچی کو دفن کرنے کا سن کر پولیس فورا جائے وقوعہ پر پہنچی اور بچی کو زمین سے نکالا۔پولیس کا کہنا ہے کہ بچی حیران کن طور پر زندہ تھی جسے فورا اسپتال منتقل کیا گیا لیکن 2 روز بعد اس کا انتقال ہوگیا،شوہر کا کہنا تھا کہ بیوی کا ماننا تھا کہ بیٹی کی پیدائش کالے جادو کی وجہ سے ہوئی تھی،بھارتی میڈیا کے مطابق پولیس نے خاتون کے خلاف قتل کا مقدمہ درج کرلیا ہے تاہم اب تک گرفتاری عمل میں نہیں آئی۔

کریڈٹ: انڈیپنڈنٹ نیوز پاکستان-آئی این پی

رواں ہفتے کا آغاز ترکیہ اور شام پر کسی قیامت سے کم نہ تھا جب یہاں زلزلے نے لوگوں کی زندگی اجاڑ دی، ترکیہ اور شام سے زلزلے کے بعد کے رقت آمیز مناظر آنے کا سلسلہ بھی جاری ہے،ایسی ہی ایک ویڈیو سوشل میڈیا پر وائرل ہے جس میں ملبے میں دبی شامی بچی کو خود سے زیادہ ننھے بھائی کی فکر ہے،چٹان جیسے حوصلے والی بہن کا تعلق شام سے ہے، مدد کے منتظر دونوں بچوں کی وائرل ویڈیو نے دل پگھلادیے،واضح رہے کہ ترکیہ اور شام میں زلزلے کے بعد اموات کی تعداد8 ہزار کے قریب جا پہنچی ہے، ترکیہ میں5 ہزار 894 اور شام میں 1 ہزار 932 افراد جاں بحق ہوئے۔

کریڈٹ: انڈیپنڈنٹ نیوز پاکستان-آئی این پی

ترکیہ میں تباہ کن زلزلے میں فٹبال ٹیم کے 28سالہ گول کیپر Ahmet Eyup Turkaslanملبے تلے دب کر جاں بحق ہوگئے۔ احمت ایوپ ترکسلان کے انتقال کی تصدیق فٹبالر کے کلب نے ٹوئٹر پر کی جس میں انہوں نے بتایا کہ ہم احمد کے انتقال پر افسردہ ہیں، زلزلے میں وہ ملبے تلے دب کر جاں بحق ہوگئے،ٹوئٹ میں فٹبال کلب نے یہ بھی لکھا کہ احمد ایک خوبصورت انسان تھے جنہیں بھلایا نہیں جا سکے گا،28سالہ ترکسلان نے سیکنڈ ڈویژن کلب ینی ملاتیا اسپور میں 2021میں شمولیت اختیار کی تھی جس کے بعد انہوں نے اس کلب سے چھ بار کھیلا،اس سے قبل خبر سامنے آئی تھی کہ Eyup Turkaslanبھی ان افراد میں شامل ہیں جو زلزلے کے نتیجے میں مبینہ طور پر ملبے تلے پھنس گئے ہیں تاہم اب ان کے جاں بحق ہونے کی تصدیق ہوگئی ہے۔

کریڈٹ: انڈیپنڈنٹ نیوز پاکستان-آئی این پی

شام اور ترکیہ میں 6فروری کو آنے والے زلزلے سے تباہ کاریوں کا سلسلہ جاری ہے لیکن کئی کئی گھنٹے گزرجانے کے باوجود ملبے تلے دبے خاندانوں کے زندہ نکالے جانے کے معجزاتی مناظر بھی حیران کن ہیں،غیر ملکی میڈیا کے مطابق شامی شہر ادلیب کے گائوں بسنیا میں زلزلے کے نتیجے میں جہاں کئی عمارتیں زمین بوس ہوئیں وہیں ایک پورا خاندان بھی ملبے تلے دب گیا جسے کئی گھنٹے گزرجانے کے بعد ریسکیو اہلکار زندہ نکالنے میں کامیاب ہوگئے،شام کے سول ڈیفنس گروپ وائٹ ہیلمٹ کی جانب سے سوشل میڈیا پر اس خاندان کے افراد کے زندہ نکالے جانے کے مناظر کو حقیقی معجزہ قرار دیتے ہوئے شیئر کیا گیا ہے،شیئر کی جانے والی ویڈیو میں اہلکاروں کو مشینوں کے ذریعے ملبے کو ہٹانے اور پھر پورے خاندان کے افراد کو معجزاتی طور پر زندہ نکالتے دیکھا جاسکتا ہے،ویڈیو میں ملبے تلے افراد کو نکالتے وقت لوگوں کا جم غفیر بھی معجزہ دیکھنے کیلئے موجود تھا جنہوں نے کئی گھنٹوں بعد بھی ملبے میں دبے افراد کو زندہ دیکھ کر خوشی کا اظہار کیا اور اللہ اکبر کے نعرے بھی لگائے۔

کریڈٹ: انڈیپنڈنٹ نیوز پاکستان-آئی این پی

ممکنہ ڈیفالٹ سے بچنے کی کوششوں کے درمیان پاکستان کو اگلے 12ماہ کے دوران تقریبا 22ارب ڈالر مالیت کے غیرملکی قرضوں اور سود کی رقم کی ادائیگی کرنی ہے،ڈالر کی قلت کے شکار ملک کی حکومت سے توقع کی جارہی ہے کہ وہ اسٹاف لیول پر جاری مذاکرات کے اختتام پر آئی ایم ایف کے قرضہ پروگرام کو دوبارہ شروع کرے گی اور اس کے بعد غیرملکی قرضوں کی ادائیگی کے لیے وقت میں توسیع کے لیے قرض دہندگان کے ساتھ بھی بات چیت شروع کرے گی کیونکہ اگلے چند سالوں میں ملک کے قرضوں کا بوجھ متوقع آمدن کے مقابلے میں کافی زیادہ ہے، نجی ٹی وی رپورٹ کے مطابق اسٹیٹ بینک آف پاکستان (SBP)کے اعداد و شمار بتاتے ہیں کہ پاکستان کو اگلے ایک سال کے دوران کل 21.95ارب ڈالر کی ادائیگی محض قرضے اور سود کی مد میں کرنی ہے۔ اس میں 19.34ارب ڈالر کی اصل رقم اور کل قرض پر مزید 2.60ارب ڈالر سود کی رقم شامل ہے،پاک کویت انویسٹمنٹ کمپنی (PKIC)کے ظاہر کردہ اعداد و شمار کے مطابق پاکستان کے مرکزی بینک نے اگلے 12ماہ کے دوران ملنے والے غیرملکی قرضوں کے بارے میں کوئی نشاندہی نہیں کی ہے،اعداد و شمار کے جائزے سے پتہ چلتا ہے کہ پاکستان کو ایک ماہ میں 3.95ارب ڈالر کی ادائیگی کرنی ہے، اس کے بعد اگلے تین ماہ میں 4.63ارب ڈالر واپس کرنے ہیں جبکہ اسے زیرجائزہ 12ماہ کے آخری 8 مہینوں میں مزید 13.37ارب ڈالر کی ادائیگیاں کرنی ہیں،اعدادوشمار یہ بھی بتاتے ہیں کہ وطن عزیز پاکستان کو اگلے تقریبا ساڑھے تین سال (فروری 2013 سے جون 2016 تک)کے دوران تقریبا 80ارب ڈالر کا غیرملکی قرضہ واپس کرنا ہے،اس کے برعکس ملک کے زرمبادلہ کے ذخائر جو اگست 2021 میں 20ارب ڈالر کے تھے، گھٹ کر اس وقت3.1ارب ڈالر کی سطح پر آگئے ہیں، جو محض تین ہفتوں کی ملکی درآمدات کے بل کی ادائیگی کے لیے بھی ناکافی ہیں۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے وائس چیئرمین اور سابق وزیر خارجہ شاہ محمود قریشی نے کہا ہے کہ ہم نے ہمیشہ مثبت رویہ اپنایا ہے، ہمارے خلاف انتقامی کارروائیاں ہو رہی ہیں، اس وقت ملک کے تقاضے اور ہیں، حکومت کے مفادات اور ہیں،اپنے ایک بیان میں رہنما پی ٹی آئی شاہ محمود قریشی نے کہا کہ 26مئی کو مجھ پر 6ایف آئی آرز کاٹی گئیں، یہ ساری ایف آئی آرز سیاسی کارروائی ہے، کہا گیا ہے کہ میں نے لوگوں کو مشتعل کرنے، ان کو اکسانے کی کوشش کی ہے، جنہوں نے یہ الزام لگایا وہ میری کوئی تقریر پیش کر دیں،سابق وزیر خارجہ نے کہا کہ پی ٹی آئی پاکستان کے مفادات کو ترجیح دیتی ہے، ہم نے 2022 میں دہشتگردی سے نمٹنے کیلئے پالیسی دی، ہمارے دور میں دہشتگردی میں کمی آئی، ہم نے آرمی پبلک سکول پر حملے پر اپنا دھرنا ختم کیا، سانحہ اے پی ایس پر ہم نے اے پی سی میں شرکت کی،انہوں نے کہا کہ ہم قانون کا احترام کرنے والے ہیں، پی ٹی آئی آئین کی حکمرانی کی آواز بلند کر رہی ہے، گزشتہ 8 ماہ سے کیسز لٹک رہے ہیں، آئینی، قانونی اور سیاسی جنگ جاری ہے، اے پی سی معاملے پر ہمیں حکومت کی سنجیدگی پر تعجب ہو رہا ہے۔

کریڈٹ: انڈیپنڈنٹ نیوز پاکستان-آئی این پی

رہنما پاکستان پیپلز پارٹی اور سینیٹر شیری رحمان نے کہا ہے کہ ترکیہ نے حالیہ سیلاب کے دوران پاکستانی حکومت اور سیلاب زدگان کی ہر لحاظ سے بھرپور مدد کی، پاکستان بھی اس مشکل صورتحال میں ترکیہ کے عوام کیساتھ کھڑا ہے، ٹوئٹر پر اپنے پیغام میں رہنما پیپلز پارٹی شیری رحمان نے کہا کہ ترکیہ اور شام میں زلزلے کے باعث ہلاکتوں کی تعداد تشویشناک حد تک بڑھ رہی ہے، ہلاکتوں کی تعداد 8ہزار تک پہنچ گئی ہے، ملبے میں دبے افراد کی تلاش ابھی جاری ہے،انہوں نے کہا کہ ہمیں ترکیہ اور شام کے بھائی بہنوں کے ساتھ دلی ہمدردی ہے، پاکستان کے ہر شہری کا دل ترکیہ اور شام کیلئے افسردہ ہے، سی 130اور پی آئی اے کی امدادی پروازیں سامان اور امدادی ٹیمیں لے کر ترکیہ کیلئے روانہ ہوچکی ہیں،شیری رحمان کا کہنا تھا کہ ہمیں ترکیہ اور شام کے زلزلہ متاثرہ علاقوں میں اپنے بھائیوں اور بہنوں کیلئے ہنگامی امداد کے ایک مستقل ریلیف کا سلسلہ جاری رکھنا ہوگا، متاثرہ لوگوں کی مکمل بحالی تک امداد کا سلسلہ رکنا نہیں چاہیے۔

کریڈٹ: انڈیپنڈنٹ نیوز پاکستان-آئی این پی

پاک فضائیہ کا دوسرا سی ون تھرٹی (C130)طیارہ امدادی سامان لے کر ترکیہ کے لیے روانہ ہوگیا،حکومت پاکستان کی ہدایت پر پاک فضائیہ کا دوسرا سی۔130طیارہ پی اے ایف بیس لاہور سے خیمے، کمبل اور دیگر اشیائے ضروریہ لے کر ترکیہ کے لیے روانہ ہوگیا،ترجمان کے مطابق پاک فضائیہ کا سی-130ہرکولیس طیارہ پاکستان کے عوام کی طرف سے زلزلہ سے متاثرہ ترک بھائیوں کے لیے 18634پائونڈز امدادی سامان لے کر روانہ ہوا،ترجمان کا کہنا تھا کہ پاک فضائیہ پھنسے ہوئے پاکستانی طلبہ کو وزارت خارجہ اور ترکیہ میں پاکستانی سفارتخانے کے تعاون سے وطن واپس لانے کی بھی ہر ممکن کوشش کر رہی ہے۔

کریڈٹ: انڈیپنڈنٹ نیوز پاکستان-آئی این پی

قومی ادارہ صحت نے کہا ہے کہ گزشتہ 24 گھنٹوں کے دوران ملک بھر میں 4 ہزار 700کورونا ٹیسٹ کئے گئے ہیں۔قومی ادارہ صحت( این آئی ایچ)کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 4 ہزار 700 کورونا ٹیسٹ کئے گئے جن میں سے 16افراد کے کورونا ٹیسٹ مثبت آئے ہیں۔اسی طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.34 فیصد رہی ہے ، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 10 مریضوں کی حالت تشویشناک ہے۔

کریڈٹ: انڈیپنڈنٹ نیوز پاکستان-آئی این پی

لکی مروت میں دہشت گردی کے خاتمے کیلئے آپریشن پر مقامی افراد نے پاک فوج کو خراج تحسین پیش کیا ہے۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی ادارے گزشتہ ایک ہفتہ سے دہشت گردوں کی نقل و حرکت کی مانیٹرنگ کر رہے تھے، گزشتہ شب خفیہ معلومات پر لکی مروت میں سکیورٹی فورسز نے آپریشن کیا۔آئی ایس پی آر کی مطابق دہشت گردوں نے گاڑی پر فرار ہونے کی کوشش کی جو ناکام بنا دی گئی، آپریشن کے دوران فائرنگ کے تبادلے میں کالعدم ٹی ٹی پی کے 12 دہشت گرد ہلاک ہوئے، دہشت گردوں سے اسحلہ، بارود اور افغان کرنسی بھی برآمد ہوئی۔

کریڈٹ: انڈیپنڈنٹ نیوز پاکستان-آئی این پی

وزیر دفاع و مسلم لیگ (ن) کے رہنما خواجہ آصف نے کہا ہے کہ عمران خان آن لائن گرفتاری کے آپشن کیلئے ترلے کر رہا ہے۔ سماجی رابطے کی ویب سائٹ ٹوئٹر پر اپنے پیغام میں لیگی رہنما خواجہ آصف نے کہا کہ بڑا فرق ہوتا ہے کسی کا لندن سے آ کر گرفتاری دینے اور اس بزدل شخص میں جو چوہے کی طرح گھر میں چھپ کے بیٹھا ہے۔انہوں نے کہا کہ 3 مہینے سے پلستر نہیں اتار رہا اور ترلے کر رہا ہے کہ کسی طرح گھر میں نظر بند یعنی آن لائن گرفتاری کا آپشن مل جائے۔اپنے ایک اور ٹوئٹ میں وزیر دفاع خواجہ آصف نے کہا کہ پاکستان تحریک انصاف کی مرکزی قیادت آن لائن جیل میں جائے گی۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے پاکستان تحریک انصاف کے ممبران قومی اسمبلی کے استعفے منظور کرنے کا حکم معطل کردیا۔ جسٹس شاہد کریم نے پاکستان تحریک انصاف کے 43 سابق ممبران قومی اسمبلی کی درخواست پر سماعت کی، درخواست میں سپیکر کے 22 جنوری اور الیکشن کمیشن کے 25 جنوری کے نوٹیفکیشن چیلنج کیے گئے تھے۔درخواست میں موقف اختیار کیا گیا کہ ممبران اسمبلی نے استعفے منظور ہونے سے قبل ہی واپس لے لئے تھے، استعفے واپس لینے کے بعد سپیکر کے پاس اختیار نہیں کہ وہ استعفے منظور کرے۔درخواست میں کہا گیا کہ ممبران اسمبلی کے استعفے منظور کرنا خلاف قانون اور بدنیتی پر مبنی ہے، ممبران قومی اسمبلی کے استعفے عدالت عظمی کے طے کردہ قوانین کے برعکس منظور کیے گئے، سپیکر قومی اسمبلی نے سیاسی انتقام کا نشانہ بنانے کیلئے استعفے منظور کیے، استعفے منظور کرنے سے پہلے سپیکر نے ممبران کو بلا کر موقف نہیں پوچھا۔درخواست میں عدالت سے استدعا کی گئی کہ سپیکر قومی اسمبلی کی جانب سے استعفے منظور کرنے کے اقدام کو کالعدم قرار دیا جائے، عدالت سپیکر اور الیکشن کمیشن کے نوٹیفکیشن کو کالعدم قرار دے۔بعدازاں عدالت نے 43 ممبران قومی اسمبلی کو ڈی نوٹیفائی کرنے کا الیکشن کمیشن کا حکم معطل کردیا اور 43 حلقوں میں ضمنی الیکشن تاحکم ثانی روک دیا۔

کریڈٹ: انڈیپنڈنٹ نیوز پاکستان-آئی این پی