نگراں وزیراعظم انوارالحق کاکڑ نے کہا ہے کہ مقررہ مدت میں پاکستان کی ترقی کی بنیاد رکھنے کی کوشش کریں گے ، رول آف آرڈر سے ہی قانون کی حکمرانی ہوگی، قائد اعظم اور علامہ اقبال کے وژن پر عمل کر کے پاکستان کی ترقی میں کردار ادا کریں گے۔ پاکستان مختلف مذاہب اور زبانوں کا حامل ملک ہے ، معاشرے میں مذہبی انتہا پسندی کی کوئی گنجائش نہیں، انصاف اور قانون کے مطابق کارروائی عمل میں لائی جائے گی، کسی سے ناانصافی نہیں ہوگی، بیرونی سرمایہ کاری کے فروغ کیلئے عالمی معیار کا انفراسٹرکچر اہمیت رکھتا ہے،نگراں حکومت سرمایہ کاری کونسل کے فورم کا بھرپور استعمال یقینی بنائے گی، سیاحت اور انفراسٹرکچرشعبوں کی ترقی پر خصوصی توجہ دی جائے گی، ملکی معیشت کی بہتری کیلئے خصوصی سرمایہ کاری کونسل کلیدی کردار اداکرے گی۔جمعہ کے روز نگراں وزیراعظم انوارالحق کاکڑ کی زیرصدارت وفاقی کابینہ کا پہلااجلاس ہوا،اجلاس میں نگراں وزراء مشیروں اور دیگر حکام نے شرکت کی،اجلاس میں نگراںوزیراعظم کو بیرونی سرمایہ کاری بڑھانے کیلئے خصوصی سرمایہ کاری کونسل نے بریفینگ دی،جہانزیب خان سیکرٹری عملدرآمد اور جمیل احمد قریشی سیکرٹری ایس آئی ایف سی نے اجلاس میں شرکت کی، اجلاس میں نگراں وزیراعظم کو مختلف شعبوں میں سرمایہ کاری کے مواقع پیداکرنے کے اقدامات سے آگاہ کیا گیا،نگراں وزیراعظم کو سرمایہ بڑھانے اور سرمایہ کاری کی سہولت کیلئے اقدامات سے آگاہ کیا گیا،بریفینگ میں بتایا گیا کہ اس حکمت عملی کے تحت سرمایہ کاروں کو منصوبوں کیلئے ون ونڈوسہولت فراہم کی جائے گی،وزیراعظم نے جہانزیب خان اور جمیل احمد قریشی کی سرمایہ کاری کے فروغ کیلئے کوششوں کو سراہا۔

نگراں وزیراعظم کا کہنا تھا کہ ملکی معیشت کی بہتری کیلئے خصوصی سرمایہ کاری کونسل کلیدی کردار اداکرے گی،سیاحت اور انفراسٹرکچر کے منصوبوں میں بھی بیرونی سرمایہ کاری کی بے شمار استعداد ہے،کونسل کی چھتری سے ان شعبوں کی ترقی پر بھی خصوصی توجہ دی جائے گی،بیرونی سرمایہ کاری کے فروغ کیلئے عالمی معیار کا انفراسٹرکچر اہمیت رکھتا ہے،نگراں حکومت سرمایہ کاری کونسل کے فورم کا بھرپور استعمال یقینی بنائے گی،مختصر دور حکومت میں تمام توانائیاں معیشت کے استحکام اور ترقی میں صرف کرینگے۔ اجلاس میں شریک شرکا سے خطاب میں نگراں وزیر اعظم نے کہا کہ پاکستان ایک زرعی اور قدرتی وسائل سے مالامال ملک ہے، ملکی اور غیر ملکی سطح پر کیے گئے وعدوں کو پورا کریں گے،انوارالحق کاکڑ نے کہا کہ مجھے فخر ہے کہ میری ٹیم ایک تجربہ کار اور بہترین ٹیم ہے ، معاشی مسائل کے حل کیلئے بہترین اقدامات کریں گے،انہوں نے کہا کہ یقین ہے اللہ تعالی ہمیں سرخرو کریں گے، تمام وزرا سے امید کرتا ہوں کہ وہ اپنی اپنی وزارتوں میں بھرپور کام کریں گے،نگران وزیراعظم کاکہنا تھا کہ پاکستان مختلف مذاہب اور زبانوں کا حامل ملک ہے ، معاشرے میں مذہبی انتہا پسندی کی کوئی گنجائش نہیں، انصاف اور قانون کے مطابق کارروائی عمل میں لائی جائے گی، کسی سے ناانصافی نہیں ہوگی ،ریاست اقلیتوں کو نقصان پہنچانے والے عناصر کے ساتھ نہیں ہے، اکثریت کو اقلیت کا خیال رکھنا چاہیے،انہوں نے کہا کہ شدت پسند رویے کی حوصلہ شکنی کی جائے گی اور اسے قانون سے روکا اور کنٹرول کیا جائے گا، ہماری ہر سرگرمی کا پیسہ عوام دیتی ہے، ہم مالی ڈسپلن لائیں گے، نگران وزیراعظم نے 9مئی کو چیئرمین پی ٹی آئی کی گرفتاری کے بعد پیش آنے والے واقعات پر بھی مایوسی کا اظہار کیا۔

کریڈٹ: انڈیپنڈنٹ نیوز پاکستان-آئی این پی

سماجی مساوات کو فروغ دینے اور ماہی گیروں کو روزی کمانے کے مواقع فراہم کرنے کے لیے چھوٹے پیمانے پر ماہی گیری کو بلیو اکانومی کے پیراڈائم میں شامل کیا جانا چاہیے۔نئی بلیو اکانومی نمو اور گورننس پیراڈائم کا ہدف اقتصادی قدر اور ماحولیاتی پائیداری کو یکجا کرنا ہے۔ چیف ایگزیکٹو آفیسر ایکوا ہیچ انٹرنیشنل فیصل افتخار نے کہا کہ بلیو اکانومی میں وسائل کی پائیدار ترقی اور سمندروں، متعلقہ آبی ذخائر اور ساحلی علاقوں اور دریاوں سے متعلق وسیع پیمانے پر معاشی سرگرمی شامل ہے جو شمولیت، اختراع، مساوات اور جدید ٹیکنالوجی کی تصدیق کرتی ہے۔دنیا کی 142 ساحلی ریاستوں میں سے پاکستان ساحلی لمبائی کے لحاظ سے 74ویں نمبر پر ہے۔ پاکستان میں بلیو اکانومی میں 100 بلین ڈالر سے زیادہ کا حصہ ڈالنے کی صلاحیت ہے لیکن وہ مچھلی کی برآمدات سے صرف 450 ملین ڈالر کماتا ہے۔زراعت کے ذیلی شعبے کے طور پر ماہی گیری ملک کی معیشت اور غذائی تحفظ میں اہم کردار ادا کرتی ہے کیونکہ اس سے مٹن، بیف اور پولٹری کی مانگ پر دبا وکم ہوتا ہے۔فیصل نے کہا کہ چھوٹے پیمانے پر ماہی گیری کو جدید بنانا اور مچھلیوں کے ختم ہونے والے ذخیرے کو بحال کرنے اور ماہی گیری کے طریقوں کو تبدیل کرنے کے لیے ماہی گیروں کی صلاحیت کو بڑھانا وقت کی ضرورت ہے۔انہوں نے کہا کہ چھوٹے پیمانے پر ماہی گیری بلیو اکانومی کو بنا یا توڑ سکتی ہے۔ انہوں نے کہا کہ چھوٹے پیمانے پر ماہی گیری سے منسلک سپلائی چین ساحلی علاقوں میں رہنے والے لوگوں کے لیے روزی فراہم کرتی ہے۔اس سب کے باوجود، جب سرکاری یا نجی شعبے کی سرمایہ کاری کی بات آتی ہے تو چھوٹے پیمانے پر ماہی گیری کو اکثر نظر انداز کر دیا جاتا ہے۔

یہ مفروضہ اکثر یہ ہوتا ہے کہ وہ اعلی خطرے والی تنظیمیں ہیں جن میں سرمایہ کاری پر بہت کم منافع ہوتا ہے، سمندر اور ساحلی پانیوں سے باہر نکلتے ہیں اور زیادہ پیچھے نہیں ہٹتے ہیں۔فیصل نے کہا کہ یہ مناسب وقت ہے کہ پبلک پرائیویٹ پارٹنرشپ کے ذریعے چھوٹے پیمانے پر ماہی گیری کے موثر انتظام کے لیے کام کیا جائے، اور بلیو اکانومی کی طرف جانے کے لیے مربوط کوششوں پر زور دیا۔انہوں نے جدید سہولیات سے آراستہ نئی فشنگ جیٹیوں کے قیام کی پرزور وکالت کی۔ انہوں نے زیادہ ماہی گیری، غیر پائیدار ماہی گیری کے طریقوں، اور فصل کے بعد ہونے والے نقصانات کو روکنے کے لیے موثر ریگولیٹری میکانزم کو نافذ کرنے کی ضرورت پر زور دیا۔ مزید برآں، انہوں نے پائیدار چھوٹے پیمانے پر ماہی گیری کو فروغ دینے اور مقامی ماہی گیروں کے لیے آمدنی کے مواقع پیدا کرنے کی اہمیت پر زور دیا۔ماہی گیری کے شعبے کا زرعی ویلیو ایڈیشن میں 1.39فیصد اور جی ڈی پی) میں 0.32فیصد کا حصہ ہے، مالی سال 2022-23 کے دوران 1.44فیصد کی شرح سے اضافہ ہوا جو پچھلے مالی سال کے دوران 0.35فیصد تھا۔مالی سال 2022-23 کے جولائی تا مارچ کی مدت کے دوران، مچھلی کی کل پیداوار 700,000 (سمندری: 475,000 اور اندرون ملک: 225,000 ) میٹرک ٹن رہی، جو پچھلے سال کی مچھلی کی پیداوار کی اسی مدت کے مقابلے میں 0.6 فیصد کا اضافہ ظاہر کرتی ہے۔ پاکستان کا زرعی شعبہ گزشتہ سال کے تباہ کن سیلاب کے دوران نقصانات اور نقصانات دونوں کے لحاظ سے سب سے زیادہ متاثر ہوا۔ تقریبا 4.4 ملین ایکڑ فصلوں کو نقصان پہنچا، اور تقریبا 10 لاکھ جانور ضائع ہوئے۔ کل نقصانات اور نقصانات 30.13 بلین ڈالرتھے، جن میں سے زراعت کو 12.9 بلین کل نقصانات اور نقصانات کا 43فیصدکا سامنا کرنا پڑا۔ فصل کے ذیلی شعبے نے کل نقصانات اور نقصانات میں 82فیصد، مویشیوں نے 7فیصد، اور ماہی گیری/آبی زراعت نے 1فیصد حصہ ڈالا۔ بحالی اور تعمیر نو کے لیے 16 بلین ڈالر کی کل ضرورت میں سے 4 بلین ڈالر 25فیصدزرعی شعبے کے لیے درکار تھے۔

کریڈٹ: انڈیپنڈنٹ نیوز پاکستان-آئی این پی

حکومت نے چین کی طرح پاکستان کو سرسبز ملک بنانے کی کوششیں تیز کر دی ہیں۔اس مقصد کے لیے، حکومت نے پبلک سیکٹر ڈویلپمنٹ پروگرام 2023-24 کے مطابق، گرین پاکستان پروگرام کو بڑھانے کے لیے 3.9 بلین روپے خرچ کرنے کا فیصلہ کیا ہے۔ رقم پروگرام کے مختلف اجزا پر مستعدی سے خرچ کی جائے گی۔پروگرام کے چار اجزا ہیں۔ ان میں جنگلات کے احاطہ میں اضافہ، حیاتیاتی تنوع کا تحفظ، محفوظ علاقوں کا اقدام، اور زولوجیکل سروے آف پاکستان شامل ہیں۔جنگلات کا احاطہ کرنے والا جزو اس بات کو یقینی بنائے گا کہ ملک گزشتہ کئی دہائیوں میں کھوئے ہوئے جنگلات کو دوبارہ اگائے گا۔ اس مقصد کے لیے، "10 بلین ٹری سونامی" پروگرام پہلے سے ہی جاری ہے، جس نے پچھلے چار سالوں میں تقریبا 2 بلین درخت لگائے ہیں۔23-2019 کے چار سالہ وقفے میں لگائے جانے والے درختوں کی تعداد کا ہدف 3.29 بلین تھا۔ تاہم مذکورہ مقصد کے لیے پوری ریاستی مشینری کو متحرک کیے بغیر پورا کرنا مشکل ہے۔حکومت نے آبادی کو پینے کے صاف پانی کی ہموار فراہمی کو یقینی بنانے کے لیے "پانی کے معیار اور مانیٹرنگ پر صلاحیت کی تعمیر" پر 26.5 ملین ڈالر خرچ کرنے کا بھی فیصلہ کیا ہے۔پانی کے معیار اور نگرانی کے منصوبے کو "ماحولیاتی لچکدار شہری انسانی بستیوں کے یونٹس" پر خرچ کیے جانے والے فنڈز سے مکمل کیا جائے گا جو ملک کے شہری مراکز کو قابل رہائش اور پائیدار جگہوں میں تبدیل کرنے کی نگرانی کرے گا۔

آب و ہوا سے مزاحم شہری انسانی بستیوں پر خرچ کیے جانے والے کل فنڈز 20.95 ملین روپے ہوں گے۔پی ایس ڈی پی 2024 میں موسمیاتی تبدیلی ڈویژن کے لیے کل مختص رقم 4.05 ارب روپے ہے۔ موسمیاتی تبدیلی ڈویژن کے تحت منصوبوں کے لیے تمام فنڈز حکومت کی آمدنی سے بغیر کسی غیر ملکی امداد کے فراہم کیے جائیں گے۔ان 4 ارب روپے میں سے 100 ملین روپے "پاکستان بائیو سیفٹی کلیئرنگ ہاوس فار جینیاتی طور پر تبدیل شدہ جاندارریگولیشن" پر خرچ کیے جائیں گے جس کی منظوری پلاننگ کمیشن کی ڈویژنل ڈویلپمنٹ ورکنگ پارٹی پہلے ہی دے چکی ہے۔موسمیاتی تبدیلی ڈویژن کے لیے 4.05 بلین روپے کی مختص رقم گزشتہ مالی سال کے مختص کے مقابلے میں 57 فیصد کمی کی نمائندگی کرتی ہے جب یہ 9.5 بلین روپے تھی۔موسمیاتی ڈویژن کے دائرہ کار میں آنے والے منصوبوں پر فنڈز خرچ کرنے کی ضرورت پر زیادہ زور نہیں دیا جا سکتا۔ پاکستان کا شمار دنیا کے ان ممالک میں ہوتا ہے جو موسمیاتی تبدیلیوں کے خطرے سے دوچار ہیں۔اس سے یہ سب زیادہ اہم ہو جاتا ہے کہ حکومت سنجیدگی سے پالیسیاں وضع کرے اور ان پر عمل درآمد کرے جو قومی بنیادی ڈھانچے میں لچک لاتی ہے اور لوگوں کو موسمیاتی تبدیلی کے بدترین اثرات سے بچاتی ہے۔

کریڈٹ: انڈیپنڈنٹ نیوز پاکستان-آئی این پی

چین کے جنگلات کے کامیاب ماڈل سے متاثر ہو کر، پاکستان نے 2023 تک 10 بلین درخت لگانے کے ہدف کے ساتھ 2019 میں دس بلین ٹری سونامی پروگرام کا آغاز کیا۔ عالمی بینک کے ماحولیاتی تحفظ کے ماہر عاصم عزیز نے ویلتھ پاک کو بتایا کہ پاکستان کو موسمیاتی مسائل کی ایک صف کا سامنا ہے، جن میں درجہ حرارت میں اضافہ، ہمالیہ کے گلیشیئرز کا پیچھے ہٹنا، اور مانسون کے پیٹرن میں شدت شامل ہے۔ یہ منصوبہ ان خدشات کو دور کرنے اور قوم کے مزید پائیدار مستقبل کی بنیاد رکھنے کی طرف ایک اہم پیشرفت کے طور پر ابھرتا ہے۔عاصم عزیز نے بتایا کہ اس پروگرام کو 125 ارب روپے کے بڑے بجٹ سے سپورٹ کیا گیا۔ اس فعال اقدام کا مقصد گرمی کی سطح اور کاربن ڈائی آکسائیڈ کے اخراج کو کم کرنا اور موسمیاتی تبدیلیوں کے اثرات کے خلاف پاکستان کی لچک کو بڑھانا ہے۔اس سے قبل، پاکستان نے 2014 میں صوبہ خیبرپختونخوا میں بلین ٹری سونامی مہم کا آغاز کیا تھا، جس کا مقصد تباہ شدہ زمینوں کو صحت مند جنگلات کی حالت میں بحال کرنا تھا۔ مہم کی کامیابی اس کی 350,000 ہیکٹر اراضی پر درخت لگانے کی کامیابی سے ظاہر ہوتی ہے۔عاصم عزیز نے مزید کہا کہ یہ پروگرام ایک جامع اور کثیر جہتی کوشش ہے جس کا مقصد پاکستان کے جنگلات اور جنگلی حیات کے وسائل کو زندہ کرنا ہے۔ اس کی جامع حکمت عملی میں موجودہ محفوظ علاقوں کی حفاظت، ماحولیاتی سیاحت کو فروغ دینا، مقامی کمیونٹیز کو شامل کرنا، اور تحفظ کی کوششوں کے ذریعے روزگار کے مواقع پیدا کرنا شامل ہے۔انہوں نے ہوا سے کاربن ڈائی آکسائیڈ کو جذب کرنے میں جنگلات کی بحالی کے اہم کردار پر روشنی ڈالی جو کہ موسمیاتی تبدیلی کی ایک بڑی وجہ ہے۔ مزید برآں، جنگلات کی کٹائی سے مٹی کے کٹا وکو روکنے، سیلاب کو کم کرنے اور جانوروں کے لیے اہم رہائش گاہیں فراہم کرنے میں مدد ملتی ہے۔بوسٹن یونیورسٹی کے ایک حالیہ مطالعے سے پتا چلا ہے کہ چین کے جنگلات کی بحالی کے پرجوش اقدام کی بدولت دنیا سرسبز ہو رہی ہے۔ مطالعہ، جس نے پودوں کی کوریج کی نگرانی کے لیے سیٹلائٹ ڈیٹا کا استعمال کیا، پتہ چلا کہ دنیا کی صرف 6.6 فیصد زمین کو ڈھانپنے کے باوجود، چین نے پتوں کے رقبے میں عالمی اضافے کا 25 فیصد حصہ لیا۔مطالعہ کے سرکردہ محقق، بوسٹن یونیورسٹی کے شعبہ زمین اور ماحولیات سے تعلق رکھنے والے چی چن نے کہا کہ یہ نتائج "قابل ذکر" ہیں اور وہ موسمیاتی تبدیلیوں سے نمٹنے کے لیے جنگلات کی بحالی کی طاقت کا مظاہرہ کرتے ہیں۔

جنگلات میں چین کا سفر 1970 کی دہائی میں شروع ہوا جب حکومت نے 11 سال سے زیادہ عمر کے ہر شہری سے سالانہ کم از کم تین پودے لگانے کو کہا۔ اس اقدام کے نتیجے میں شمالی چین میں 12,000 میل کے فاصلے پر 66 بلین درختوں کی کامیاب شجرکاری ہوئی ہے۔ "چین کی عظیم سبز دیوار" کے طور پر تصور کیا گیا، یہ مسلسل جنگل، 2,800 میل تک پھیلا ہوا ہے، 2050 تک مکمل ہونے کی توقع ہے۔ٹی بی ٹی ٹی پی نے جنگلات کے لیے 109 ارب روپے اور جنگلی حیات کے لیے 15.59 ارب روپے مختص کیے ہیں۔ اگرچہ مالی مختص اور ریلیز اتار چڑھاو کے ساتھ مشروط ہیں، کافی پیش رفت ہوئی ہے۔ابتدائی سال میں بجٹ میں 52.3 فیصد کی کٹوتی کی گئی جس کے نتیجے میں 15.6 بلین روپے کی مطلوبہ رقم کے مقابلے میں 7.5 ارب روپے جاری ہوئے۔ اگلے سال مزید اہم کٹوتی کا سامنا کرنا پڑا، درخواست کردہ 23 ارب روپے میں سے صرف 4.9 بلین روپے کی منظوری دی گئی، جو کہ 78.69 فیصد کی کمی کو ظاہر کرتا ہے۔عالمی بینک کے ماحولیاتی ماہر نے مزید کہا کہ بلین ٹری سونامی کے ابتدائی اقدام کی توسیع اس کی کامیابی اور پاکستان کے موسمیاتی تبدیلی کے ردعمل کے ساتھ اس کی ہم آہنگی کا ثبوت ہے۔ بڑھتے ہوئے درجہ حرارت، گلیشیئرز کے پگھلنے، اور زیادہ شدید مون سون کے ساتھ پاکستان کے تجربات ایک پائیدار مستقبل کی تشکیل میں اسکی اہمیت کو واضح کرتے ہیں۔ٹی بی ٹی ٹی پی کی پیش رفت انتہائی مثبت رہی ہے۔ نئے درخت لگانے کی شرح اپنے آغاز سے لے کر اب تک دس گنا بڑھ گئی ہے، جو اس کے موثر نفاذ کی مثال ہے۔ تخمینہ سال کے آخر تک مزید 500 ملین درختوں کے اضافے کی نشاندہی کرتا ہے۔اگرچہ چین کی جنگلات کی بحالی کی کامیابیاں متاثر کن ہیں، لیکن اس کے باوجود قابل استعمال صلاحیت باقی ہے۔ ورلڈ ریسورسز انسٹی ٹیوٹ کا اندازہ ہے کہ عالمی سطح پر، دو بلین ہیکٹر سے زیادہ تنزلی یا لاگت زدہ جنگلاتی زمینیں بحالی کے مواقع فراہم کرتی ہیں۔ یہ صلاحیت موسمیاتی تبدیلیوں کا مقابلہ کرنے، حیاتیاتی تنوع کی حفاظت اور انسانی فلاح و بہبود کو بڑھانے کے لیے کافی راستہ فراہم کرتی ہے۔

کریڈٹ: انڈیپنڈنٹ نیوز پاکستان-آئی این پی

حکومت کو چاہیے کہ وہ پاکستان میں مسابقت اور متحرک منڈیوں کو یقینی بنانے کے لیے لیسیز فیئر اصلاحات نافذ کرے۔یہ بات ماہر اقتصادیات ڈاکٹر عثمان ڈبلیو چوہان، ڈائریکٹر اقتصادی امور اور قومی ترقی، سینٹر فار ایرو اسپیس اینڈ سیکیورٹی اسٹڈیز، اسلام آباد نے ویلتھ پاک سے بات کرتے ہوئے کہی۔ انہوں نے کہا کہ پاکستان میں، زراعت سے لے کر مینوفیکچرنگ تک، خوردہ سے لے کر ٹرانسپورٹ تک، اور تجارت سے لے کر تعمیرات تک زیادہ تر مارکیٹوں میں حکومت کی اعلی سطح پر شمولیت ہے۔ پاکستان میں اب بھی مقابلے کے لیے ایک مناسب ریگولیٹری فریم ورک کا فقدان ہے۔ ہمارے پاس ملک میں مسابقتی کمیشن ہے، لیکن ہمارے پاس مسابقتی بازار نہیں ہیں۔ مارکیٹ میں حکومت کی مداخلت نے کاروباری اداروں پر دباو ڈالا ہے اور انہیں اپنی پوری صلاحیت کے مطابق کام کرنے سے روک دیا ہے۔انہوں نے نشاندہی کی کہ ڈھانچہ جاتی ریگولیٹری رکاوٹوں، چند فرموں کی مارکیٹ میں غلبہ، موثر مسابقت کی پالیسیوں کی کمی وغیرہ کی وجہ سے گھریلو مسابقت محدود ہے۔ پاکستان میں صنعتوں کے لیے طویل حکومتی ریگولیٹری فریم ورک کی وجہ سے کام کرنا بہت مشکل ہے، جو ضرورت سے زیادہ کاغذی کارروائی، کرایہ کی تلاش، لین دین کے زیادہ اخراجات اور تجارتی رکاوٹوں کا باعث بنتا ہے۔عثمان ڈبلیو چوہان نے کہا کہ پاکستان کی معیشت میں پہلے سے ہی سالوں کے دوران ایک غیر مستحکم ترقی کا نمونہ ہے، اس طرح طویل مدتی اور جامع ترقی حاصل کرنے میں ناکام رہی۔آزاد منڈی کے طریقہ کار کو اپنانا مسابقت، اختراع، سرمایہ کاری اور وسائل کی تقسیم کو فروغ دے کر پاکستان کی معیشت کو بہتر بنانے کی صلاحیت رکھتا ہے۔

تاہم، منتقلی اچھی طرح سے منصوبہ بندی کے ساتھ ہونی چاہیے، چیلنجوں سے نمٹنے کے لیے اقدامات کیے جائیں اور اس بات کو یقینی بنایا جائے کہ فوائد آبادی میں مساوی طور پر تقسیم کیے جائیں۔انہوں نے پاکستان کی معیشت کو برآمدات پر مبنی ترقی کی رفتار میں تبدیل کرنے کے لیے مارکیٹ میں اصلاحات پر زور دیا۔ ایک متحرک نجی شعبے کے ساتھ معیشت کی مسابقت اور پیداواری صلاحیت کو بہتر بنانے کے علاوہ، اس کی حمایت کے لیے ملکی اور غیر ملکی سرمایہ کاری کو راغب کرنا بھی اہم ہے۔پاکستان کے مسابقتی کمیشن کے ایک اہلکار نے کہاکہ کمیشن تجارتی اور اقتصادی سرگرمیوں کے تمام شعبوں میں آزادانہ مسابقت کو یقینی بنانے، معاشی کارکردگی کو بڑھانے اور صارفین کو مسابقتی مخالف طریقوں سے بچانے کے لیے کام کرتا ہے۔انہوں نے کہا کہ کمیشن نے دھوکہ دہی کی مارکیٹنگ، مل کر بولی لگانے اور کارٹیلائزیشن جیسے شعبوں میں نفاذ کے متعدد اقدامات کیے ہیں۔ ان نفاذ کے اقدامات کا مقصد صارفین کو کاروباری برادری کے بعض عناصر کے استحصال سے بچانا تھا۔انہوں نے تاجر برادری پر زور دیا کہ وہ صارفین کے مسائل پر کمیشن سے رجوع کریں اور مسابقتی مخالف کاروباری طریقوں کی نشاندہی کرنے میں مدد کریں۔ پالیسی سے متعلق فیصلے کرنے اور مختلف محکموں کو رہنمائی فراہم کرنے کے لیے، کمیشن ایک کالجیٹ باڈی کے طور پر کام کرتا ہے۔آزاد منڈی کا طریقہ کار ایک معاشی نظام ہے جہاں اشیا اور خدمات کی قیمتیں، پیداوار اور تقسیم ایک کھلے اور مسابقتی ماحول میں طلب اور رسد کی قوتوں سے چلتی ہے۔ آزاد بازار میں، افراد، کاروبار اور تنظیمیں اہم حکومتی مداخلت یا کنٹرول کے بغیر سامان اور خدمات کی خرید و فروخت کے لیے آزادانہ طور پر بات چیت کرتے ہیں۔

کریڈٹ: انڈیپنڈنٹ نیوز پاکستان-آئی این پی

تغريدات .. عاجل .
١- رئيس الشؤون الدينية للمسجد الحرام والمسجد النبوي الشيخ الدكتور عبدالرحمن السديس يدشن حساب رئاسة الشؤون الدينية للمسجد الحرام والمسجد النبوي الموحد على منصة التواصل الاجتماعي " اكس
--------
٢- رئيس الشؤون الدينية: بسم وعلى بركة الله نطلق حساب رئاسة الشؤون الدينية للمسجد الحرام والمسجد النبوي الموحد على منصة التواصل الاجتماعي "اكس
- .....
٣- رئيس الشؤون الدينية: نتقدم بالشكر والتقدير لقيادتها الرشيدة حفظها الله لدعمها منقطع النظير لرئاسة الشؤون الدينية للحرمين
-.....
٤- رئيس الشؤون الدينية: نسأل المولى عز وجل التوفيق والنجاح لنشر رسالة الحرمين الدينية الوسطية للعالم
- -----
٥- رئيس الشؤون الدينية: رسالة الشؤون الدينية تتركز في بث قيم التسامح الاعتدال والتأخي وتعظيم الرحلة الإيمانيةً واثراء تجربة الحجاج والمعتمرين والقاصدين دينيا.
- ----
٦- رئيس الشؤون الدينية: هدفنا اثراء التجربة الدينية وتعظيم الدروس العلمية في الحرمين بتسخير التقانة، واستشعارا لما جعله الله لهما من قيمة كبرى ومكانة عظمى في قلوب الأمة الإسلامية..
.... الخبر.
٧-دشن حساب رئاسة الشؤون الدينية للمسجد الحرام والمسجد النبوي على" اكس .. رئيس الشؤون الدينية: هدفنا نشر رسالة الحرمين الوسطية للعالم واثراء التجربة الدينية في الحرمين..
دشن معالي رئيس الشؤون الدينية للمسجد الحرام والمسجد النبوي الشيخ الدكتور عبدالرحمن بن عبدالعزيز السديس حساب رئاسة الشؤون الدينية للمسجد الحرام والمسجد النبوي الموحد على منصة التواصل الاجتماعي "اكس قائلا " بسم وعلى بركة الله نطلق حساب رئاسة الشؤون الدينية للمسجد الحرام والمسجد النبوي الموحد على منصة التواصل الاجتماعي "تويتر" سائلين المولى عز وجل التوفيق والنجاح لبث رسالة الحرمين الدينية الوسطية للعالم وان يوفق قيادتنا الرشيدة حفظها الله لدعمها منقطع النظير لرئاسة الشؤون الدينية للحرمين .
وتابع معاليه قائلا " ان رسالة الشؤون الدينية للحرمين تتركز في نشر قيم التسامح الاعتدال والتأخي وتعظيم الرحلة الإيمانيةً وإثراء تجربة الحجاج والمعتمرين والقاصدين دينيا.
وأردف معاليه قائلا "ان الرئاسة هدفها اثراء التجربة الدينية وتعظيم الدروس العلمية في الحرمين بتسخير التقانة، واستشعارا ما جعله الله لهما من قيمة كبرى ومكانة عظمى في قلوب الأمة الإسلامية..

کریڈٹ: انڈیپنڈنٹ نیوز پاکستان-آئی این پی

مصر کی سب سے بڑی سگریٹ بنانے والی کمپنی کے منیجنگ ڈائریکٹر اور سی ای او نے انکشاف کیا ہے ملک کی 18فیصد آبادی سگریٹ نوشی کرتی ہے،عرب میڈیا کے مطابق ایسٹرن کمپنی کے ہانی امان نے کہا ہے کہ مصر کی آبادی ہر سال 100ارب کے سگریٹ پیتی ہے اور ان کی کمپنی ہر سال 70ارب سگریٹ بناتی ہے،اس حوالے سے انہوں نے کہا ہے کہ ہر سال جون میں سگریٹ کی مانگ میں اضافہ ہوتا ہے کیونکہ ایسا خیال کیا جاتا ہے کہ نئے مالی سال میں اس میں ٹیکس میں اضافہ ہوگا،رپورٹس کے مطابق ایک اندازے کے مطابق مصر کی آبادی 109.3ملین سے زائد ہے،دوسری جانب غیرملکی میڈیا کا بتانا ہے کہ مصر کی مارکیٹوں میں ملکی اور غیر ملکی سگریٹ کی قیمتوں میں بہت زیادہ اضافہ بھی دیکھا گیا ہے، مصر میں صارفین کے لیے علاقوں کی مناسبت سے سگریٹ کی قیمتیں مختلف ہیں۔

کریڈٹ: انڈیپنڈنٹ نیوز پاکستان-آئی این پی

بنگلا دیش کی عدالت نے وزیراعظم حسینہ واجد کے بیٹے کے قتل کی سازش کے الزام میں اخبار کے دو سابق سینیئر ایڈیٹرزکو 7سال قید کی سزا سنا دی،بنگلا دیشی پراسیکیوٹر کے مطابق ڈھاکا کی عدالت کی جانب سے 88سالہ شفیق الرحمان اور 70سالہ محمود الرحمان کو ان کی غیرموجودگی میں7،7سال قید کی سزا سنائی گئی،پراسیکیوٹر کے مطابق دونوں سابق ایڈیٹرز کے ساتھ 3اور افراد کو بھی 7سال قید کی سزا سنائی گئی ہے،وزیراعظم حسینہ واجد کے بیٹے کے قتل کی سازش کے الزام میں شفیق الرحمان کو 2016اور محمود الرحمان کو 2003میں گرفتار کیا گیا تھا، دونوں افراد کو طبی بنیادوں پر بیرون ملک علاج کے لیے ضمانت پر رہا کر دیا گیا تھا، جس کے بعد سے دونوں وطن واپس نہیں آئے،رپورٹس کے مطابق باقی کے تینوں ملزمان بھی الزام لگنے کے بعد سے مفرور ہیں۔

کریڈٹ: انڈیپنڈنٹ نیوز پاکستان-آئی این پی

سابق امریکی صدر ڈونلڈ ٹرمپ کے خلاف صدارتی الیکشن پر اثر انداز ہونے کے کیس کی خاتون جج کو قتل کی دھمکی دینے والی خاتون کو گرفتار کرلیا گیا،برطانوی نشریاتی ادارے کے مطابق 43سالہ خاتون ابیگیل جو شری پر الزام ہے کہ انہوں نے ڈونلڈ ٹرمپ کے خلاف 2020کے صدارتی الیکشن پر اثر انداز ہونے کے کیس سننے والی جج تانیا چٹکن کو جان سے مارنے کی دھمکی دی،رپورٹ کے مطابق خاتون نے مبینہ طور پر 5اگست کو واشنگٹن ڈی سی کی عدالت میں فون کیا اور امریکی ڈسٹرکٹ جج تانیا چٹکن کے لیے نسل پرستانہ جملے بولتے ہوئے انہیں قتل کرنے کی دھمکی دی،خاتون نے فون کال میں مبینہ طور پر جج سے کہا کہ آپ ہماری نظروں میں ہیں، ہم آپ کو مارنا چاہتے ہیں،پراسیکیوٹر کے مطابق خاتون نے جج کو دھمکی دی کہ اگر ٹرمپ 2024کے الیکشن نہ لڑ سکے تو ہم آپ کو قتل کردیں گے،اس کے علاوہ خاتون نے مبینہ طور پر کانگریس کی خاتون رکن شیلا جیکسن لی کو قتل کرنے کی دھمکی بھی دی،جو ٹیکساس کی سیاہ فام ڈیموکریٹ ہیں اور ہیوسٹن کے میئر کے لیے انتخاب لڑ رہی ہیں،حکام کی جانب سے جب خاتون کی فون کال کو ٹریس کرتے ہوئے گھر پر چھاپا مارا گیا تو خاتون نے جج کو دھمکی آمیز کال کرنے کی تصدیق کی۔جس کے بعد اسے گرفتار کرلیا گیا۔

کریڈٹ: انڈیپنڈنٹ نیوز پاکستان-آئی این پی

روس نے یوکرین پر الزام عائد کیا ہے کہ اس نے دارالحکومت ماسکو کے بزنس حب پر ڈرون حملے کیے ہیں،غیر ملکی میڈیا کے مطابق روسی حکام نے کہاکہ یوکرین نے ماسکو کے وسطی علاقے میں ایک بلڈنگ کو نشانہ بنایا جس میں بلڈنگ پر ڈرون حملہ کیا گیا جس کے دھماکے کی آواز دور دور تک سنی گئی،روسی حکام کے مطابق یوکرین نے ماسکو کے بزنس ڈسٹرکٹ کو نشانہ بنایا ہے تاہم ائیر ڈیفنس نے یوکرینی ڈرون کو تباہ کردیا جس کا ملبہ ایکسپو سینٹر پر گرا،میئر ماسکو سرگئی سوبیانن نے کہا کہ یوکرین کی جانب سے دارالحکومت پر تسلسل سے ڈرون حملے کیے جارہے ہیں جس میں اس بار شہر کے اہم کاروباری حب کو نشانہ بنایا گیا ہے،میڈیا رپورٹس کیمطابق یوکرین کے ڈرون حملے کی کچھ ویڈیوز بھی سوشل میڈیا پر وائرل ہیں جس میں ماسکو کی فضا میں دھوئیں کے بادل اٹھتے دیکھے گئے ہیں، ماسکو پر ڈرون حملے کیبعد یوکرینی حکام نے فوری طور پر کوئی تبصرہ نہیں کیا ہے جب کہ کیف کے حکام نے بھی ماسکو پر ڈرون حملوں کی باضابطہ کوئی تصدیق نہیں کی ہے۔

کریڈٹ: انڈیپنڈنٹ نیوز پاکستان-آئی این پی

بھارتی فارماسیوٹیکل کمپنیاں موت بانٹنے لگیں، ازبکستان میں ہندوستانی فارماسیوٹیکل کمپنی کے خلاف تفتیش کے دوران شرمناک انکشافات سامنے آئے ہیں،تفصیلات کے مطابق کورامیکس نامی کمپنی کے بھارتی نژاد سی ای او نیاپنے ہی ملک کی کمپنی میریون بائیو ٹیک سے کھانسی کے غیرمعیاری سیرپ کا ٹھیکہ کیا اور زیادہ منافع کی ہوس میں کمپنی نے سیرپ میں کیڑے ماردوائی میں استعمال ہونے والے اجزا ڈال دیے،سی ای او کورامیکس پرتارسنگھ نے رشوت دینے کا اعتراف کیا اور بتایا کہ ازبکستان درآمد پر 33ہزارڈالر رشوت دے کر کوالٹی ٹیسٹ بھی معاف کروا لیا،ازبک حکام کیمطابق کورامیکس کمپنی نے ٹیکس فراڈ کیلئیسیرپ کی قیمت بھی زیادہ ظاہرکی ،دسمبر 2022میں کھانسی کے سیرپ کے استعمال سے ازبکستان میں 65بچوں کی اموات ہوئی تھی،اسکینڈل منظرعام پر آنے کے بعد امریکہ، یورپی یونین اور دیگر کئی ممالک نے ہندوستانی کمپنی میریون بائیو ٹیک کا لائسنس معطل کر دیا تھا۔

کریڈٹ: انڈیپنڈنٹ نیوز پاکستان-آئی این پی

ہوائی کے جنگل میں لگنے والی آگ پر حکام نے کہا ہے کہ اگر وارننگ جاری کر دی جاتی تو جانیں نہیں بچائی جاسکتی تھیں،ریاست ہوائی میں لگنے والی آگ امریکہ کی 100سالہ تاریخ کی بدترین قدرتی آفت ہے۔ جس میں ایک سو گیارہ افراد ہلاک اور 3ہزار کے قریب عمارتیں تباہ ہوئیں۔ 6 بلین ڈالر کا نقصان ہوا اور 1ہزار سے زائد افراد ابھی بھی لاپتہ ہیں،دوسری جانب وارننگ نہ دینے پر حکام کو شدید تنقید کا سامنا ہے۔ ہوائی میں دنیا کا سب سے بڑا وارننگ سسٹم ہونے کے باوجود یہ بروقت کام نہ آسکا،موئی ایمریجنسی حکام کے مطابق انہیں سائرن نہ بجانے پر کوئی افسوس نہیں کیونکہ آگ کی شدت اتنی زیادہ تھی کہ اموات کو روکا نہیں جاسکتا تھا۔

کریڈٹ: انڈیپنڈنٹ نیوز پاکستان-آئی این پی

بھارت میں اسکول ٹیچر نے نو عمر مسلمان طالب علم کو بدترین تشدد کا نشانہ بنا ڈالا،غیرملکی میڈیا کے مطابق 11سالہ طالب علم ارباز بھارتی دارالحکومت نئی دہلی کے ایک اسکول میں چھٹی جماعت کا طالب علم ہے۔ ارباز پر استاد نے ہندی کی کتاب گھر بھول کر آنے پر بہیمانہ تشدد کیا،رپورٹ میں واقعہ کی مزید تفصیلات بتاتے ہوئے کہا گیا ہے کہ استاد نے ارباز کو کلاس سے باہر جانے کے لیے کہا۔ ارباز جیسے ہی باہرجانے کے لیے اٹھا استاد نے اس کا راستہ روک لیا اور ارباز پرتھپڑ، گھونسوں اور لاتوں کی بارش کردی۔ بدترین تشدد کے بعد ارباز کو تشویشناک حالت میں اسپتال منتقل کردیا گیا،ارباز کے والد محمد رمضانی کا کہنا ہے کہ ان کے بیٹے کا گلا گھونٹنے کی کوشش بھی کی گئی جس کے واضح نشانات موجود ہیں۔ گواہوں اور ثبوتوں کے باوجود پولیس مقدمہ درج کرنے میں ٹال مٹول سے کام لے رہی ہے جبکہ اسکول انتظامیہ نے بھی استاد کے خلاف کوئی کارروائی نہیں کی ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب کے ایک سینئر دانشور اور محقق طلال محمد الناشری نے ملک میں طلاق کے کیسز میں اضافے کی شرح میں اضافے کو خطرناک رجحان قرار دیا ہے، عرب میڈیا کے مطابق الناشری نے کہا کہ شماریات اتھارٹی کی سال 2022 کی رپورٹ میں سعودی عرب میں طلاق یافتہ خواتین کی تعداد ساڑھے تین لاکھ تک پہنچ گئی ہے جسے ایک غیر صحت مند اشارہ سمجھا جا سکتا ہے،انہوں نے کہا کہ رپورٹ میں بیان کردہ تعداد بہت زیادہ ہے اور نفسیاتی اور سماجی نقطہ نظر سے یونیورسٹیوں کے ماہرین کو گہرائی سے مطالعہ کرنے کی ضرورت ہے، تاکہ طلاق کی وجوہات جاننے اور اس مسئلے کے علاج کے لیے سائنسی حل تلاش کرنے اورطلاق کے کیسز کو خوفناک حد تک پہنچنے بچانے کے لیے اس کا حل نکالنے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

مصنوعی ذہانت کی مدد سے ترک صدر طیب اردوان کی آواز نکال کر فراڈ کرنے والا نوسرباز گرفتار کر لیا گیا،ترک نیشنل انٹیلی جنس آرگنائزیشن کے مطابق ملزم نے صدر رجب طیب اردوان کی آواز کی نقل کرنے کیلئے مصنوعی ذہانت کے سافٹ ویئر کا استعمال کیا اور مختلف غیر ملکی شہریوں اور ترکیہ کے کاروباری افراد کو فونز کالز کے ذریعے جال میں پھنسایا،ملزم ترک صدر رجب طیب اردوان کی آواز نکال کر ترکیہ کی مختلف کمپنیوں اور اعلی سرکاری اہلکاروں کو بھی دھوکا دے رہا تھا، مجرم کو فوری طور پر گرفتار کر کے قانون نافذ کرنے والے اداروں کے حوالے کر دیا گیا۔

کریڈٹ: انڈیپنڈنٹ نیوز پاکستان-آئی این پی

سعودی ولی عہد شہزادہ محمد بن سلمان کو دورہ برطانیہ کی دعوت موصول ہو گئی، 2018کے بعد محمد بن سلمان برطانیہ کا دورہ کریں گے،غیر ملکی میڈیاکے مطابق برطانوی وزیر اعظم رشی سونک نے سعودی ولی عہد محمد بن سلمان کو فون کیا، اس دوران رشی سونک نے تجارت اور سرمایہ کاری، صنعت، دفاع اور سلامتی سمیت دیگر شعبوں میں تعلقات کو مزید مضبوط بنانے کے عزم کا اظہار کیا،دونوں سربراہوں نے روس یوکرین جنگ کے خاتمے، منصفانہ اور دیرپا امن کی حمایت کیلئے اتحادیوں کے ساتھ مل کر کام کرنے کی اہمیت پر اتفاق کیا، اس کے علاوہ برطانوی وزیر اعظم نے سعودی ولی عہد محمد بن سلمان کو دورہ کی دعوت بھی دی جسے انہوں نے قبول کر لیا۔

کریڈٹ: انڈیپنڈنٹ نیوز پاکستان-آئی این پی

روس کے صدر ولادیمیر پیوٹن نے ایرانی صدر ابراہیم رئیسی سے ٹیلیفون پر رابطہ کیا ہے ،غیرملکی میڈیا کے مطابق دونوں ممالک کے رہنماں نے پانچ ممالک کی تنظیم برکس میں ایران کی ممکنہ شمولیت پر تبادلہ خیال کیا،روسی صدر پیوٹن اور ایرانی ہم منصب کے درمیان دو طرفہ تجارت، توانائی اور ٹرانسپورٹ کے شعبوں کو فروغ دینے پر بھی گفتگو کی گئی ۔

کریڈٹ: انڈیپنڈنٹ نیوز پاکستان-آئی این پی

بجلی تقسیم کار کمپنیاں صارفین سے ارتھنگ کے نام پر حاصل کیے گئے اربوں روپے ہڑپ کرگئیں،مستقبل میں کسی ممکنہ کے حادثے سے بچنے کے لیے کمپنیوں کی جانب سے ارتھنگ نظام کی زیر زمین تنصیب کے دعوے کیے گئے اور اس سلسلے میں بجلی صارفین سے اربوں روپے حاصل کیے گئے، نجی ٹی وی کے مطابق اس بات کا انکشاف نیپرا کی جانب سے گزشتہ روز ہونے والی ایک عوامی کچہری میں ہوا۔ اس موقع پر نیپرا نے بجلی کی تقسیم کار کمپنیوں کو متنبہ کیا کہ وہ اس سلسلے میں ایک ضابطے پر کام کررہا ہے جس کے تحت ان تمام افسران پر بھاری جرمانے عائد کیے جائیں گے جنھوں نے یہ غیر قانونی رقومات صارفین سے بلوں میں وصول کی اور اس دوران ان کے بجلی کے میٹر غیر قانونی طور پر منقطع کیے گئے،نیپرا کا کہنا تھا کہ نئے ضابطے میں اس بات کی یقین دہانی کرائی گئی ہے کہ بجلی کی کمپنیاں ایک مخصوص وقت کے اندر بجلی کی ٹرانسفارمرز کو تبدیل کریں بصورت دیگر انھیں جرمانے کا سامنا کرنا ہوگا،نیپرا کی جانب سے اس تمام معاملے کی تحقیقات کا آغاز کردیا گیا ہے عوامی سماعت کے دوران بتایا گیا کہ نیپرا کی جانب سے بتایا گیا کہ اس سے قبل بھی ادارے نے بجلی کی تقسیم کار کمپنیوں سے اس سارے منصوبے پر عمل درآمد کی رپورٹ طلب کی تھی اور ان کمپنیوں کی جانب سے جمع کرائے گئے جوابات سے ادارہ مطمن نہیں تھا کیونکہ کسی کمپنی نے ارتھنگ نظام کی تنصیب کے بارے میں کوئی منصوبہ پیش نہیں کیا تھا،اس کے علاوہ ادارے کی جانب سے مختلف علاقوں کے معائنے سے یہی بات سامنے آئی کہ یا تو وہاں ارتھنگ نظام سرے سے موجود ہی نہیں تھا یا پھر معیار کے مطابق نہیں تھا۔

کریڈٹ: انڈیپنڈنٹ نیوز پاکستان-آئی این پی

ہائی کورٹ نے دارالحکومت کی حدود سے باہر واقع ہائوسنگ سوسائٹیز کو اسلام آباد کا نام استعمال نہ کرنے کا حکم دے دیا،عدالت نے ہائوسنگ سوسائٹیز کو اپنے ناموں میں سے اسلام آبادہٹانے کا حکم دیتے ہوئے کہا کہ اسلام آباد نام کی تبدیلی سے یہ تاثر ختم ہو گا کہ سوسائٹیز اسلام آباد کی حدود میں واقع ہیں ،عدالتی فیصلے میں کہا گیا ہے کہ سوسائٹیز کے خرچ پر قومی اخبارات میں اشتہار دیے جائیں کہ یہ سوسائٹیز اسلام آباد کی حدود میں نہیں ہیں۔ عوامی آگاہی کے لیے اشتہارات مستقل ہائوسنگ سوسائٹیز کی مرکزی جگہوں پر چسپاں رہیں گے۔ اسلام آباد نام استعمال کرکے چالاکی سے عوام کو تاثر دیا جارہا ہے کہ سوسائٹیز اسلام آباد میں واقع ہیں ،جسٹس ارباب محمد طاہر نے ہائوسنگ سوسائٹیز کی رجسٹریشن منسوخی کے خلاف کیس کا فیصلہ جاری کر دیا ، جس میں اسلام آباد کی حدود سے باہر واقع 18ہائوسنگ سوسائٹیز کی رجسٹریشن منسوخی کالعدم قرار دیتے ہوئے اسلام آباد ہائیکورٹ نے رجسٹریشن دوبارہ بحال کر دی،واضح رہے کہ اسلام آباد میں رجسٹرڈ لیکن اسلام آباد کی حدود سے باہر واقع سوسائٹیز کی رجسٹریشن ڈی سی نے منسوخ کردی تھی، جس پر عدالت نے رجسٹریشن منسوخی کا گزشتہ سال 23 ستمبر کا نوٹیفکیشن کالعدم قرار دے دیا ۔

عدالت نے کہا فیصلے میں کہا کہ رجسٹرار کوآپریٹو سوسائٹیز نے سوسائٹیز کی رجسٹریشن منسوخی کرتے وقت قانونی تقاضے پورے نہیں کیے،فیصلے میں کہا گیا ہے کہ مختلف انکوائریوں کے بعد رجسٹرار سوسائٹیز قانون کے مطابق دوبارہ کارروائی کر سکیں گے۔ رجسٹرار پہلے خود مطمئن کرے کیا سوسائٹیز نے رجسٹریشن کے ایک سال کے اندر ڈویلپمنٹ شیڈول دیا ۔ رجسٹرار تصدیق کرے گا کہ مقررہ وقت میں کیا سوسائٹیز نے متعلقہ صوبے میں ڈیٹا فراہم کیا ۔ اگر سوسائٹیز نے ہائوسنگ پراجیکٹ پر عمل درآمد کرنے کا ڈیٹا نہیں دیا تو رجسٹرار کارروائی کر سکتا ہے،عدالتی فیصلے میں کہا گیا ہے کہ رجسٹرار انکوائری کرے گا کہ کیا سوسائٹیز نے متعلقہ صوبوں میں پراجیکٹس بروقت مکمل کیے۔ رجسٹرار انکوائری کرے کہ کیا پراجیکٹ کے لیے جگہ ایکوائر کی گئی، اگر نہیں تو ان کے فنانشل افیئرز کی انکوائری کریں۔ رجسٹرار یہ بھی انکوائری کرے گا کہ ہائوسنگ سوسائٹیز کے پاس کیا ہائوسنگ اسکیم چلانے کی صلاحیت بھی ہے۔ رجسٹرار پنجاب کے متعلقہ ڈیپارٹمنٹ سے بھی اس حوالے سے معاونت لے سکے گا ،فیصلے میں عدالت نے کہا کہ 2 ماہ میں رجسٹرار کوآپریٹو ہائوسنگ سوسائٹیز ، رجسٹرار ہائیکورٹ کو عمل درآمد رپورٹ دیں ۔ عدالت کے سامنے آیا ہے کہ رجسٹرار کوآپریٹو سوسائٹیز نے کبھی بھی قانون پر عمل نہیں کرایا ۔ ہائوسنگ سوسائٹیز کی ورکنگ اور ان کے فنانشل افیئرز کو کبھی مانیٹر نہیں کیا گیا ۔ ریکارڈ پر ایسا کچھ نہیں کہ کبھی رجسٹرار نے پنجاب کے متعلقہ ڈیپارٹمنٹ سے معلومات حاصل کیں ہوں ۔

کریڈٹ: انڈیپنڈنٹ نیوز پاکستان-آئی این پی

بھارت کی جانب سے''نالہ ایک'' میں سیلابی ریلا چھوڑ دیا گیا جس سے فصلیں تباہ ہو گئی ہیں،تفصیلات کے مطابق بھارت کی جانب سے چھوڑے جانے والے ریلے کی وجہ سے سمبڑیال ندوکی چیمہ کے مقام پر نالہ ایک میں طغیانی ہے،طغیانی کے باعث متعدد مقامات پر شگاف پڑگیا جس کی وجہ سے سینکڑوں ایکڑ پر لگی دھان ،چارے، سبزی کی فصلیں تباہ ہوگئیں،اس کے علاوہ پانی کے تیز بہا ئوسے سڑکیں پانی میں بہہ گئیں جبکہ متعدد دیہاتوں کو جانے والے راستے منقطع ہوگئے،دوسری جانب انڈس ریور سسٹم اتھارٹی (ارسا)کے مطابق ملک کے 3بڑے آبی ذخائر مکمل طور پر پانی سے بھر گئے ہیں، تربیلا،منگلا اور چشمہ کے آبی ذخائر میں پانی کا مجموعی ذخیرہ 1کروڑ 34لاکھ ایکڑ فٹ ہو گیا ہے۔

کریڈٹ: انڈیپنڈنٹ نیوز پاکستان-آئی این پی

بلوچستان کے ضلع نصیر آباد کے شہر ڈیرہ مرادجمالی شرقی میں کرنٹ لگنے سے 5افراد جان کی بازی ہارگئے جس میں ایک ہی خاندان کے چار افراد بھی شامل ہیں ،بجلی کے ٹرانسفارمر میں مبینہ فنی خرابی کے باعث افسوس ناک واقعہ پیش آیا ، جاں بحق ہونے والوں میں ایک ہی خاندان کے افراد میں میاں بیوی ان کے دو حافظ قرآن بیٹے شامل ہیں ،پولیس کے مطابق کرنٹ لگنے سے ایک 60سالہ شہری محمد ایوب لہڑی بھی جاں بحق ہوگیا ،واقعے کی اطلاع ملتے ہی پولیس اور امدادی ٹیمیں موقع پر پہنچ گئیں ، پولیس نے لاشوں کو ضروری کارروائی کیلئے ہسپتال منتقل کردیا ۔

کریڈٹ: انڈیپنڈنٹ نیوز پاکستان-آئی این پی

پاناما جے آئی ٹی رپورٹ کا والیم 10جاری کرنے کے معاملے پر براڈ شیٹ کمپنی کی والیم 10جاری کرنے کی درخواست سپریم کورٹ میں سماعت کیلئے مقرر کر دی گئی،چیف جسٹس عمر عطا بندیال کی سربراہی میں دو رکنی بنچ 22اگست کو سماعت کرے گا، اس حوالے سے عدالت نے اٹارنی جنرل سمیت دیگر فریقین کو نوٹسز جاری کر دیئے ہیں،براڈ شیٹ نے درخواست میں موقف اپنایا کہ شریف خاندان کی غیر ملکی جائیدادوں کی تلاش میں نیب کی معاونت کی لیکن نیب نے جائیدادوں کی تلاش کا معاوضہ ادا نہیں کیا،واضح رہے کہ براڈ شیٹ نے برطانیہ کی عدالت میں نیب کے خلاف واجبات کے حصول کیلئے مقدمہ دائر کیا تھا،براڈ شیٹ نے پانامہ جے آئی ٹی کا والیم 10فراہم کرنے کا حکم جاری کرنے کی استدعا کی تھی، براڈشیٹ کمپنی والیم 10کو برطانوی عدالت میں بطور ثبوت پیش کرنا چاہتی تھی۔

کریڈٹ: انڈیپنڈنٹ نیوز پاکستان-آئی این پی

لاہور پولیس نے چیئرمین پاکستان تحریک انصاف کے بھانجے حسان نیازی سے متعلق درخواست پر جواب لاہور ہائیکورٹ میں جمع کروا دیا،لاہور ہائیکورٹ میں جمع کروائی گئی پولیس رپورٹ میں عدالت کو بتایا گیا کہ حسان خان نیازی جناح ہائوس حملہ کیس میں نامزد ہیں، اور مرکزی ملزمان میں شامل ہیں، حسان نیازی کو ٹرائل کے لیے ملٹری کے حوالے کردیا گیا ہے،ایڈیشنل ایڈووکیٹ جنرل غلام سرور نے رپورٹ عدالت عالیہ میں جمع کرائی،خیال رہے گزشتہ روز لاہور ہائیکورٹ نے حفیظ اللہ نیازی کی درخواست پر ان کے بیٹے حسان نیازی کو جمعہ کو عدالت پیش کرنے کا حکم دیا تھا۔

کریڈٹ: انڈیپنڈنٹ نیوز پاکستان-آئی این پی

رینجرزاورایس آئی یو کی گڈاپ ٹاون میں کارروائی، کالعدم تنظیم داعش کے 2 مطلوب دہشتگردوں کو گرفتار کرلیا گیا،ترجمان رینجرز کے مطابق گرفتارملزم فرمان اورداد سیدستی بم اوراسلحہ برآمد کیا گیا ہے۔ ملزم فرمان اللہ کالعدم تنظیم داعش کا انتہائی سرگرم رکن ہے،ملزم کے پی باجوڑ اورکراچی میں دہشتگرد کاروائیوں میں مطلوب تھا۔ ملزم کاسرغنہ سکندر2020میں کراچی سے گرفتارہواتھا۔ ملزم کے ساتھی باجوڑمیں سیکیورٹی فورسزکیخلاف مقابلوں میں ہلاک ہوچکے ہیں،ملزم کیخلاف تھانہ پی آئی بی کالونی میں سنگین نوعیت کے مقدمات درج ہیں۔

کریڈٹ: انڈیپنڈنٹ نیوز پاکستان-آئی این پی

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ پیپلزپارٹی نے الیکشن90دن کے اندر کرانے کا مطالبہ کر کے سیاست میں ہلچل پیدا کر دی ہے،ٹوئٹر پر اپنے بیان میں شیخ رشید احمد کا کہنا تھا کہ چیف جسٹس سپریم کورٹ سے چیف الیکشن کمیشن کی 2گھنٹے طویل ملاقات کا اعلامیہ جاری نہیں ہوا لیکن الیکشن کمیشن نے کہا کہ عام انتخابات 90دن میں نہیں ہو سکتے اگلے سال ہوں گے،انہوں نے کہا کہ پیپلزپارٹی نے الیکشن90دن کے اندر کرانے کا مطالبہ کر کے سیاست میں ہلچل پیدا کر دی ہے، ایسے لگتا ہے صرف ن لیگ ہی الیکشن میں تاخیر کی حامی رہ جائے گی باقی سب پارٹیاں 90دن الیکشن کرانے پر اکٹھی ہو جائیں گی اور سپریم کورٹ کا دروازہ بھی کھٹکھٹائیں گی،سابق وفاقی وزیر نے کہاکہ نگران کابینہ میں سے سوائے سرفراز بگٹی کے کسی کو نہیں جانتا اور نگران کابینہ صرف الیکشن کی نگران ہے، لمبا چوڑا پالیسی ساز فیصلہ نہیں کر سکتی لوگ بچوں کو زہر دے رہے ہیں پھندے پر لٹک رہے ہیں نہ بجلی کے بل کے پیسے ہیں نہ آٹا خرید سکتے ہیں،انہوں نے کہا کہ جڑانوالہ کے واقعہ نے دنیا میں پاکستان کو بہت رسوا اور بد نام کیا ہے اس کی جتنی مذمت کی جائے کم ہے، مجرموں کو سخت سزا دی جائے، 16گرجا گھر جلے اور پولیس تماشہ دیکھتی رہی، غریب سیاسی ورکر کے بیوی بچے ملازم کو اٹھانا ہو چادر چار دیواری کو نیست و نابود کرنا ہو اور گھروں میں تشدد کرنا ہو تو ان کے دائیں ہاتھ کا کام ہے،سربراہ عوامی مسلم لیگ کا کہنا تھا کہ گیند سپریم کورٹ کے کورٹ میں چلی گئی ہے، آئین و قانون اور ملک کو بچانا ہے یا خانہ جنگی کی بھینٹ چڑھانا ہے یہ فیصلہ سپریم کورٹ سے ہی ہو سکتا ہے، لوگ مایوس ہوگئے ہیں اور ہمت ہار گئے ہیں، اللہ تعالی پاکستان اور پاکستان کے لوگوں پر رحم فرمائے۔

کریڈٹ: انڈیپنڈنٹ نیوز پاکستان-آئی این پی

مریم نواز شریف کی ضمانت منسوخی کی درخواست سماعت کے لیے مقرر ہوگئی،چیف جسٹس عمر عطا بندیال کی سربراہی میں دو رکنی بینچ 22اگست کو سماعت کرے گا۔ بینچ میں جسٹس اطہر من اللہ بھی شامل ہیں،یاد رہے کہ نیب نے شوگر ملز کیس میں مریم نواز کی ضمانت منسوخی کی درخواست دائر کی تھی۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم کے مشیر احد چیمہ نے بیرون ملک جانے کیلئے عدالت سے رجوع کر لیا،احد چیمہ نے احتساب عدالت لاہور میں درخواست دائر کردی،درخواست میں موقف اختیار کیا گیا کہ 20سے 27اگست تک بیرون ملک کا سرکاری دورہ کرنا ہے، ملک سے باہرجانے کی اجازت دی جائے،احد چیمہ نے درخواست میں استدعا کی ہے کہ عدالت بیرون ملک جانے کی درخواست منظور کرے، عدالت نے نیب حکام سے رپورٹ طلب کر لی،خیال رہے نگران وزیراعظم کے مشیر احد چیمہ کیخلاف آشیانہ ہائوسنگ اور آمدن سے زائد اثاثہ جات کا ریفرنس زیر سماعت ہے۔

کریڈٹ: انڈیپنڈنٹ نیوز پاکستان-آئی این پی

رئيس_الشؤون_الدينية للمسجد الحرام والمسجد النبوي الشيخ الدكتور#عبدالرحمن_السديس يدشن حساب #رئاسة_الشؤون_الدينية_للمسجد_الحرام_والمسجد_النبوي الموحد على منصة التواصل الاجتماعي "تويتر".

کریڈٹ: انڈیپنڈنٹ نیوز پاکستان-آئی این پی

انڈونیشیا کےشہرجکارتہ میں78ویں یوم آزادی کی تقریب کے دوران قومی پرچم لٹکائے ہوئے انڈونیشیا کی فضائیہ کے طیارے قومی یادگار کےاوپرسے اڑ رہے ہیں۔(شِنہوا)

چین کےجنوب مغربی صوبہ یوننان کے شہرکُن مِنگ میں ساتویں چائنہ-جنوبی ایشیا ایکسپومیں پہلےجنوبی ایشیاءچائےمیلےکے دوران چائے بنانےکی ماہرچائے بنا رہی ہے۔(شِنہوا)

 مغربی کنارے کے شہر جنین میں اسرائیلی فوج کے چھاپے کے بعد لوگ نقصانات کا جائزہ لےرہے ہیں،چھاپےمیں ایک فلسطینی عسکریت پسند مارا گیا۔(شِنہوا)

لیبیا کے شہرطرابلس کےعلاقے عین زارا  میں جھڑپ کے بعد ایک جلی ہوئی گاڑی دیکھی جا سکتی ہے ، جھڑپوں میں 27 افراد ہلاک اور 100 سے زیادہ زخمی ہوئے۔(شِنہوا)

چین کے شمال مشرقی صوبہ جیلین کے شہر شولان کے موفان گاؤں میں عملے کےکارکن تباہ شدہ مکانات کی تعمیر نو کر رہے ہیں۔(شِنہوا)