شِنہوا پاکستان سروس سی پیک

نئی مردم شماری کے تحت حلقہ بندیوں سے متعلق د...

نئی مردم شماری کے تحت اسمبلیوں کی جنرل نشستوں کی تعداد بڑھانے اور حلقہ بندیوں سے متعلق درخواست پر اسلام آباد ہائیکورٹ نے فریقین سے جواب طلب کرلیا۔ نئی مردم شماری کی روشنی میں اسمبلیوں کی جنرل نشستوں کی تعداد بڑھانے اور حلقہ بندیوں سے متعلق درخواست پر سماعت چیف جسٹس اسلام آباد ہائیکورٹ جسٹس عامر فاروق نے کی۔ درخواست گزار کے مطابق 1997 کی مردم شماری کے بعد قومی و صوبائی اسمبلیوں کی تعداد میں اضافہ کیا گیا، نئی مردم شماری کے نتائج شائع کیے جا چکے ہیں، مردم شماری کے نتائج کو مد نظر رکھتے ہوئے اسمبلیوں کی نشستیں بڑھا کر حلقہ بندیاں کی جائیں۔ شہری کی درخواست پر چیف جسٹس اسلام آباد ہائیکورٹ نے فریقین سے جواب طلب کرلیا، عدالت نے فریقین کو نوٹسز جاری کر دیے۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

قومی اسمبلی سے 5 سالہ دور میں 281 بل پاس ہوئ...

قومی اسمبلی سے 5 سالہ دور میں ریکارڈ بل پاس ہوئے، پی ٹی آئی اور پی ڈی ایم حکومتیں دوتہائی اکثریت حاصل نہ ہونے کے باعث کوئی آئینی ترمیم نہ لا سکیں جبکہ اسمبلی نے کل 281 بل پاس کئے۔ پہلے پارلیمانی سال میں پی ٹی آئی حکومت نے اسمبلی سے کل 10 بل پاس کروائے جن میں اسلام آباد ہائی کورٹ کے ججوں کی تعداد 6 سے بڑھا کر 9 کرنے کا بل بھی شامل تھا، پی ٹی آئی حکومت نے دوسرے پارلیمانی سال میں کل 30 بل پاس کئے ان میں سب سے اہم سابق آرمی چیف جنرل(ر)قمر جاوید باجوہ کی مدت ملازمت میں توسیع کے لئے پاکستان آرمی ترمیمی ایکٹ 2020 کا ترمیمی بل تھا۔ زینب الرٹ بل 2020 بھی پاس کیا گیا، تیسرے پارلیمانی سال میں پی ٹی آئی حکومت نے کل 60 بل منظور کئے جن میں الیکشن ترمیمی ایکٹ 2020 شامل تھا، چوتھے پارلیمانی سال میں کل 56 بل پاس ہوئے، پی ٹی آئی حکومت نے سٹیٹ بینک ترمیمی بل 2022 پاس کروایا جس کے تحت آئی ایم ایف کی ایما پر سٹیٹ بینک کو خودمختاری دے دی گئی۔ پی ڈی ایم کی حکومت نے نیب ترمیمی بل 2022 پاس کر ایا، 5 ویں پارلیمانی سال میں ریکارڈ 125 بل پاس کئے گئے، صرف 20 جولائی سے شروع ہونے والے الوداعی سیشن میں 75 بل پاس کئے گئے، آرمی ایکٹ ترمیمی بل 2023، آفیشل سیکرٹ ایکٹ، توشہ خانہ ترمیمی بل 2023، پیمرا ترمیمی بل کے علاوہ توہین مجلس شوری ایکٹ 2023 ، انتخابات ترمیمی بل 2023 جس کے مطابق کسی بھی رکن قومی اسمبلی کی نا اہلی کی مدت تا حیات سے کم ہو کر 5 سال مقرر کر دی گئی ہے۔ اس کے علاوہ سپریم کورٹ پریکٹس اینڈ پروسیجر بل پاس کیا گیا جس کے مطابق ازخود نوٹس لینے کا اختیار چیف جسٹس آف پاکستان سے واپس لے کر سپریم کورٹ کے 3 سینئر جج صاحبان کے حوالے کر دیا گیا۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

گھریلو ملازمہ رضوانہ پر تشدد سے گہرے زخموں ک...

جنرل اسپتال لاہورمیں زیرعلاج کمسن گھریلوملازمہ رضوانہ پرتشدد سے گہرے زخموں کی سرجری جاری ہے۔ جنرل اسپتال کی پلاسٹک سرجن ڈاکٹررومانہ کی سربراہی میں رضوانہ کے چہرے اور کمر کی سرجری کی جا رہی ہے ۔ ذرائع میڈیکل بورڈ کا کہنا ہے کہ رضوانہ کی اہم سرجری میں زیادہ وقت لگ سکتاہے۔ میو، سروسز اور جناح اسپتال کے پلاسٹک سرجنز بھی بورڈ میں شامل ہیں۔ رضوانہ کی ایک ماہ تک متعددسرجریزکی جائیں گی۔ وزیرصحت پنجاب ڈاکٹرجاوید اکرم کو رضوانہ کی سرجری پر رپورٹ پیش کی جائے گی۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

ژوب میں سی ٹی ڈی کی کارروائی، تین دہشت گرد ہ...

بلوچستان کے ضلع ژوب میں کاونٹر ٹیررازم ڈیپارٹمنٹ نے کارروائی کرتے ہوئے 3 دہشت گردوں کو ہلاک کردیا، فائرنگ کے تبادلے میں دو اہلکار بھی زخمی ہوئے۔ ترجمان سی ٹی ڈی کے مطابق ضلع ژوب کے علاقے مرغہ کبزئی میں دہشت گردوں کی موجودگی کی اطلاع پر آپریشن کیا گیا، اس دوران سیکیورٹی فورسز اور حملہ آوروں کے درمیان فائرنگ کا تبادلہ ہوا، جوابی فائرنگ میں 3 دہشت گرد مارے گئے۔ ترجمان کا کہنا ہے کہ دہشت گردوں کی فائرنگ سے 2 سی ٹی ڈی اہلکار بھی زخمی ہوئے، جنہیں طبی امداد فراہم کرنے کیلئے قریبی اسپتال منتقل کردیا گیا ہے۔ ترجمان کے مطابق ہلاک دہشت گردوں کا تعلق کالعدم تنظیم سے ہے، جن سے اسلحہ اور دیگر سامان بھی برآمد ہوا ہے۔ پولیس نے علاقے میں مزید ملزمان کی تلاش کیلئے سرچ آپریشن شروع کردیا۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

پاکستان اور چین کے درمیان اعلیٰ تعلیمی شعبے...

یونیورسٹی آف ایگریکلچر فیصل آباد (یو اے ایف) کے وائس چانسلر پروفیسر ڈاکٹر اقرار احمد خان نے کہا ہے کہ چین کی اعلی تعلیم نے حالیہ برسوں میں بہت ترقی کی ہے اور مجموعی طور پر ترقی کی رفتار بہت مضبوط ہے، چین اور پاکستان کے درمیان اعلیٰ تعلیم کے شعبے میں تعاون گہرا ہو رہا ہے، ٹیکنالوجی کی منتقلی اور یونیورسٹیوں میں تکنیکی کامیابیوں کی تبدیلی میں تعاون کو مضبوط بنانے کی ضرورت ہے، یو اے ایف نے چین کے ساتھ 50 سے زائد مشترکہ منصوبے مکمل کیے ہیں اور اس کے 20 سے زائد منصوبے پائپ لائن میں ہیں۔گوادر پرو کے مطابق چین کے اعلیٰ تعلیمی نظام کو سراہتے ہوئے ڈاکٹر اقرار نے کہا کہ چین کی تعلیم سے وابستگی آر اینڈ ڈی، انفراسٹرکچر اور فیکلٹی ڈیولپمنٹ میں مسلسل سرمایہ کاری کے ذریعے ظاہر ہوئی ہے۔ ''چین کا ایچ آر اور انفراسٹرکچر عالمی سطح پر سب سے زیادہ زمرے میں آتا ہے. اب سب سے اچھی بات یہ ہے کہ اس کی عالمی رسائی اور تنوع اور مسائل کو حل کرنے اور علم کی کمرشلائزیشن کے لئے صنعت کے ساتھ اس کے روابط ہیں جو سیکھنے کے قابل ہے۔ گوادر پرو کے مطابق گزشتہ ہفتے بیجنگ میں چائنیز ایسوسی ایشن آف ہائر ایجوکیشن، پیکنگ یونیورسٹی اور سنگھوا یونیورسٹی کے زیر اہتمام ''تبدیلی کا دور اور یونیورسٹیوں کے مشن'' کے موضوع پر منعقدہ ورلڈ یونیورسٹی پریزیڈنٹس فورم میں پروفیسر ڈاکٹر اقرار احمد خان نے کہا کہ 65 منتخب یونیورسٹیوں کے سربراہان نے اپنے خیالات کا اظہار کیا اور 36 ممالک اور خطوں سے تعلق رکھنے والے 500 شرکاء نے اپنے خیالات کا اظہار کیا۔ یہ دنیا بھر میں موجودہ اعلی تعلیم کے منظر نامے اور ابھرتے ہوئے مستقبل کو سمجھنے کا ایک انوکھا موقع تھا۔

گوادر پرو کے مطابق اس موقع پر نیشنل پیپلز کانگریس کی قائمہ کمیٹی کے وائس چیئرمین ڈنگ ژونگلی نے دنیا بھر کی یونیورسٹیوں کے ساتھ ترقیاتی تجربات کے تبادلے اور اشتراک کے لئے چین کی آمادگی پر زور دیا اور انسانیت کے مشترکہ مستقبل کے ساتھ ایک کمیونٹی کی تعمیر میں کردار ادا کرنے پر زور دیا۔جدت طرازی، معیار اور بین الاقوامیت پر توجہ کے ساتھ، چین اعلی تعلیم کی ترقی میں اہم پیش رفت کر رہا ہے، جو دنیا بھر سے طلباء اور اسکالرز کو راغب کر رہا ہے. پروفیسر ڈاکٹر اقرار نے کہا کہ چین میں تعلیم حاصل کرنے والے پاکستانی طالب علموں کی تعداد 26 ہزار ہے جن میں سے ایک ہزار سے زائد پوسٹ ڈاکس اور وزٹنگ سائنسدان ہیں۔ گوادر پرو کے مطابق پاک چین اعلیٰ تعلیمی تعاون سے دوطرفہ تعلقات، معاشی مواقع، علم کے تبادلے، انسانی ترقی اور تعلیمی نظام میں بہتری کے حوالے سے باہمی فائدے حاصل ہوئے ہیں۔ چین میں پاکستانی طالب علموں کو راغب کرکے چین پاکستان میں اپنی سافٹ پاور اور اثر و رسوخ کو بڑھا سکتا ہے۔ پروفیسر اقرار نے کہا کہ یہ طلباء دونوں ممالک کی زبان، ثقافت اور اقدار کو فروغ دیتے ہوئے ثقافتی سفیر کے طور پر کام کرسکتے ہیں۔ ان کا مزید کہنا تھا کہ 'اگرچہ سینئر سطح کے چینی ماہرین اور زبان کے اساتذہ پاکستان کا دورہ کر رہے ہیں لیکن پاکستان میں تعلیم حاصل کرنے والے چینی طالب علموں کی تعداد نسبتا کم ہے۔ پاکستانی یونیورسٹیوں میں چینی طالب علموں کی موجودگی بڑھانے کی کوششیں کی جا رہی ہیں۔

گوادر پرو کے مطابق چین کے بیلٹ اینڈ روڈ انیشی ایٹو (بی آر آئی) کے فلیگ شپ منصوبے چین پاکستان اقتصادی راہداری (سی پیک) کے تحت تعلیمی تعاون ایک اہم شعبے کے طور پر ابھرا ہے۔ اس تعاون میں طلباء کے تبادلے کے پروگراموں، مشترکہ تحقیقی منصوبوں اور تعلیمی اداروں کے قیام سمیت متعدد اقدامات شامل ہیں۔ گوادر پرو کے مطابق یو اے ایف نے چین کے ساتھ 50 سے زائد مشترکہ منصوبے مکمل کیے ہیں اور اس کے 20 سے زائد منصوبے پائپ لائن میں ہیں۔ گزشتہ دو ماہ کے دوران یو اے ایف نے چینی اعلیٰ اداروں کے ساتھ باغبانی، کیڑوں کے انتظام اور ماحولیات کے لیے تین نئی مشترکہ لیبارٹریوں پر دستخط کیے ہیں۔ کنفیوشس انسٹی ٹیوٹ ثقافتی تبادلے کی سرگرمیوں اور بین الاقوامی چینی اساتذہ کے اسکالرشپ سیمیناروں کا ایک امیر اور رنگا رنگ سلسلہ جاری رکھے ہوئے ہے۔ وفاقی حکومت نے یو اے ایف کو اسپیشل ٹیکنالوجی زون (ایس ٹی زیڈ) قرار دے دیا ہے اور پنجاب حکومت ٹیکنالوجی میں سرمایہ کاری کر رہی ہے۔ پروفیسر ڈاکٹر اقرار نے کہا کہ ہم توقع کرتے ہیں کہ چینی اعلیٰ تعلیمی ادارے پاکستان میں کیمپس یا ریسرچ سینٹر کھولیں گے اور جدت طرازی اور انٹرپرینیورشپ کو فروغ دینے کے لیے چینی یونیورسٹیوں میں تکنیکی کامیابیوں کو پاکستان میں تبدیل کرنے کے تجربے کو دہرائیں گے۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

بلوچستان اسمبلی،صوبے کی آبادی کم کرنے کے خلا...

بلوچستان اسمبلی نے صوبے کی آبادی کم کرنے کے خلاف مذمتی قرارداد منظور کرلی۔ بلوچستان اسمبلی نے مشترکہ مفادات کونسل کے اجلاس میں صوبے کی آبادی کم کرنے کے خلاف مذمتی قرارداد منظور کرلی ہے۔ اراکین اسمبلی کا کہنا تھا کہ 70 لاکھ آبادی کم کرنا صوبے کے خلاف سازش ہے، اس سے نہ صوبے کی نشستوں میں اضافہ ہوسکے گا اور نہ وسائل کی تقسیم میں صوبے کے حصے میں بہتری آئے گی۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

توشہ خانہ تحائف، زرداری، نواز شریف کیخلاف در...

لاہور ہائی کورٹ نے زرداری، نواز شریف کیخلاف درخواست پر الیکشن کمیشن سے جواب طلب کر لیا ،عدالت نے الیکشن کمیشن سمیت دیگر کو نوٹس جاری کر دیئے ۔ تفصیلات کے مطابق توشہ خانہ تحائف اثاثوں میں ظاہر نہ کرانے والے تمام اراکین اسمبلی کے خلاف کاروائی کے لیے دائر درخواست پر سماعت ہوئی، جس میں عدالت نے الیکشن کمیشن سمیت دیگر کو نوٹس جاری کرتے ہوئے جواب طلب کرلیا ۔ لاہور ہائی کورٹ نے اٹارنی جنرل پاکستان سمیت دیگر کو معاونت کے لیے نوٹس جاری کرتے ہوئے صدر سپریم کورٹ بار اور وائس چیئرمین پنجاب بار کو عدالتی معاون مقرر کردیا۔ جسٹس راحیل کامران کے زیرسماعت ندیم سرور کی جانب سے دائر درخواست میں موقف اختیار کیا گیا تھا کہ الیکشن کمیشن کی درخواست پر چیئرمین تحریک انصاف کو 3 سال قید کی سزا ہوئی ۔ الیکشن کمیشن انصاف کے تقاضے پورے نہیں کر رہا ۔ درخواست میں کہا گیا ہے کہ الیکشن کمیشن نے توشہ خانہ تحائف ظاہر نہ کرنے والے اراکین اسمبلی کے خلاف کوئی کارروائی نہیں کی۔ آصف زرداری ، نواز شریف ، شاہد خاقان عباسی ، یوسف رضا گیلانی نے توشہ خانہ تحائف ظاہر نہیں کیے ۔ الیکشن کمیشن ان اراکین اسمبلی کے خلاف جان بوجھ کر کارروائی نہیں کر رہا۔ عدالت توشہ خانہ تحائف ظاہر نہ کرنے والے اراکین اسمبلی کے خلاف الیکشن کمیشن کو کارروائی کا حکم دے ۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

لورالائی،ٹریفک حادثے میں 4 افراد جاں بحق

بلوچستان کے ضلع لورالائی میں ڈیرہ روڈ مرتت کے مقام پرافسوس ناک حادثہ پیش آیا ہے ۔ پولیس کے مطابق وین اور مزدہ میں تصادم کے نتیجے میں چار افراد موقع پر جاں بحق ہوگئے ۔ حادثے کی اطلاع ملتے ہی پولیس وامدادی ٹیمیں موقع پر پہنچ گئیں، پولیس نے لاشیں ہسپتال منتقل کردیں ۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

بہاولنگر، 12 سالہ بچی، 22 سالہ لڑکا ٹیوب ویل...

12 سالہ بچی ٹیوب ویل کے گہرے ہول میں گر کر جان کی بازی ہار گئی جبکہ 22 سالہ کزن اسے بچانے کی کوشش میں اپنی جان بھی گنوا بیٹھا۔ یہ افسوسناک واقعہ نواحی علاقہ موضع عاکوکا ہٹھاڑ میں پیش آیا، سائرہ گہرے ہول میں گری تو اس کا کزن محمد اظہر بھی اس کو بچانے کیلئے ہول میں کود گیا۔ ہول میں پانی کی گہرائی زیادہ ہونے اور دم گھٹنے کے باعث دونوں جان سے ہاتھ دھو بیٹھے، اہل علاقہ اور ریسکیو ٹیموں نے لاشوں کو نکال کر ورثا کے حوالے کر دیا۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

وفاقی حکومت نے چیئرمین نیپرا کے لیے وسیم مخت...

وفاقی حکومت نے چیئرمین نیپرا کے لیے وسیم مختار کے نام کوحتمی شکل دے دی ہے،پاکستان ایڈمنسٹریٹو سروس کے وسیم مختار اسٹیبلیشمنٹ ڈویژن میں سپیشل سیکرٹری ہیں۔ نجی ٹی وی کے مطابق کابینہ سے آج سرکولیشن کے ذریعے وسیم مختار کی بطور چیئرمین نیپرا منظوری دیے جانے کا امکان ہے، وسیم مختار پیپکو اور سینٹرل پاور پرچیزنگ ایجنسی کے ایم ڈی بھی رہ چکے ہیں۔ چیئرمین نیپرا کی تعیناتی کے لیے سلیکشن کمیٹی نے تین ناموں میں وسیم مختار کو سر فہرست رکھا ہے، باقی دو ناموں میں سابق ایم ڈی سی پی پی اے عابد لودھی اور ممبر نیپرا سندھ رفیق شیخ شامل تھے۔ خیال رہے کہ اس وقت چیئرمین نیپرا محمد توصیف فاروقی ہیں جو ٹیلی کمیونیکیشن سیکٹر میں وسیع تجربہ رکھتے ہیں، انہوں نے 5 اگست 2019 کو بطور چیئرمین نیپرا عہدے کا چارج سنبھالا تھا۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

عدلیہ کو ستمبر میں جانے سے پہلے اہم فیصلے سن...

سربراہ عوامی مسلم لیگ اور سابق وفاقی وزیر داخلہ شیخ رشید نے کہا ہے کہ عدلیہ کو ستمبر میں جانے سے پہلے آئین اور قانون کے مطابق اہم فیصلے سنا دینے چاہئیں۔ بدھ کو سماجی رابطے کی ویب سائٹ ٹوئٹر پر اپنے پیغام میں سابق وزیر داخلہ شیخ رشید نے کہا کہ آج اسمبلیوں کی تحلیل ہونے کا آخری دن ہے اور حکومت جاتے جاتے بجلی صارفین پر 6 روپے مزید بنیادی یونٹ کے اضافے کی صورت 721 ارب روپے کا بوجھ ڈال کے جا رہی ہے۔ انہوں نے کہا کہ نگران وزیراعظم کا نام ابھی فضا میں لٹک رہا ہے، ایک دو روز میں زمین پر اتر آئے گا، یہ عوام میں جانے کے قابل نہیں اس لیے مردم شماری کے نام پر تاخیری حربے استعمال کر رہے ہیں، آئین میں 90 دن کے اندر کی گنجائش ہے، نئی مردم شماری کے بعد الیکشن کمیشن کے فیصلے کا انتظار ہے۔ شیخ رشید نے کہا کہ آئینی معاملات کا فائدہ ان کو ہوگا جو الیکشن میں تاخیر چاہتے ہیں، یاد رہے کہ مارچ میں سینیٹ کے الیکشن بھی ہونے ہیں، پہلے ہی آئین کھائی میں گرا ہوا ہے، شاید مزید گہری کھائی میں گر جائے، پاکستان کے سارے سیاسی فیصلے عدالتوں میں ہیں اور عدالتوں کے گرد گھوم رہے ہیں۔ ان کا کہنا تھا کہ لوگوں کے اپنے چولہے نہیں جل رہے، انہیں سیاست کے چولہے جلنے اور بجھنے میں کوئی دلچسپی نہیں، معاشی تباہی، سیاسی انتشار، آئینی بربادی اور قانون کا مذاق پاکستان کی سیاست کا مقدر بن گیا ہے، بلاول کہتا ہے کہ ایسا میثاق جمہوریت چاہیے کہ مجھے اور مریم کو 30 سال کیلئے آسان راستہ مہیا کر دیا جائے۔ سابق وزیر داخلہ نے کہا کہ اگر انہوں نے 15 مہینے میں اتنی ترقی کر لی ہے تو الیکشن سے کیوں بھاگ رہے ہیں؟، عوام میں کیوں نہیں جا رہے؟، کل جو آئین کے تحفظ کا بھاشن دیتے تھے اج وہ 90 دن کی آئینی مدت کو بڑھانا چاہتے ہیں، 24، 25 دفعہ ہم آئی ایم ایف کے پاس گئے ہیں کیونکہ ہماری کوئی چیز ٹھیک نہیں ہے۔ انہوں نے مزید کہا کہ اسٹاک ایکسچینج ایک دن میں ایک ہزار پوائنٹ گری ہے اور ڈالر 302 کا ہوگیا ہے، 10 لاکھ نوجوان ملک چھوڑ کر جا رہے ہیں اور پاکستان کے حالات اور سیاسی معاملات سنگین سے سنگین تر ہوتے جا رہے ہیں۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

چیئرمین پی ٹی آئی کی اڈیالہ جیل منتقلی کی در...

اسلام آباد ہائیکورٹ نے پاکستان تحریک انصاف(پی ٹی آئی)کے چیئرمین کی اٹک سے اڈیالہ جیل منتقلی کی درخواست جمعہ کے روز تک ملتوی کر دی۔ اسلام آباد ہائیکورٹ میں چیئرمین پی ٹی آئی کی اڈیالہ جیل منتقلی کی درخواست پر سماعت چیف جسٹس اسلام آباد ہائیکورٹ جسٹس عامر فاروق نے کی، چیئرمین پی ٹی آئی کے وکیل شیر افضل مروت عدالت میں پیش ہوئے۔ دوران سماعت وکیل چیئرمین پی ٹی آئی نے خواجہ حارث کی ایف آئی اے میں طلبی کا معاملہ اٹھا دیا، اس پر چیف جسٹس اسلام آباد ہائیکورٹ نے کہا کہ میرے علم میں بات آئی ہے، مجھے انتظامی سائیڈ پر اسے دیکھنے دیں، اگر کچھ ہوا تو میں آپ کو درخواست دائر کرنے کا کہوں گا۔ ایڈووکیٹ شیر افضل مروت نے عدالت کو بتایا کہ گزشتہ روز ایف آئی اے ہمارے کولیگ کو 9 گھنٹے تک انکوائری کے نام پر بٹھائے رکھا گیا، چیئرمین پی ٹی آئی سے ملاقات کیلئے گئے لیکن ملنے نہیں دیا گیا۔

شیر افضل مروت کا کہنا تھا کہ ہمیں اس عدالت کا گزشتہ روز کا حکمنامہ تاخیر سے ملا، جیل حکام کے مطابق ملاقات کا ٹائم 6 بجے تک ہے، ملاقات کیلئے ہم نے ایک فہرست دی ہے اس کے مطابق حکم ہو جائے تو شکر گزار ہوں گے۔ اس پر جسٹس عامر فاروق نے کہا کہ ایسا نہ ہو زیادہ لوگ پہنچ جائیں اور سیاسی کلاوڈ بن جائے، شیر افضل مروت نے کہا کہ ہم سارے ایک ساتھ تو نہیں جائیں گے، الگ الگ ہی جانا ہے۔ وکیل چیئرمین پی ٹی آئی نے کہا کہ ہماری ایک درخواست چیئرمین پی ٹی آئی کو اڈیالہ جیل منتقلی سے متعلق ہے، جس پر چیف جسٹس کا کہنا تھا کہ نواز شریف کے کیس میں شاید ان کی درخواست پر انہیں کوٹ لکھپت جیل منتقل کیا گیا۔ وکیل شیر افضل مروت نے کہا کہ اٹک جیل میں چیئرمین پی ٹی آئی کو 9/11 کے سیل میں رکھا گیا ہے، ٹرائل کورٹ کے فیصلے میں اڈیالہ جیل منتقل کرنے کا کہا گیا، اجازت دی جائے کہ چیئرمین پی ٹی آئی کو گھر کا کھانا پہنچانے کی اجازت دی جائے۔ بعد ازاں عدالت نے کیس کی سماعت جمعہ تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

سینیٹ کی قائمہ کمیٹیوں نے 22تعلیمی اداروں کے...

سینیٹ کی قائمہ کمیٹیوں نے 22تعلیمی اداروں کے قیام کے بل منظور کرلیئے ،22بلوں میں صرف 6تعلیمی ادارے ہی ایچ ای سی و دیگرقواعدوضوابط پرپورے کرتے تھے ،کمیٹی نیادارے بنانے والوں کے فیس(چہرے) دیکھ کر بل منظورکرلیے،پہلے سے کراچی میں دو یونیورسٹیوں کے چاٹر لینے والے جس میں سے ایک یونیورسٹی بندہوگئی ہے وہ بھی مزید دویونیورسٹیاں لینے کے لیے آئے جن میں سے ایک مزید یونیورسٹی بنانے کی اجازت دے دی گئی جبکہ ایک یونیورسٹی کا چارٹر منظور نہیں کیا،ایچ ای سی حکام نے بتایا ان کے پاس پہلے ہی دو یونیورسٹیاں ہیں ایک بندہوگئی ہے جس یونیورسٹی کاچارٹر لے رہے ہیں اس کی عمارت دور کی بات اسلام آباد میں زمین تک نہیں ہے ۔قائمہ کمیٹی تعلیم نے 11یونیورسٹیوں کے قیام کے بل ایجنڈے کے محرک و بلکل ہی ریکورائرمنٹ پوری نہ کرنے پر منظور نہیں کئے ۔ قائمہ کمیٹی تعلیم کی طرف سے پاس کئے گئے 19اعلی تعلیمی اداروں کے بلوں میں سے 5ہی ایچ ای سی کی کے معیار پر پورا اترتی ہیں جن میں عسکری انسٹیٹیوٹ آف ہائیر ایجوکیشن بل، میٹروپولیٹن انٹرنیشنل انسٹیٹیوٹ آف سائنس اینڈ ٹیکنالوجی بل،رحیم جان یونیورسٹی بل، اسلام آباد یونیورسٹی آف کمیونیکشن اینڈ امرجنگ سائنسز بل اور کالام بی بی انٹرنیشنل ویمن انسٹیٹیوٹ بنوں ترمیمی بل شامل ہیں جبکہ قائمہ کمیٹی برائے کابینہ سیکرٹریٹ کی طرف سے پاس کئے گئے 3اعلی تعلیمی اداروں کے بلوں میں سے 1ہی ایچ ای سی کی کے معیار پر پورا اترتی ہیں جواخوت انسٹیٹیوٹ قصور بل 2023 ہے ۔منگل کو سینیٹ کی قائمہ کمیٹی برائے تعلیم کااجلاس چیئرمین سینیٹر عرفان صدیقی کی زیرصدارت پارلیمنٹ ہاوس میں ہوا۔اجلاس میں یونیورسٹیوں و انسٹیٹیوٹ کے قیام کے حوالے سے 30ایجنڈے تھے ۔

قائمہ کمیٹی تعلیم کے ایجنڈے نمبر ایک پر حاجی ہدایت اللہ کی طر ف سے ایوان میں پیش کیاجانے والا عسکری انسٹیٹیوٹ آف ہائیر ایجوکیشن بل 2023 جس کو کمیٹی نے منظور کرلیا۔ ایجنڈے نمبر2پر سینیٹر کامران مائیکل کی طر ف سے ایوان میں پیش کیاجانے والافالکن یونیورسٹی آف سائنسز اینڈ ٹیکنالوجی بل 2023 جس کو کمیٹی نے پاس کرلیا،ایجنڈے نمبر3پرسینیٹر کہدہ بابر نے کی طر ف سے ایوان میں پیش کیاجانے والا میٹروپولیٹن انٹرنیشنل انسٹیٹیوٹ آف سائنس اینڈ ٹیکنالوجی بل 2023 جس کو کمیٹی نے منظور کرلیا۔ایجنڈے نمبر4پررخسانہ زبیری کی طر ف سے ایوان میں پیش کیاجانے والا بلھے شاہ انٹرنیشنل یونیورسٹی قصور بل 2023 جس کو کمیٹی نے مسترد کردیا۔ایجنڈے نمبر 5پر پیر صابرشاہ کی طر ف سے ایوان میں پیش کئے گئے رحیم جان یونیورسٹی بل 2023تھا جس کو کمیٹی نے پاس کردیا۔ایجنڈے نمبر 6پر سینیٹر عمر فاروق کا یونیورسٹی آف اینویشن ایند ٹیکنالوجی بل 2023 جو کمیٹی نے پاس کردیا۔ایجنڈے نمبر 7پر سینیٹر فدا محمد کا پاکستان انسٹیٹیوٹ آف انجینئرنگ اینڈ ٹیکنالوجی بل 2023 جس کو کمیٹی نے پاس کردیا۔ایجنڈے نمبر 8 پرسینیٹر عبدالقادر کا اسلام آباد یونیورسٹی آف کمیونیکشن اینڈ امرجنگ سائنسز بل 2023 کمیٹی نے پاس کردیا۔ایجنڈے نمبر9پرسینیٹررانا محمود الحسن کی طرف سے ایوان میں پیش کیاگیابل تھر انٹرنیشنل انسٹیٹیوٹ بل 2023 تھا جس کو کمیٹی نے پاس کرلیا۔ایجنڈے نمبر10پرسینیٹر رانا محمود الحسن کی طرف سے ایوان میں پیش کیاگیابل انڈس یونیورسٹی آف سائنس اینڈ ٹیکنالوجی بل 2023تھا جس کو کمیٹی نے مسترد کردیا۔ایجنڈے نمبر11پرسینیٹر رانا محمود الحسن کی طرف سے ایوان میں پیش کیاگیابل مارگلہ انٹرنیشنل یونیورسٹی بل 2023ایوان تھا جس کو کمیٹی نے مسترد کردیا۔ایجنڈے نمبر12پرسینیٹر رانا محمود الحسن کی طرف سے ایوان میں پیش کیاگیابل شاہ بانو انسٹیٹیوٹ جڑانوالہ بل 2023 کو کمیٹی نے منظور کرلیا۔

ایجنڈے نمبر13پرسینیٹر رانا محمود الحسن کی طرف سے ایوان میں پیش کیاگیابل کاسمک انسٹیٹیوٹ آف سائنس اینڈ ٹیکنالوجی اسلام آباد بل 2023 تھا جس کوکمیٹی نے پاس کردیا۔ایجنڈے نمبر14پرسینیٹر رانا محمود الحسن کی طرف سے ایوان میں پیش کیاگیابل اسلام آباد انٹرنیشنل یونیورسٹی بل 2023 تھا جس کو پاس کرلیاگیا۔ایجنڈے نمبر15پرسینیٹر رانا محمود الحسن کی طرف سے ایوان میں پیش کیاگیابل راوی انسٹیٹیوٹ بل 2023 تھاجس کو کمیٹی نے پاس کرلیا۔ایجنڈے نمبر16پر سینیٹر رانا محمود الحسن کی طرف سے ایوان میں پیش کیاگیابل شیخوپورہ انسٹیٹیوٹ آف ایڈوانس سائنسز بل 2023 تھا جس کو کمیٹی نے پاس کرلیا۔ایجنڈے نمبر17 پر سینیٹر کامران مرتضی کی طرف سے ایوان میں پیش کیاگیاترمیمی بل کالام بی بی انٹرنیشنل ویمن انسٹیٹیوٹ بنوں ترمیمی بل 2023 تھاجس کو پاس کرلیاگیا۔ایجنڈے نمبر18پرسینیٹر کامران مرتضی کی طرف سے ایوان میں پیش کیاگیابل مفتی اعظم اسلامک یونیورسٹی اسلام آباد بل 2023 تھا جس کو کمیٹی نے مسترد کردیا۔ایجنڈے نمبر19پرسینیٹر خالدہ اطیب کی طرف سے ایوان میں پیش کیاگیابل انٹرنیشنل میمن یونیورسٹی بل 2023 تھاجس کو مسترد کردیاگیا۔ایجنڈے نمبر20پرسینیٹر حاجی ہدایت اللہ کی طرف سے ایوان میں پیش کیاگیابل بابرک انسٹیٹیوٹ آف سائنس آرٹس اینڈ ٹیکنالوجی بل 2023 تھاجس کو مسترد کردیا گیا۔ایجنڈے نمبر21پرنسیمہ احسان کی طر ف سے سینیٹر محمد اکرم نے جو بل ایوان میں پیش کیا تھا انسٹیٹیوٹ آف گجرات بل 2023 تھاجس کو مسترد کردیاگیا۔ایجنڈے نمبر22پرسینیٹر دنیش کمار کی طرف سے ایوان میں پیش کیاگیابل انسٹیٹیوٹ آف ہیلتھ اینڈ پروفیشنل سٹیٹدیز بل 2023 تھاجس کو مسترد کردیاگیا ۔ایجنڈے نمبر23پرسینیٹر دنیش کمار کی طرف سے ایوان میں پیش کیاگیابل ام ابیہہ انسٹیٹیوٹ آف ہیلتھ سائنسز بل 2023 تھاجس کو مسترد کردیاگیا۔ایجنڈے نمبر24پرسینیٹر رخسانہ زبیری کی طرف سے ایوان میں پیش کیاگیابل یونیورسٹی آف شہید بے نظیر بھٹو بل 2023تھا جس کمیٹی نے مسترد کردیا۔ایجنڈے نمبر25پرسینیٹر رخسانہ زبیری کی طرف سے ایوان میں پیش کیاگیا

بل مونارک انسٹیٹیوٹ بل 2023 تھاجس کو پاس کرلیاگیا۔ایجنڈے نمبر26پررخسانہ زبیری کی طرف سے ایوان میں پیش کیاگیابل کنکز انسٹیٹیوٹ آف ہائیر ایجوکیشن بل 2023 تھاجس کوپاس کرلیاگیا۔ایجنڈے نمبر27پررخسانہ زبیری کی طرف سے ایوان میں پیش کیاگیابل اسلام آباد انسٹیٹیوٹ آف ماڈرن سائنسز بل 2023 تھا جس کو کمیٹی نے پاس کرلیا۔ایجنڈے نمبر28پرسینیٹرافنان اللہ کی طرف سے ایوان میں پیش کیاگیابل قائداعظم انسٹیٹیوٹ آف منیجمنٹ سائنسز سرگودھا بل 2023 تھا جس کو کمیٹی نے مسترد کردیا۔ایجنڈے نمبر29پرسینیٹرعبدالقادر کا بل البرونی انٹرنیشنل یونیورسٹی بل 2023 تھا جس کو کمیٹی نے پاس کرلیا۔ایجنڈے نمبر30پرسینیٹررانا مقبول احمد کی طرف سے ایوان میں پیش کیاگیابل اسلام آباد یونیورسٹی آف ہیلتھ سائنسز اینڈ ایمرجنگ ٹیکنالوجیز بل 2023 تھاجس کو پاس کرلیاگیا۔اس طرح قائمہ کمیٹی تعلیم نے 30میں سے 19بل پاس کئے جبکہ 11بل محرک اورزمین ودیگر وجوہات کی وجہ سے مسترد کردیئے اس بلوں میں سے ایک بل پہلے سے قائم ہونے والے انسٹیٹیوٹ میںترمیم کابل تھا۔ ایچ ای سی کی طرف سے قواعدوضوابط پور ے نہ ہونے ولاے اداروں کے بلوں پر کمیٹی ارکان بلوں کے محرک سے پوچھتے تھے اگر آپ کو یقین ہے کہ یہ ادارہ ٹھیک ہے توہم ووٹ دے دیتے ہیں ۔جس کے بعد بل پاس ہوجاتے تھے ۔جو بل مسترد ہوئے ان میں ایسے بل تھے جو یونیورسٹیاں اسلام آباد سے باہر بن رہی تھیں یا ان کے پاس اسلام آباد میں زمین بھی نہیں تھی۔

اس کے ساتھ سینیٹ کی قائمہ کمیٹی برائے کابینہ سیکرٹریٹ کااجلاس چیئرمین رانامقبول احمد کی زیر صدارت ہواجس میںبھی تین یونیورسٹیوں کے بل پاس کئے ۔ایجنڈے نمبر 1پر سینٹر عرفان صدیقی کی طرف سے ایوان میں سینیٹر رانا مقبول کی جانب سے پیش کئے گئے انٹرنیشنل اسلامک یونیورسٹی فار پیس بل 2023 تھا جس کو کمیٹی نے منطور کرلیا باوجود کے یونیورسٹی ایچ ای سی کے مکمل معیارپر پوری نہیں اتر رہی تھی اس کے بعد ایجنڈے نمبر 2پر سینیٹر عرفان الحق صدیقی کی طرف سے ایوا ن میںپیش کئے گئے بل نیشنل یونیورسٹی آف ہیلتھ امرجنگ سائنس اینڈ ٹیکنالوجیز بل 2023 تھا یہ بل بھی ایج ای سی کے معیارپر پورا نہیں اتر رہاتھا مگر کمیٹی نے اس کو بھی پاس کردیا اس کے بعد ایجنڈے نمبر 3پر سینیٹر عرفان صدیقی کی طرف سے ایوا ن میںپیش کئے گئے بل اخوت انسٹیٹیوٹ قصور بل 2023 تھا جو ایچ ای سی کے مکمل معیار پر پورا اتر تا تھا جس کو کمیٹی نے پاس کردیا۔(محمداویس )

کریڈٹ: انڈیپنڈنٹ نیوز پاکستان-آئی این پی

۹ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران ایف آئی ایس یوکے قائم مقام صدر لیونزایڈر تقریر کر رہے ہیں۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران ایف آئی ایس یوکے قائم مقام صدر لیونزایڈر تقریر کر رہے ہیں۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کے جنوب مغربی صوبہ سیچھوان کے شہر چھنگ دومیں31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران ایک پرفارمنس کے انعقادکا منظر۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کے جنوب مغربی صوبہ سیچھوان کے شہر چھنگ دومیں31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران ایک پرفارمنس کے انعقادکا منظر۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران فنکارایک پرفارمنس میں رقص کررہے ہیں۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران فنکارایک پرفارمنس میں رقص کررہے ہیں۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران آتشبازی کا منظر۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران آتشبازی کا منظر۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران فنکارایک پرفارمنس میں رقص کررہے ہیں۔(شِنہوا)

۸ اگست، ۲۰۲۳ مزید دیکھیں

چین-چھنگ دو-ورلڈیونیورسٹی گیمز-اختتامی تقریب

چین کےجنوب مغربی صوبہ سیچھوان کے شہر چھنگ دو میں 31ویں ایف آئی ایس یوسمرورلڈ یونیورسٹی گیمز کی اختتامی تقریب کے دوران فنکارایک پرفارمنس میں رقص کررہے ہیں۔(شِنہوا)

۸ اگست، ۲۰۲۳ مزید دیکھیں

چھنگ دو ورلڈ یونیورسٹی گیمز: چین سونے کے 10...

چھنگ دو(شِنہوا)چین کےصوبہ سیچھوان کے شہرچھنگ دومیں 31 ویں ایف آئی ایس یو سمرورلڈ یونیورسٹی گیمزکے اختتام پرچین سونے کے 103 تمغوں سمیت مجموعی طور پر 178 تمغوں کے ساتھ فاتح قرار پایا جبکہ جاپان سونے کے 93 تمغوں سمیت مجموعی93 تمغوں کے ساتھ دوسرے نمبراور جنوبی کوریا سونے کے 17 تمغوں سمیت مجموعی 58 تمغوں کے ساتھ تیسرے نمبر پر رہا۔

چھنگ دو31 ویں ایف آئی ایس یو سمرورلڈ یونیورسٹی گیمزمنگل کوختم ہوئیں جس کے حتمی میڈل ٹیبل پرچین نے سونے کے 103 ،چاندی کے40 اور کانسی کے35 تمغوں کے ساتھ مجموعی طور پر178 تمغوں کے ساتھ میدان مار لیا۔

جاپان سونے کے21 ،چاندی کے29 اور کانسی کے 43تمغوں کے ساتھ مجموعی طور پر93 تمغوں کے ساتھ دوسرے نمبر پر رہا جبکہ جنوبی کوریا سونے کے 17 ،چاندی کے 18اور کانسی کے 23تمغوں کے ساتھ مجموعی طور پر58 تمغوں کے ساتھ تیسرے نمبررہا۔

اٹلی میڈل ٹیبل پر چوتھے نمبر پر رہا جس نے سونے کے 17 ،چاندی کے18 اور کانسی کے 21تمغوں کے ساتھ مجموعی طور پر56 تمغے حاصل کیے، جبکہ پولینڈ نے سونے کے 15 ،چاندی کے16 اور کانسی کے 12تمغوں کے ساتھ مجموعی طور پر43 تمغوں کے ساتھ پانچویں پوزیشن حاصل کی۔

چھنگ دو ورلڈ یونیورسٹی گیمز میں ترکیہ چھٹے نمبر پر رہا جس نے سونے کے 11 ،چاندی کے12 اور کانسی کے 12تمغوں کے ساتھ مجموعی طور پر35 تمغے حاصل کیے، جبکہ بھارت سونے کے 11 ،چاندی کے 5 اور کانسی کے 10تمغوں کے ساتھ مجموعی طور پر26 تمغوں کے ساتھ ساتویں نمبر پر رہا۔

کھیلوں میں چینی تائپے نے سونے کے10 ،چاندی کے17 اور کانسی کے19 تمغوں کے ساتھ مجموعی طور پر 46 تمغوں کے ساتھ آٹھویں پوزیشن حاصل کی جبکہ لتھوانیا سونے کے6 ،چاندی کے4 اور کانسی کے 2تمغوں کے ساتھ مجموعی طور پر12 تمغوں کے ساتھ نویں پوزیشن پر رہا۔

اسی طرح فرانس سونے کے 5 ،چاندی کے 8 اور کانسی کے 10تمغوں کے ساتھ مجموعی طور پر23 تمغوں کے ساتھ دسویں نمبر جبکہ ایران نے سونے کے 5 ،چاندی کے6 اور کانسی کے12 تمغوں کے ساتھ مجموعی طور پر23تمغوں کے ساتھ گیارہویں پوزیشن، جرمنی نے سونے کے 4 ،چاندی کے 8 اور کانسی کے12 تمغوں کے ساتھ مجموعی طور پر 24 تمغوں کے ساتھ بارہویں پوزیشن، یوکرین نے سونے کے 4 ،چاندی کے4 اور کانسی کے3 تمغوں کے ساتھ مجموعی طور پر11 تمغوں کے ساتھ تیرہویں پوزیشن، جمہوریہ چیک نے سونے کے 4 ،چاندی کے3 اور کانسی کے 5تمغوں کے ساتھ مجموعی طور پر12 تمغوں کے ساتھ چودہویں پوزیشن اور انڈونیشیا نے سونے کے4 اورچاندی کے3 تمغوں سمیت مجموعی طور پر7 تمغوں کے ساتھ میڈل ٹیبل پر پندرہویں پوزیشن حاصل کی۔

چھنگ دو ورلڈ یونیورسٹی گیمز کے فائنل میڈل ٹیبل پرچین کے ہانگ کانگ نے سونے کے 4 ،چاندی کے1 اور کانسی کے 7تمغوں سمیت مجموعی طور پر12 تمغوں کے ساتھ سولہویں پوزیشن حاصل کی جبکہ ہنگری سونے کے 3 ،چاندی کے8 اور کانسی کے 6تمغوں سمیت مجموعی طور پر 17 تمغوں کے ساتھ 17ویں پوزیشن ، ٌپرتگال سونے کے 3 اورچاندی کے 4تمغوں سمیت مجموعی طور پر7تمغوں کے ساتھ 18 ویں ،جنوبی افریقہ سونے کے 2 ،چاندی کے 11 اور کانسی کے7 تمغوں سمیت مجموعی طور پر20تمغوں کے ساتھ 19 ویں جبکہ قازقستان فائنل میڈل ٹیبل پر سونے کے 2 ،چاندی کے7 اور کانسی کے 11تمغوں سمیت مجموعی طور پر20تمغوں کے ساتھ بیسویں پوزیشن پر رہا۔