نیویارک میں واقع اقوام متحدہ کے صدردفتر میں چینی وزیرخارجہ وانگ یی نے عرب اور اسلامی ممالک کے وزرائے خارجہ کے ساتھ ملاقات کی۔ (شِنہوا)

چین ، دارالحکومت بیجنگ میں چائنہ عالمی سپلائی چین نمائش کے دوران سبز زراعت چین کے نمائشی زون میں لوگ پودوں کا تحفظ کرنے والے ایک ڈرون کی تصویر لے رہے ہیں۔ (شِںہوا)

چین، وسطی صوبے ہونان کے شہر ہینگ یانگ کی یونیورسٹی آف ساؤتھ چائنہ میں ایڈز بارے آگاہی کی ایک تقریب میں طلباء اور رضاکار شریک ہیں۔ (شِنہوا)

چین، وسطی صوبے ہونان کے شہر ہینگ یانگ کی یونیورسٹی آف ساؤتھ چائنہ میں ایڈز بارے آگاہی کی ایک تقریب میں طلباء اور رضاکار شریک ہیں۔ (شِنہوا)

نیوزی لینڈ ، آکلینڈ میں "ثقافتی چین، شاندار سیچھوان" تقریب میں ایک خاتون چائے کے لمبے  برتن کو استعمال کرنے کی کوشش کررہی ہے۔(شِنہوا)

نیوزی لینڈ ، آکلینڈ میں "ثقافتی چین، شاندار سیچھوان" تقریب میں ایک خاتون چائے کے لمبے  برتن کو استعمال کرنے کی کوشش کررہی ہے۔(شِنہوا)

متحدہ عرب امارات ، دبئی میں کوپ 28 کے صدر سلطان احمد الجابر (درمیان ) چینی پویلین کا دورہ کر رہے ہیں۔ (شِںہوا)

متحدہ عرب امارات ، دبئی میں کوپ 28 کے صدر سلطان احمد الجابر (درمیان ) چینی پویلین کا دورہ کر رہے ہیں۔ (شِںہوا)

مسجد حرام میں شیخ فیصل غزاوی نے خطبہ جمعہ میں کہا ہے کہ اے اللہ فلسطین کے مظلوموں کی حفاظت فرما۔ انہیں فتح، عزت، فتح اور طاقت عطا فرما۔ ان کے معاملات کی ذمہ داری سنبھال، ان کی مشکلات کو دور فرما، ان کی پریشانیوں کو دورفرما، ان کی کمزوری پر رحم فرما، ان کی ٹوٹ پھوٹ کو دور فرما، ان کی بیماریوں کو شفا دے، آزمائش میں پڑنے والوں کو عافیت عطا فرما اور ان میں شہدا کو قبول فرما۔ ان کی مخالفت کرنے والوں پر مصیبتیں نازل فرما۔قیامت کے دن سب سے بڑے کاموں میں سے ایک یہ ہے کہ راز کھل جائیں گے اور جو کچھ چھپایا گیا تھا وہ ظاہر ہو جائے گا۔قیامت کے دن جو کچھ دلوں میں تھا، خواہ اچھا ہو یا برا، لوگوں کے چہروں پر ظاہر ہو گا۔ یہ ہمارا فرض ہے کہ ہم اس اہم لمحے کی عظمت کو محسوس کریں، جہاں ہم جوابدہ ہوں، اور چھپے ہوئے پہلو سامنے آئیں۔جو لوگ یقین رکھتے ہیں کہ وہ جہاں بھی ہیں اللہ انہیں دیکھتا ہے، اور وہ ان کے ظاہر و باطن سے باخبر ہے، انہیں اب ہوشیاری سے کام لینا چاہیے۔ غفلت اور نافرمانی سے بچو، ہدایت و نصیحت کو اپناو، اور ایسے کاموں سے بچنے کی کوشش کرو جو شرم و ندامت کا باعث ہوں۔

جن کو اللہ تعالی نے تنہائی کے لمحات میں چھپا رکھا ہے انہیں بے نقاب کیے بغیر ہوشیار رہو۔ فحاشی کو دیکھ کر گناہوں پر اڑے رہنے سے بچو، ممنوعہ باتوں کو سن کر جھوٹ میں ملوث ہونے سے بچو۔ یاد رکھو، تمہارے راز جو اب صرف اللہ کو معلوم ہیں، ایک دن کھل جائیں گے۔اللہ تعالی فرماتا ہے وہ لوگوں سے اپنی برائیوں اور اعمال کو چھپاتے ہیں، لیکن وہ اللہ سے نہیں چھپا سکتے، اور جب وہ رات ایسے گزارتے ہیں تو وہ ان کے ساتھ ہوتا ہے۔. اللہ اپنے بندوں کو ظاہر اور پوشیدہ دونوں گناہوں کو ترک کرنے کا حکم دیتا ہے۔ جیسا کہ فرماتا ہے: "اور جو گناہ ظاہر ہو اور جو پوشیدہ ہو اسے چھوڑ دو۔ بے شک جو لوگ گناہ کماتے ہیں ان کو اس کا بدلہ دیا جائے گا جو وہ کرتے تھے۔بہت سے لوگ بے شمار گناہوں خصوصا دل کے گناہوں جیسے تکبر، بغض، دکھاوا، حسد، بغض اور شہرت و نمود کی خواہش سے بے خبر ہیں۔ وہ ان میں سے بہت سے گناہوں کو سمجھے بغیر جمع کر لیتے ہیں، جو علم سے روگردانی اور دین میں بصیرت کی کمی کو ظاہر کرتا ہے۔بعض لوگ ان کو گناہ کی حالت میں دیکھ کر اللہ سے زیادہ ڈرتے ہیں، حالانکہ ان سے چھپی یا ظاہر کی ہر چیز کا حساب لیا جائے گا۔مومن اللہ کے لیے اعمال میں اخلاص کے لیے کوشش کرتا ہے، اپنے رب کے ساتھ اپنے تعلق کی نگرانی کرتا ہے، اور نافرمانی کے نتائج سے ڈرتا ہے۔اے اللہ مظلوموں، اپنی راہ میں لڑنے والوں اور سرحدوں پر تعینات لوگوں کی مدد فرما۔ ہمارے ملک کو تمام مسلم سرزمینوں سمیت محفوظ، محفوظ، خوشحال اور کشادہ بنا دے۔.

کریڈٹ: انڈیپنڈنٹ نیوز پاکستان-آئی این پی

فٹ بال کی عالمی تنظیم فیفا کے زیر اہتمام انڈونیشیا میں جاری فیفا انڈر17فٹ بال ورلڈ کپ میں بروز ہفتہ(آج) جرمنی اور فرانس کے درمیان فائنل میچ کھیلا جائے گا،اس سے قبل جرمنی کی انڈر 17ٹیم نے پہلے سیمی فائنل میچ میں ارجنٹائن کی انڈر 17ٹیم کو پنالٹی شوٹ آئوٹ پر 2-4گول سے شکست دے کر فائنل تک رسائی حاصل کی تھی جبکہ دوسرے سیمی فائنل میچ میں فرانس کی ٹیم نے مالی کو 1-2گول سے شکست دے کر فائنل کے لئے کوالیفائی کیا تھا،میگا ایونٹ میں تیسری پوزیشن کے لئے میچ یکم دسمبر کو ارجنٹائن اور مالی کی ٹیموں کے درمیان کھیلا گیا،یہ پہلا موقع ہے جب انڈونیشیا نے فیفا انڈر 17ورلڈ کپ کی میزبانی کی اور پہلی بار فیفا انڈر 17ورلڈ کپ جنوب مشرقی ایشیا میں منعقد کیا گیا ہے،ملائیشیا میں 1997فیفا ورلڈ یوتھ چیمپئن شپ اور تھائی لینڈ میں 2012فیفا فٹبال ورلڈ کپ کے بعد یہ تیسرا موقع ہے کہ اس خطے میں فیفا ٹورنامنٹ کا انعقاد کیا گیا ہے ،فیفا انڈر17فٹ بال ورلڈ کپ کا انیسواں 2021میں ہونا تھا جو عالمی وبا کورونا وائرس کے باعث منسوخ کر دیا گیا تھا اور چار سال کے بعد کھیلاجا رہا ہے۔

کریڈٹ: انڈیپنڈنٹ نیوز پاکستان-آئی این پی

پاکستان سکواش فیڈریشن کے زیر اہتمام جاری چیف آف ائیر سٹاف انٹرنیشنل سکواش چیمپئن شپ میں کوارٹر فائنل مقابلے ہفتہ کو مصحف سکواش کمپلیکس اسلام آباد میں کھیلے جائیں گے۔ گزشتہ روز پاکستان سکواش فیڈریشن کے سیکرٹری جنرل ائیر کموڈور عامر نواز نے بتایا کہ چیمپیئن شپ میں پاکستان سمیت ملائیشیا، مصر اور ہانگ کانگ کے مرد اور خواتین کھلاڑی حصہ لے رہے ہیں، چیمپئن شپ کے کوارٹر فائنل(آج) 2دسمبر کو،سیمی فائنل 3 دسمبر کو اور فائنل مقابلے 4نومبر کو کھیلے جائیں گے، ٹورنامنٹ میں 32، 32مرد اور خواتین کھلاڑی حصہ لے رہے ہیں۔

کریڈٹ: انڈیپنڈنٹ نیوز پاکستان-آئی این پی

پاکستان اتھلیٹکس فیڈریشن کے زیر اہتمام 51ویں قومی 5ویں یوتھ اینڈ جونیئر اتھلیٹکس چیمپئن شپ 2 دسمبر (آج)سے شروع ہو گی۔ گزشتہ روز پاکستان اتھلیٹکس فیڈریشن کے سیکرٹری جنرل کرنل ریٹائرڈ شاہجہان نے بتایا کہ چیمپئن شپ کے تمام انتظامات مکمل کر لئے گئے ہیں، چیمپئن شپ میں ملک بھر سے چودہ ٹیموں کے مرد اور خواتین کھلاڑی حصہ لے رہے ہیں جن میں پاکستان آرمی، پاکستان ائیر فورس، پاکستان نیوی، پاکستان واپڈا، پاکستان ریلوے، پاکستان پولیس، ہائر ایجوکیشن کمیشن، پنجاب، سندھ، بلوچستان، سندھ، اسلام آباد، آزاد جموں و کشمیر اور گلگت بلتستان کی ٹیمیں شامل ہیں۔ چیمپئن شپ 8دسمبر تک جاری رہے گی۔

کریڈٹ: انڈیپنڈنٹ نیوز پاکستان-آئی این پی

پاکستان کی قومی ویمنز کرکٹ ٹیم کرائسٹ چرچ میں 6روزہ قیام کے دوران نیوزی لینڈ الیون کے خلاف دو پریکٹس میچ اور دو پریکٹس سیشنوں میں شرکت کے بعد ڈنیڈن روانہ ہو گئی،پاکستان اور نیوزی لینڈ ویمنز کرکٹ ٹیموں کے درمیان 3ٹی ٹوئنٹی انٹرنیشنل اور 3ون ڈے انٹرنیشنل میچوں کی سیریز 3سے 18دسمبر تک کھیلی جائے گی،اس سے قبل پاکستان ویمنز کرکٹ ٹیم نے برٹ سٹکلف اوول لنکن میں نیوزی لینڈ الیون کو منگل کو کھیلے گئے ون ڈے پریکٹس میچ میں 57رنز سے شکست دی تھی۔

کریڈٹ: انڈیپنڈنٹ نیوز پاکستان-آئی این پی

پاکستان کرکٹ بورڈ نے چیف سلیکٹر وہاب ریاض کے کنسلٹنٹ ممبرز کی تقرری کردی،سابق کرکٹرز کامران اکمل، را ئوافتخار انجم اور سلمان بٹ چیف سلیکٹر وہاب ریاض کے کنسلٹنٹ مقرر کیے گئے ہیں،پی سی بی کے مطابق تینوں کنسلٹنٹ فوری طور پر کام کا آغاز کریں گے، پہلی اسائنمنٹ نیوزی لینڈ کے خلاف 5ٹی 20میچز کی سیریز ہے،پاکستان کرکٹ بورڈ (پی سی بی)کی جانب سے بتایا گیا ہے کہ سلیکشن ڈیوٹی نہ ہونے پر تینوں کنسلٹنٹ سکلز کیمپ کی اضافی ذمے داریاں بھی نبھائیں گے۔

کریڈٹ: انڈیپنڈنٹ نیوز پاکستان-آئی این پی

آسٹریلیا کے وزیر اعظم انتھونی البنیز نے پاکستان کرکٹ سکواڈ کو دعوت پر مدعو کر لیا،ذرائع کے مطابق آسٹریلوی وزیر اعظم نے کینبرا میں قومی سکواڈ کو خصوصی طور پر مدعو کیا ہے جس پر سکواڈ 5دسمبر کو وزیر اعظم ہائوس جائے گا،آسٹریلوی کرکٹ بورڈ نے پاکستان کرکٹ بورڈ کی مینجمنٹ کمیٹی کے چیئرمین ذکا اشرف کو بھی مدعو کیا ہوا ہے،ذرائع کے مطابق ذکا اشرف باکسنگ ڈے ٹیسٹ دیکھنے میلبرن جائیں گے جہاں وہ آسٹریلوی کرکٹ حکام سے مختلف امور پر بات بھی کریں گے،پاکستان کرکٹ ٹیم بھی کینبرا پہنچ چکی ہے جہاں 6دسمبر سے وہ پرائم منسٹر الیون کے خلاف فرسٹ کلاس میچ کھیلے گی۔

کریڈٹ: انڈیپنڈنٹ نیوز پاکستان-آئی این پی

صومالیہ کے کھلے سمندر میں حالیہ ایک ہفتے کے دوران بحری قزاقوں نے ایران کا دوسرا بحری جہاز اغوا کر لیا ہے،صومالیہ کے صوبے کاندالہ کے وزیر اعلی احمد یوسف خورشے نے کہا ہے کہ صوبہ پٹ لینڈ میں قزاقوں نے ایرانی پرچم بردار بحری جہاز اغوا کر لیا ہے،خورشے نے جہاز کے عملے کی تعداد کے بارے میں کوئی معلومات فراہم نہیں کیں تاہم یہ ضرور کہا ہے کہ عملے کی پوری ٹیم غیر ملکیوں پر مشتمل ہے،واضح رہے کہ صومالیہ میں 25نومبر کو بھی صومالی اور آئر ش شہریوں پر مشتمل 16رکنی عملے والا ایرانی پرچم بردار جہاز اغوا کر لیا گیا تھا،قزاقوں نے عملے کی رہائی کے لئے 4لاکھ ڈالر تاوان کا تقاضا کیا تھا۔

کریڈٹ: انڈیپنڈنٹ نیوز پاکستان-آئی این پی

جماعت اسلامی اور دیگر اپوزیشن جماعتوں کے بعد بنگلادیش کی سب سے بڑی اپوزیشن جماعت بنگلا دیش نیشنل پارٹی نے بھی انتخابات کے بائیکاٹ کا اعلان کر دیا،بنگلا دیش نیشنل پارٹی کے ترجمان کا مقامی میڈیا سے گفتگو کرتے ہوئے کہنا تھا شیخ حسینہ واجد کے ساتھ کسی بھی الیکشن میں حصہ نہیں لیں گے، انتخابات کا بائیکاٹ کر رہے ہیں، اب کسی مضحکہ خیز انتخابات میں حصہ نہیں لیں گے،ترجمان بی این پی کا کہنا تھا وزیراعظم شیخ حسینہ واجد نے گزشتہ دو انتخابات میں بھی دھاندلی کی، اکتوبر سے اب تک پارٹی کے 18ہزار سے زائد رہنما اور حامی گرفتار کیے جا چکے۔

کریڈٹ: انڈیپنڈنٹ نیوز پاکستان-آئی این پی

بھارتی پولیس کو ریاست کرناٹک کے 20اسکولوں میں بم رکھنے کی اطلاع پر بم ڈسپوزل اسکواڈ اور بھاری نفری کو طلب کرلیا گیا،بھارتی میڈیا کے مطابق کرناٹک کے دارالحکومت بنگلور میں پولیس کو ایک میل موصول ہوئی جس میں ان 20اسکولوں کے نام بتائے گئے تھے جہاں بم رکھے گئے تھے اور مطالبات منظور نہ ہونے کی صورت میں اسکولوں کو دھماکے سے اڑانے کی دھمکی دی گئی تھی،دوسری جانب ان اسکولوں کو بھی ای میل کی گئی تھی جس پر انتظامیہ نے والدین کو مطلع کرکے فوری طور پر اسکول کو خالی کردیا۔ اسی دوران پولیس اور بم ڈسپوزل اسکواڈ کا عملہ بھی پہنچ گیا،پولیس ترجمان کا کہنا ہے کہ آئی ٹی ٹیم ای میل بھیجنے والے کا سراغ لگا رہی ہے، ہم ایسی صورت حال میں اس دھمکی کو سنجیدگی سے دیکھ رہے ہیں، سرچ آپریشن جاری ہے،والدین اور میڈیا سے تعاون کی درخواست ہے۔

کریڈٹ: انڈیپنڈنٹ نیوز پاکستان-آئی این پی

مودی سرکار کے ہاتھوں قتل سے بال بال بچنے والے خالصتان تحریک کے رہنما گورپتونت سنگھ پنوں نے امریکی الزامات بھارتی وزیراعظم نریندر مودی پر فرد جرم قرار دے دیے،خالصتان تحریک کے رہنما گورپتونت سنگھ پنوں نے امریکا میں اپنے قتل کی سازش پر ردعمل دیتے ہوئے کہا کہ بھارت مجھے ہر صورت قتل کرنے کے درپے ہے، لیکن ہم اپنی تحریک چلاتے رہیں گے اور میرے قتل سے بھی خالصتان تحریک ختم نہیں کی جاسکے گی،گورپتونت سنگھ پنوں نے کہا کہ امریکی الزامات دراصل بھارتی وزیراعظم نریندر مودی پر فرد جرم ہیں، مجھے قتل کرنے کی سازش بھارتی حکومت نے کی تھی،خالصتان تحریک کے رہنما نے کہا کہ قتل کی سازش کی باتیں امریکا اور کینیڈا کے لیے نئی ہوں گی، حق خود ارادیت کی تحریک والوں کے لیے قتل کی سازش حیران کن نہیں ہے، نکھل گپتا کو جانتا ہوں نہ قتل کی سازش کرنے والے بھارتی اہلکار کو جانتا ہوں،گورپتونت سنگھ پنوں موت سے نہیں ڈرتا، آزادی کی تحریک چلاتا رہوں گا، بھارت کی کوشش ہے کہ خالصتان کے حامیوں کو دہشتگرد قرار دیا جائے۔

کریڈٹ: انڈیپنڈنٹ نیوز پاکستان-آئی این پی

پاکستانی سفیر سلجوق مستنصر تارڑ کیمیائی ہتھیاروں کی روک تھام کی تنظیم کی 28ویں کانفرس کے چیئرمین منتخب ہوگئے،تفصیلات کے مطابق کیمیائی ہتھیاروں کے بین الاقوامی کنونشن کی سالانہ کانفرس کا نیدر لینڈز کے شہر دی ہیگ میں انعقاد کیا گیا۔ پاکستانی سفیر سلجوق مستنصر تارڑ کو کیمیائی ہتھیاروں روک تھام کی عالمی تنظیم میں بطور چیئر پرسن منتخب کرلیا گیا،رپورٹ کے مطابق 193ممبران ممبران پر مشتمل کانفرس نے ایک سال کے لئے چیئر پرسن کا انتخاب کرنا ہوتا ہے، ہر سال چیئر پرسن ممبران ممالک میں سے منتخب کیا جاتا ہے،اس سال ایشیا کی باری تھی اور ایشیائی گروپ نے سفیر سلجوق مستنصر تارڑ کو نامزد کیا تھا، جس کو کانفرس نے منتخب کیا، کیمیائی ہتھیاروں کی روک تھام کنونشن ، پیداوار، بڑھا اور ذخیرہ اندوزی کے کیمیکل ویپن کنونشن کی 193ممبر ریاستوں نے توثیق کی ہے، یہ کنونشن ہراقسام کے ہتھیاروں کی روک تھام کے لئے ایک جامع معاہدہ سمجھا جاتا ہے۔

کریڈٹ: انڈیپنڈنٹ نیوز پاکستان-آئی این پی

اقوام متحدہ کے سکریٹری جنرل انتونیو گوتریس نے کہا ہے کہ موسمیاتی تبدیلیوں کے منفی اثرات سے نمٹنے کیلئے ہنگامی بنیادوں پر اقدامات کرنا ہونگے ،دبئی میں عالمی موسمیاتی کانفرنس آف پارٹنر 28سے خطاب کرتے ہوئے اقوام متحدہ کے سکریٹری جنرل انتونیو گوتریس نے کہا ہے کہ عالمی درجہ حرارت پر کنٹرول ناگزیر ہوگیا، پیرس موسمیاتی معاہدے سے دور ہیں لیکن ابھی بھی دیر نہیں ہوئی ،ہم پیرس موسمیاتی معاہدے کے مقاصد سے میلوں دور ہیں،انہوں نے کہا کہ ترقی یافتہ ممالک کو موسمیاتی تبدیلی کے حوالے سے اپنی پالیسیوں پر نظر ثانی کرنا ہوگی، گرین ہاس گیسوں کے اخراج کو روک کر زمین کی حفاظت کرنا ہوگی،انتونیو گوتریس نے کہا کہ فوسل ایندھن کو جلانا بند کیا جانا چاہیے، فوسل فیول کمپنیاں فرسودہ کاروباری ماڈل کو دگنا نہ کریں ، حکومتیں فوسل فیول سبسڈی ختم کریں، منافع پر ونڈفال ٹیکس اپنائیں،ان کاکہنا تھا کہ موسمیاتی تبدیلیوں کے منفی اثرات سے نمٹنے کیلئے ہنگامی بنیادوں پراقدامات کرنا ہونگے ۔

کریڈٹ: انڈیپنڈنٹ نیوز پاکستان-آئی این پی

برطانوی بادشاہ چارلس سوئم نے کہا ہے کہ موسمیاتی تبدیلی آنیوالی نسلوں کیلئے ایک خطرناک مسئلہ ہے ،اسوقت دنیا کو سنجیدہ اقدامات کرنے کی ضرورت ہے،دبئی میں اقوام متحدہ کے 28ویں موسمیاتی سربراہی اجلاس سے خطاب کرتے ہوئے بادشاہ چارلس سوئم نے کہا کہ کاپ 28کے انعقاد پر متحدہ عرب امارات کی قیادت کو مبارکباد پیش کرتاہوں، پیرس ایگریمنٹ میں اقوام عالم نے ایک بڑے مسئلے پر غور کیا ، کامن ویلتھ میں بھی موسمیاتی تبدیلی کے حوالے سے غور کیا جارہا ہے،انہوں نے کہا کہ پاکستان نے موسمیاتی تبدیلیوں کے خطرناک نتائج بھگتے ہیں، سیلاب کے باعث پاکستان کو شدید نقصان اٹھانا پڑا، ہمیں قدرتی ماحول کو بچانے کیلئے فوری اقدامات کرنے ہوں گے،بادشاہ چارلس سوئم کاکہنا تھا کہ مستقبل میں زیروکاربن کی پالیسی کو اپنانا ہوگا، دنیا کو گرین ٹیکنالوجی کی جانب منتقل ہونا ہوگا اور پائیدار مستقبل کیلئے ہنگامی اقدامات کرنا ہوں گے،ان کاکہنا تھا کہ تمام سٹیک ہولڈرز کو موسمیاتی تبدیلی کے خطرات سے نمٹنے کیلئے کام کرنا ہوگا۔

کریڈٹ: انڈیپنڈنٹ نیوز پاکستان-آئی این پی

دبئی میں ہونے والی عالمی ماحولیاتی کانفرنس کوپ 28 میں ماحولیاتی تبدیلیوں سے نمٹنے کیلئے فنڈز کا اعلان کر دیا گیا،کوپ 28کانفرنس میں متحدہ عرب امارات نے ماحولیاتی فنڈز میں 10کروڑ ڈالر، چاپان نے 1کروڑ ڈالر، جرمنی نے 10کروڑ ڈالر اور برطانیہ نے 6 کروڑ پانڈ دینے کا اعلان کیا ہے جبکہ امریکا 1کروڑ 70لاکھ ڈالر سے زائد رقم ماحولیاتی فنڈز میں دے گا،کوپ 28کانفرنس میں ہونے والے معاہدے کے مطابق امیر ممالک ترقی پذیر ممالک کی مالی مدد کریں گے، فنڈز سے کمزور ممالک کو موسمیاتی تبدیلیوں کے نقصانات سے نمٹنے میں مدد ملے گی،کوپ 28کے صدر سلطان احمد الجابر نے گفتگو کرتے ہوئے کہا ہے کہ ہمیں مل جل کر مشتر کہ لائحہ عمل بنانا ہے، مل کر ہی 2050 تک نیٹ زیرو کاربن اہداف حاصل کر سکتے ہیں۔

کریڈٹ: انڈیپنڈنٹ نیوز پاکستان-آئی این پی

امریکا میں بھارتی شخص پر سکھ رہنما کے قتل کی سازش کی فردِ جرم کے بعد کینیڈا نے بھی بھارت سے ہردیپ سنگھ نجر کے قتل کیس کی تحقیقات میں مزید تعاون کا مطالبہ کردیا،کینیڈین وزیراعظم جسٹن ٹروڈو نے کہا کہ امریکا میں بھارتی شخص پر فردِ جرم معاملے کی سنگینی کا ثبوت ہے اور بھارت کو یہ معاملہ سنجیدگی سے لینا ہوگا،کینیڈا کا کہنا ہے کہ اس کے ملک میں سکھ رہنما ہردیپ کے قتل میں بھارت ملوث ہے۔

کریڈٹ: انڈیپنڈنٹ نیوز پاکستان-آئی این پی

امریکی نیشنل سکیورٹی کونسل نے بھارت کی جانب سے امریکا میں سکھ رہنما کے قتل کی سازش پر تشویش کا اظہار کیا ہے،میڈیا سے گفتگو کرتے ہوئے امریکی نیشنل سکیورٹی کونسل کے ترجمان نے کہا ہے کہ سکھ رہنماں کے قتل کی بھارتی سازش پر تشویش ہے، امریکی سرزمین پر سکھ شہریوں کا قتل عام سنجیدہ معاملہ ہے،جان کربی نے مزید کہا ہے کہ بھارت کی ناکام سازش اور ہدایت کی تحقیقات جاری ہے، بھارتی حکومت اور را نکھل گپتا سے مل کر خالصتان سکھ رہنما گروپتونت سنگھ پنوں کو قتل کرنا چاہتی ہے۔

کریڈٹ: انڈیپنڈنٹ نیوز پاکستان-آئی این پی

ڈاکٹرز ودآئوٹ بارڈرز کے سربراہ کرسٹوس کرسٹو نے کہا کہ اسرائیلی فورسز مغربی کنارے کے شہر جنین میں تنظیم کی طبی ٹیموں کے ہسپتال میں کام میں رکاوٹیں کھڑی کر رہی ہیں،مغربی کنارے سے واپسی کے بعد اردن کے دارالحکومت عمان میں ایک پریس کانفرنس میں کرسٹو نے جنین کیمپ سمیت مغربی کنارے کے شہروں اور کیمپوں میں فلسطینیوں پر آباد کاروں کے حملوں میں نمایاں اضافے کی نشاندہی کی،کرسٹو نے کہا کہ اسرائیلی افواج کے حملے کے دوران ایم ایس ایف کی طبی ٹیموں کو معطل کر دیا گیا اور ان کے کام میں رکاوٹیں ڈالی گئیں، فلسطینیوں کو طبی خدمات حاصل کرنے سے روک دیا گیا،ڈاکٹرز ودآئوٹ بارڈرز کے سربراہ نے غزہ کی پٹی میں صحت کی صورتحال کو تباہ کن قرار دیتے ہوئے کہا کہ یہ صورت حال کسی بھی ایسے انسانی بحران کی حد سے تجاوز کر گئی جس کا تنظیم نے اس سے پہلے مشاہدہ کیا ہو،کرسٹو نے کہا اسرائیل نے 7ہفتوں کے دوران بچوں اور خواتین سمیت خاندانوں کو قتل کیا ہے۔ غزہ کی پٹی میں کوئی بھی جگہ محفوظ نہیں ہے اور 10لاکھ سے زیادہ افراد افراتفری اور غیر انسانی صورت حال میں زندگی کاٹ رہے ہیں،انہوں نے کہا کہ اسرائیل نے ڈاکٹرز ودآئوٹ بارڈرز کے متعدد ملازمین کو تشدد کرکے قتل کیا، اس سفاکیت کو کسی بھی طرح قانونی اور اخلاقی طور پر جائز قرار نہیں دیا جا سکتا، کرسٹو نے مطالبہ کیا کہ مجرم کو بغیر سزا کے نہ چھوڑا جائے۔

کریڈٹ: انڈیپنڈنٹ نیوز پاکستان-آئی این پی

روس وزارت خارجہ کی ترجمان ماریہ زاہرووا نے کہا ہے کہ روسی یرغمالیوں کو رہا کرنے پر،ہم، فلسطین تحریکِ مزاحمت 'حماس' کا شکریہ ادا کرتے ہیں،زاہرووا نے کہا کہ حماس کے ساتھ طے شدہ سمجھوتے کی رو سے 29نومبر کو، غزہ میں یرغمال بنائی گئی، روسی خواتین یلینا ترافانووا اور ایرینی تاتی کو رہا کر دیا گیا ہے، ہماری خاص طور پر اور اصرار کے ساتھ کی گئی درخواستوں کا مثبت جواب دینے پر ہم حماس کے شکر گزار ہیں،زاہرووا نے کہا کہ ہم، غزہ میں زیرِ حراست دیگر روسی شہریوں کی بھی جلد از جلد رہائی کے لئے کاروائیاں جاری رکھے ہوئے ہیں،واضح رہے کہ حماس نے 29نومبر کو جاری کردہ بیان میں 2روسی یرغمالیوں کو رہا کرنے اور ریڈ کریسنٹ کے حوالے کرنے کا اعلان کیا تھا۔

کریڈٹ: انڈیپنڈنٹ نیوز پاکستان-آئی این پی

سکاٹ لینڈ کی لیبر پارٹی آئندہ ہفتے غزہ جنگ بندی کے حق میں ووٹ دے گی،لیبرپارٹی لیڈر انس سرورجنگ بندی کال پرکیرسٹارمر پر مزید دبائو ڈالیںگے،پارٹی رہنما کیئراسٹارمر پر پارٹی کی جانب سے مزید دبائو ڈالا جائے گا،جنہوں نے غزہ میں جنگ بندی کی حمایت میں کوئی واضح بیان نہیں دیا،سٹارمر کو اپنے فرنٹ بنچ سے بغاوت کا سامنا ہے کیونکہ ان کے کچھ ممبران پارلیمنٹ حماس اور اسرائیل کے درمیان خونریز جنگ میں جنگ بندی کی حمایت کرنا چاہتے ہیں،انس سرور نے برطانوی نشریاتی ادارے بی بی سی کو انٹر ویو دیتے ہوئے کہا کہ اسرائیل غزہ میں عالمی قوانین کی کھلی خلاف ورزی کررہا ہے، انہوں نے کہا کہ غزہ کے لوگوں کو ضروی سامان کی فراہمی کو روکنے کا کوئی جواز نہیں بنتا،اسی حوالے سے لیبر پارٹی کے رہنما سٹارمر نے کہا کہ اسرائیل کو بین الاقوامی قواتین کے تحت اپنے دفاع کا حق حاصل ہے۔

کریڈٹ: انڈیپنڈنٹ نیوز پاکستان-آئی این پی

ہسپانوی وزیر اعظم کی جانب سے غزہ میں بربریت کیخلاف آواز اٹھانے پر اسرائیل برا مان گیا، اسرائیل نے سپین سے اپنا سفیر واپس بلا لیا،ایک انٹرویو میں ہسپانوی وزیر اعظم نے کہا تھا کہ غزہ کی جو ویڈیوز اور تصاویر سامنے آ رہی ہیں ان میں دیکھا جا سکتا ہے کہ بڑی تعداد میں بچے مر رہے ہیں، ہمیں اس حوالے سے سخت تحفظات اور شکوک ہیں کہ اسرائیل عالمی قوانین کی پاسداری کر رہا ہے یا نہیں، یورپی یونین فلسطینی ریاست کو تسلیم کرے تاکہ خطے میں امن کے قیام میں مدد مل سکے،اسرائیلی وزیر اعظم نیتن یاہو نے ہسپانوی وزیر اعظم کے اس بیان کو شرمناک قرار دیتے ہوئے اسرائیلی سفیر کو واپس بلانے کا اعلان کیا اور تل ابیب میں موجود ہسپانوی سفیر کو بھی احتجاج کیلئے طلب کیا، یہ گزشتہ 10روز میں ہسپانوی سفیر کی دوسری بار طلبی ہے۔

کریڈٹ: انڈیپنڈنٹ نیوز پاکستان-آئی این پی

اسرائیل نے حماس سے عارضی جنگ بندی کے خاتمے پر غزہ پر دوبارہ وحشیانہ حملے شروع کردئیے جس کے نتیجے میں 2بچوں سمیت 32 فلسطینی شہید ہوگئے،فلسطینی وزارت صحت کے بیان میں کہا گیا ہے کہ جنگ بندی میں توسیع ختم ہوتے ہی اسرائیلی فضائیہ کے طیاروں نے غزہ کا رخ کیا اور وحشیانہ بمباری کی جس میں اب تک 32فلسطینی شہید ہوچکے ہیں،فلسطینی میڈیا کے مطابق اسرائیلی فورسز کی غزہ کے مغربی علاقے میں بمباری جارہی ہے۔ اسرائیلی فوج نے غزہ کے شمالی علاقے جبالیہ میں ایک گھر کو نشانہ بنایا،غیر ملکیمیڈیا کے مطابق اسرائیل نے حماس پر جنگ بندی معاہدے کی خلاف ورزی کا الزام عائد کرتے ہوئے غزہ پر دوبارہ حملے شروع کرنے کا اعلان کیا۔واضح رہے کہ قطر اور مصر کی ثالثی میں 24نومبر کو اسرائیل اور حماس کے درمیان غزہ میں عارضی جنگ بندی کا معاہدہ ہوا تھا۔ ایک ہفتے کی عارضی جنگ بندی کے دوران حماس نے 100سے زائد قیدیوں جبکہ اسرائیل نے 240فلسطینیوں کو رہا کیا تھا،اکتوبر 7سے غزہ پر اسرائیلی حملوں میں اب تک 15ہزار سے زائد فلسطینی شہید ہوچکے ہیں، امریکا نے غزہ پر حملوں کے لیے اسرائیل کی مکمل حمایت جاری رکھنے کا اعلان کیا ہے۔

کریڈٹ: انڈیپنڈنٹ نیوز پاکستان-آئی این پی