وفاقی وزیر خزانہ سینیٹر اسحاق ڈار نے کہا ہے وزیراعظم شہباز شریف کی قیادت میں ہماری ٹیم دن رات محنت کر رہی ہے، امید ہے پاکستان ترقی کرے گا،اسلام آباد میںگرین لائن ٹرین سروس کی افتتاحی تقریب سے خطاب کرتے ہوئے اسحاق ڈار کا کہنا تھا جو ڈرامہ پانچ سال پہلے شروع ہوا، پاکستان آج اس کے نتائج بھگت رہا ہے، نواز شریف کے دور میں معیشت مضبوط ہو رہی تھی، ہماری اسٹاک مارکیٹ جنوبی ایشیا میں بہترین تھی اور دنیا میں پانچویں نمبر پر تھی،انہوں نے کہا کہ پانچ سال میں جو پانامہ ڈرامہ، ن لیگ کو فارغ کرو اس طرح کی چیزیں آج پاکستان بھگت رہا ہے، نواز شریف کے دور میں دنیا کے تمام ادارے ہماری طرف دیکھ رہے تھے، بدقسمتی سے آج پانچ سال بعد ہم کہاں کھڑے ہیں، پچھلے سال پاکستان کی معیشت دنیا کی 45ویں معیشت تھی، 24ویں معیشت سے 20ویں معیشت پر داخل ہونے کی پیشگوئی کی گئی، کیا وجہ ہے پیشگوئی کے باجود ہم 47ویں معیشت بن گئے ہیں،وزیر خزانہ کا کہنا تھا وزیر اعظم شہباز شریف کو بے پناہ چیلنجز ملے ہیں، شہباز شریف کی لیڈرشپ میں پوری ٹیم دن رات محنت کر رہی ہے، نیت اور محنت درکار ہے پاکستان ترقی کرے گا، شہباز شریف کی قیادت میں پوری کوشش کریں گے کہ پاکستان کے حالات میں بہتری لاسکیں، کوشش کریں گے کہ الیکشن سے پہلے بہتری لائیں، آپ کے پاس تاریخ موجود ہے کہ کس نے معیشت کی بہتری کے لیے کام کیا۔

کریڈٹ: انڈیپنڈنٹ نیوز پاکستان-آئی این پی

وزیراعظم شہبازشریف نے کہا ہے کہ آئی ایم ایف سے اس ہی ماہ معاہدہ ہوجائے گا، پاکستان اس نہج پر کھڑا ہے جہاں ایک ایک پائی بچانے کی ضرورت ہے، جلد مشکل حالات سے باہر نکلیں گے، چینی حکومت اور عوام نے پاکستان سے ہمیشہ محبت کا رشتہ رکھا، ترقی کا سفر مشکل ضرور ہے مگر ناممکن نہیں ہے، پاکستان اپنا کھویا ہوا مقام جلد حاصل کرے گا،ہمیں مشکل حالات میں حکومت ملی ،تفصیلات کے مطابق وزیراعظم محمد شہباز شریف نے مارگلہ ریلوے سٹیشن اسلام آباد میں گرین لائن ایکسپریس ٹرین سروس کی افتتاحی تقریب سے خطاب کرتے ہوئے کہا کہ آج ہمیں اللہ کا شکر بجا لانا چاہیے ، خواجہ سعد رفیق اور ان کی ٹیم کو مبارک باد پیش کرنا چاہتا ہوں ،وزیراعظم نے کہا کہ گرین لائن کی بنیاد نوازشریف کے دور میں رکھی گئی تھی ، میرٹ پر انحصار نوازشریف کی حکومت کا طرہ امتیاز رہا ہے ، قومیں وہی آگے بڑھتی ہیں جو مشکلات کو عبور کرتی ہیں، ہم مشکلات سے نکلنے کے لئے دن رات کوشش کررہے ہیں،ان کا کہنا تھا کہ سروسز کو آئوٹ سورس کیا گیا ہے، آج حکومتیں خود ادارے نہیں چلاتیں بلکہ ان کو آئوٹ سورس کرتی ہیں ، کاش ایم ایل ون گزشتہ 4سال کی بے بنیاد الزام تراشی کا شکار نہ ہوتا، ایم ایل ون منصوبے پر چینی حکومت کے ساتھ رابطے میں ہیں،وزیراعظم نے کہا کہ آئی ایم ایف سے اس ہی ماہ معاہدہ ہوجائے گا، پاکستان اس نہج پر کھڑا ہے جہاں ایک ایک پائی بچانے کی ضرورت ہے، جلد مشکل حالات سے باہر نکلیں گے، چینی حکومت اور عوام نے پاکستان سے ہمیشہ محبت کا رشتہ رکھا، ترقی کا سفر مشکل ضرور ہے مگر ناممکن نہیں ہے، پاکستان اپنا کھویا ہوا مقام جلد حاصل کرے گا،اس سے قبل وزیر ریلوے خواجہ سعد رفیق نے تقریب سے خطاب کرتے ہوئے کہا کہ تمام مہمانوں کا شکرگزار ہوں 

چائنیز دوستوں کے تعاون سے یہ ممکن ہوا ہے ، ہم نے اپنے محدود وسائل سے ریلوے آپریشن کو چلادیا ہے اور ہماری کوشش ہوگی کہ مسافروں کو ہر سہولت دی جائے،وزیر ریلوے نے کہا کہ اس ٹرین پر 2200افراد سفر کرسکیں گے، آئندہ بوگیاں پاکستان میں ہی تیار کی جائیں گی ، تمام پاکستانی گرین لائن ٹرین کو ترجیح دیں، ہمیں ریونیو کی سخت ضرورت ہے ،خواجہ سعد رفیق نے کہا کہ ہمیں جب دوبارہ نظام چلانے کو ملا ہم نے صفر سے شروع کیا، سیلاب نے ریلوے کے محکمے کی کمر توڑ کررکھ دی ہے ، ہم نے اپنے محدود ترین وسائل سے ریلوے آپریشن کو چلا دیا ہے، ریلوے کو ایک طاقت کا ٹیکہ چاہیے، ہمیں پنشنز اور تنخواہوں کیلئے سخت مشکلات کا سامنا ہے ، ڈیڑھ ماہ ریلوے آپریشن رکا رہا ہے جس سے ریونیو کا نقصان ہوا ،وزیر ریلوے نے کہا کہ علم ہے وزیر خزانہ دبائو میں کام کررہے ہیں، پورا ملک ان کی طرف دیکھتا ہے، اگر وزیر خزانہ ہماری تھوڑی سی مدد کردیں تو ورکرز کا چولہا جل جائیگا، ہم اگلے 8ماہ میں اس بحران پر قابو پالیں گے،افتتاح کے موقع پر وزیرخزانہ اسحاق ڈار، وزیرریلوے خواجہ سعد رفیق، وزیر منصوبہ بندی احسن اقبال وزیراعظم کے ہمراہ تھے ، وزیر ریلوے خواجہ سعد رفیق نے وزیر اعظم کو ٹرین بارے بریفنگ دی ،واضح رہے کہ جدید سہولیات سے آراستہ گرین لائن ایکسپریس ٹرین اسلام آباد سے کراچی براستہ پاکستان ریلویز مین لائن ون پیسنجر سروس مہیا کرے گی ، یہ ٹرین راولپنڈی، چکلالہ ،لاہور ، خانیوال ، بہاولپور، روہڑی ، حیدرآباد اور ڈرگ روڈ ریلوے سٹیشنز پر رکے گی۔

کریڈٹ: انڈیپنڈنٹ نیوز پاکستان-آئی این پی

وزیراعظم محمد شہباز شریف نے کہا ہے کہ اتحادی حکومت دن رات ملک کو مشکلات سے نکالنے کیلئے کوشاں ہے ،مشکلات کا ڈٹ کر مقابلہ کرنے والی قومیں ہی ترقی کرتی ہیں، ملک کو موجودہ گرداب سے نکالیں گے ، توقع ہے کہ آئی ایم ایف سے معاہدہ رواں ماہ ہوجائے گا، گزشتہ حکومت کی جانب سے اداروں پر بے بنیاد الزام تراشی اور چینی کمپنیوں پر کرپشن کے الزامات سے چین سے تعلقات خراب ہوئے، ان تعلقات کو معمول پر لانے کیلئے برف پگھل رہی ہے، ایم ایل ون منصوبہ کی تکمیل ہماری اولین ترجیح ہے ، دن رات محنت کرکے دنیا میں اپنا کھویا ہوا مقام حاصل کریں گے ، دنیا میں حکومتیں گورننس کی ذمہ دار ہیں وہ ادارے نہیں چلاتیں،ہم نے زرمبادلہ کے ذخائر کو مد نظر رکھ کر اپنی ترجیحات کا تعین کیا ہے ۔جمعہ کووزیراعظم محمد شہباز شریف نے گرین لائن ٹرین سروس کا افتتاح کیا ۔ اس موقع پر وزیر ریلوے خواجہ سعد رفیق، وزیر خزانہ سینیٹر اسحاق ڈار، وزیر منصوبہ بندی احسن اقبال نے بھی خطاب کیا ۔ وزیراعظم نے تقریب سے خطاب کرتے ہوئے کہا کہ کہ گرین لائن جس کی بنیاد نواز شریف کے گزشتہ دورمیں رکھی گئی تھی اور بدقسمتی سے بے شمار دیگرمنصوبوں کی طرح یہ منصوبہ بھی بعد کی حکومت میں دم توڑ گیا، ہم اس سروس کا از سرنو اجرا کرنے پر ہم اللہ تعالی کا شکر ادا کرتے ہیں اور وزیر ریلوے اور چینی کمپنیوں کو مبارکباد پیش کرتے ہیں ۔ وزیر اعظم نے کہا کہ ابھی ویگنز کا معائنہ کیا یہ جدید سہولیات سے آراستہ ہیں ، وزیر ریلوے آئوٹ سورسنگ پر یقین رکھتے ہیں اور دور حاضر میں ترقی کا زینہ یہی ہے اس سے ریلوے میں بہتری آئے گی اور پاکستان ریلوے کو فائدہ ہوگا۔انہوں نے کہا کہ حکومتوں کا کام ادارے چلانا نہیں بلکہ گورننس ہوتا ہے۔

انہوں نے کہا کہ حکومتیں آتی جاتی رہتی ہیں پاکستان آج اس دوراہے پر کھڑا ہے جہاں ایک ایک پائی بچانے کی کوشش کررہے ہیں ۔ غیر ملکی ذرمبادلہ کے ذخائر کی صورتحال دیکھ کر ہم نے ترجیحات مقرر کی ہیں جس میں خوراک اورادویات کی درآمد کو اولین ترجیح دی گئی ہے۔ پوری امید ہے کہ آئی ایم ایف سے اسی ماہ معاہدہ ہوجائے گا اور ان مشکلات سے نکل آئیں گے ۔ انہوں نے کہا کہ یہ مشکل وقت ہے ، پاکستان دنیا میں ماحولیاتی آلودگی میں محض ایک فیصد حصہ کا رکھنے کے باوجود اس کا شکار ہوا اور بدترین سیلاب آیا۔اتحادی حکومت دن رات ملک کو مشکلات سے نکالنے کیلئے کوشاں ہے ، خواجہ سعد رفیق میرٹ کی بالادستی پر یقین رکھتے ہیں ، ریلوے کو دیگراداروں کی طرح مشکلات کا سامنا ہے ، قوموں کی زندگی میں مشکلات آتی رہتی ہیں اس کا سامنا کرکے آگے بڑھنے والی قومیں ہی ترقی کرتی ہیں یہی اس مخلوط حکومت کا وژن ہے اور اس پر پوری طرح عمل پیرا ہیں ۔ انہوں نے کہا کہ ایم ایل ون ہمارے ترجیحی ایجنڈے میں شامل ہے ۔ چین کی حکومت اس منصوبے کو تیزی سے آگے بڑھانے کیلئے پرعزم ہے ۔گزشتہ حکومت میں اداروں پر بے بنیاد الزام تراشی اورچینی کمپنیوں پر کرپشن کے الزامات لگانے سے چین سے تعلقات خراب ہوئے ، حالیہ چین کے دورے پر چین نے ہمارا بھرپور اورگرمجوشی سے استقبال کیا، چینی زعما اور عوام پاکستان سے والہانہ محبت کرتے ہیں ، گزشتہ چار سال میں تعلقات کو جو ٹھیس پہنچی ان کو واپس لانا آسان کام نہیں تاہم برف پگھل رہی ہے ، چینی حکومت اورعوام کے شکرگزار ہیں کہ وہ پاکستانی عوام کے لئے بے پناہ محبت کے جذبات رکھتے ہیں ، ہمیں اپنے پائوں پر کھڑا ہونے کیلئے اس روش کو بدلنا ہوگا، محنت کو اپنا شعار بنانا ہوگا، ہم کب تک دوسروں کے سہارے پر رہیں گے۔یہ سفر مشکل ضرور ہے لیکن ہم دن رات محنت کرکے ملک کو آگے بڑھائیں گے اور ملک اپنا کھویا ہوا مقام حاصل کرے گا۔

کریڈٹ: انڈیپنڈنٹ نیوز پاکستان-آئی این پی

چھ فعال شیشے اور سیرامکس فرموں میں سے، بلوچستان گلاس لمیٹڈ نیمارکیٹ ویلیو 2.3 بلین روپے سے بڑھا کر 2.5بلین روپے کر دی، جس سے یہ گلاس اور سیرامکس کی واحد سرکردہ فرم ہے۔ ویلتھ پاک کی رپورٹ کے مطابق طارق گلاس انڈسٹریز لمیٹڈ کو سب سے زیادہ خسارہ ہوا پاکستان کے گلاس اور سیرامکس کے شعبے میں آٹھ پبلک لمیٹڈ کمپنیاں شامل ہیں، جن میں سے ٹاپ چھ کمپنیاں مالی سال 23کی دوسری سہ ماہی کے دوران سرگرم رہیں۔مالی سال 23 کی دوسری سہ ماہی (اکتوبر تا دسمبر)کے دوران، پاکستان کے شیشے اور سیرامکس کے شعبے کو مجموعی طور پر اوسطا 14ارب روپے کی مارکیٹ ویلیو کا نقصان ہوا۔اس شعبے کی سب سے بڑی کمپنی غنی گلاس ہے۔طارق گلاس انڈسٹریز لمیٹڈ دوسری سب سے بڑی فرم ہے جس نے اپنے سرمایہ کاروں کی طرف سے سرمایہ کاری کی گئی رقم پر 44 فیصدکے بڑے نقصان کا سامنا کیا۔ مالی سال 23کی دوسری سہ ماہی کے اختتام تک اسکی مارکیٹ ویلیو 19بلین روپے سے کم ہو کر 11بلین روپے تک پہنچ گئی۔غنی ویلیو گلاس لمیٹڈ (جی وی جی ایل)4.2بلین روپے کی مارکیٹ کیپ کے ساتھ گلاس اور سیرامکس کے شعبے میں رجسٹرڈ تیسری سب سے بڑی کمپنی ہے۔ اس کی مالیت 5.4 بلین روپے سے کم ہو کر 3.8 بلین روپے تک پہنچ گئی۔ بلوچستان گلاس لمیٹڈ اپنے شعبے میں چوتھی بڑی کمپنی ہے۔ شیشے اور سیرامکس کے شعبے میں مارکیٹ ویلیو کے لحاظ سے یہ واحد خوشحال فرم تھی۔شبیر ٹائلز اینڈ سیرامکس لمیٹڈ پانچویں بڑی کمپنی ہے۔

کریڈٹ: انڈیپنڈنٹ نیوز پاکستان-آئی این پی

پاکستان کی معاشی ترقی کے لیے بڑے پیمانے پر مربوط زراعت اور ایکوا فارمنگ وقت کی اہم ضرورت ہے، یہ بات ڈائریکٹر جنرل فشریز، سندھ ڈاکٹر میر اللہ داد تالپور نے ویلتھ پاک سے گفتگو کرتے ہوئے کہی۔"جو لوگ پڑھے لکھے اور باشعور ہیں اور اختراعی چیزیں کرنے کے خواہشمند ہیں وہ چھوٹے پیمانے پر مربوط زراعت اور ایکوا فارمنگ کر رہے ہیں حالانکہ اس کو بڑے پیمانے پر فروغ دینا وقت کی اہم ضرورت ہے۔ یہ رواج زیادہ تر مویشیوں، پولٹری فارمنگ، بطخوں اور دھان وغیرہ سے متعلق ہے۔سندھ میں یہ بہت سی جگہوں پر عام رواج ہے اور ہر لحاظ سے فائدہ مند ہے۔ چونکہ انضمام ایک نامیاتی سرگرمی ہے، اس لیے کوئی اضافی ضمیمہ فراہم نہیں کیا جاتا ہے کیونکہ جب دو یا تین قسم کے جانور ایک دائرے میں رہتے ہیں تو سپلیمنٹس پیتھوجینز وغیرہ کی نشوونما میں رکاوٹ بنتے ہیں۔ پاکستان میں، نامیاتی کاشتکاری زیادہ تر اپنی ضروریات کو پورا کرنے کے لیے کی جاتی ہے۔ لوگ دھان کے کھیتوں میں چھوٹی کارپ چھوڑتے ہیں اور بڑے گڑھے کھودتے ہیں۔ جب دھان پک جاتا ہے تو تمام مچھلیاں ڈپریشن/کھائی میں چلی جاتی ہیں۔ جب مچھلی وزن اور جسامت میں بڑھ جاتی ہے تو انہیں بازار میں فروخت کیا جاتا ہے۔ اس سلسلے میں لوگ مختلف طریقے اپنا رہے ہیں۔ تاہم، اس کے بے پناہ فوائد کے باوجود، یہ مکمل طور پر نامیاتی چیز یہاں بہت زیادہ گاہک نہیں پاتی کیونکہ ہمارے لوگ چھوٹی مچھلیوں کی غذائیت سے واقف نہیں ہیں اور بڑی مچھلیوں کو ترجیح دیتے ہیں۔

مارکیٹنگ اور آگاہی کا فقدان اس نظام کی ترقی میں رکاوٹ ہے۔انہوں نے کہا کہ تقابلی طور پر، دیگر ممالک میں لوگ نامیاتی مصنوعات کو غیر نامیاتی مصنوعات پر ترجیح دیتے ہیں جو نسبتا سستی ہیں، انہوں نے مزید کہا کہ وہاں کے مارکیٹ سسٹم نامیاتی اور غیر نامیاتی دونوں مصنوعات کے لیے تیار کیے گئے ہیں۔ انٹیگریٹڈ ایگریکلچر اور ایکوا فارمنگ ماحول دوست ہیں اور فطرت کے بہت قریب ہیں۔ کوئی بھی تالاب کے کنارے سبزیاں اگا سکتا ہے۔ آپ تالاب میں پولٹری فضلہ/جانوروں کا گوبر شامل کر سکتے ہیں، جس سے مچھلی کی پیداوار میں اضافہ ہوگا۔ 12 سے 14 ماہ میں زیادہ مچھلیاں سائز میں یا مارکیٹ کی ضروریات کے مطابق پیدا ہوں گی۔ بدقسمتی سے، نامیاتی اشیا کی مناسب مارکیٹنگ کی کمی ہمارے کسانوں کو نامیاتی مصنوعات سے اچھی آمدنی سے محروم کر رہی ہے۔ اگرچہ آگاہی کی سطح بتدریج بڑھ رہی ہے، لیکن یہ مطلوبہ سطح تک نہیں ہے۔، چوہدری فارمز، چوک اعظم، لیہ کے سی ای او چوہدری بشارت علی نے کہاکہ میں کئی سالوں سے مربوط فارمنگ کر رہا ہوں۔ انٹیگریٹڈ ایکوا اور ایگریکلچر فارمنگ میرا اگلا منصوبہ ہے۔ زیادہ تر کسان خطرہ مول نہیں لینا چاہتے اور ان کی اکثریت عام طریقوں پر عمل کرتی ہے۔ یہی مسئلہ زرعی اور ایکوا فارمنگ کے درمیان انضمام کے معاملے میں بھی ہے حالانکہ اس کی پیروی کرنا بہت کم خرچ ہے۔ سرکاری زرعی دفاتر سے ایک جدید آگاہی پلان کی ضرورت ہے۔

اگرچہ پڑھے لکھے لوگ دھیرے دھیرے نامیاتی خوراک کی تبدیلی اور مانگ کو قبول کر رہے ہیں، پھر بھی اس سے نمٹنے کے لیے ایک بڑی جہالت باقی ہے۔بڑھتی ہوئی آبادی اور شہری کاری دونوں ہی سمندری غذا کی پیداوار کو بڑھانے کے لیے بہترین محرک کے طور پر کام کر رہے ہیں۔ توقع کی جاتی ہے کہ آبی زراعت اپنی بڑھتی ہوئی مانگ کو پورا کرنے کے لیے سمندری غذا کی پیداوار کا ایک اہم حصہ ہوگا۔انٹیگریٹڈ ایکوا کلچر یا دو یا دو سے زیادہ کاشتکاری کے طریقوں کو مچھلی کی کھیتی سے جوڑنا پوری دنیا میں تیزی سے مقبول ہو رہا ہے۔سمندری غذا کی صنعت روز بروز ترقی کر رہی ہے اور ایک پائیدار ذریعہ معاش کے لیے ایک بڑا سہارا بن رہی ہے۔ مربوط آبی زراعت کسانوں کے لیے اپنی سرگرمیوں کو زیادہ پیداواری اور منافع بخش بنانے میں اہم کردار ادا کر رہی ہے۔ایشیا نے 2020میں ماہی گیری اور آبی زراعت کی عالمی منڈی کی قیادت کی اور 2020میں پیداوار میں 214ملین ٹن کا ریکارڈ اضافہ ہوا ۔یہ وقت ہے کہ پاکستان ایک پائیدار معاش کے لیے ترقی پسند طریقوں کو اپنانے کے لیے اپنے کسانوں کی صلاحیت پیدا کرے۔ مناسب منصوبہ بندی ہمارے زرعی شعبے میں اس طبقے کو مقبول بنانے کا ایک طریقہ ہو سکتی ہے۔ اس سے پاکستان میں سماجی و اقتصادی حالات کو بہتر بنانے میں مدد ملے گی۔

کریڈٹ: انڈیپنڈنٹ نیوز پاکستان-آئی این پی

چین پاکستان اقتصادی راہداری کے تحت شروع کیے گئے مختلف منصوبے دونوں ہمسایہ ممالک کے درمیان لائیو سٹاک اور زراعت کے شعبوں میں تجارت کو فروغ دینے میں فائدہ مند ثابت ہوں گے۔چین پاکستان کی زیادہ پیداوار والی مرچوں کی کاشت کے لیے فارمز کے قیام میں مدد کرے گا۔ چین پاکستانی کسانوں کو زیادہ مقدار میں دودھ کے ساتھ گائے کے ایمبریو بنانے میں بھی مدد کرے گا۔ ویلتھ پاک کی رپورٹ کے مطابق مشترکہ اقدام کی ابتدائی برآمدی صلاحیت550ملین ڈالر ہے۔چینی حکومت نے زراعت اور لائیو سٹاک کے شعبوں میں سی پیک منصوبوں کے لیے دو کمپنیوں کا انتخاب کیا ہے۔ لیٹونگ کو زرعی منصوبوں کے لیے اور رائل کمپنی کو لائیو سٹاک کے شعبے کے لیے چنا گیا ہے۔منصوبوں کے تحت تکنیکی تبادلے اور بیج کی پیداوار، جانوروں اور پولٹری کی افزائش، زرعی مصنوعات کی پروسیسنگ اور فصل کے بعد کے انتظام کو بہتر بنانے کا منصوبہ بنایا گیا ہے۔ماہر معاشیات ڈاکٹر سیفول مجاہد نے ویلتھ پاک کو بتایا کہ بیج کا خراب معیار، جدید زرعی طریقوں کا فقدان، کم پیداوار اور قابل فارم مزدوروں کی کمی پاکستان میں زراعت اور لائیو سٹاک کے شعبوں کو متاثر کر رہی ہے۔ انہوں نے کہا کہ ملک کو زرعی اور لائیو سٹاک ریسرچ کی ضرورت ہے تاکہ اشیا کی پیداوار میں اضافہ ہو اور برآمدات کے مقصد کے لیے ان کے معیار کو بہتر بنایا جا سکے۔چین پاکستان سے زیادہ زراعت میں مہارت رکھتا ہے۔ پاکستان کو مختلف فصلوں اور سبزیوں کی پیداوار بڑھانے کے لیے کاشتکاری کے طریقوں کو شامل کرکے اور مقامی کسانوں میں بیداری پیدا کرکے اس سے فائدہ اٹھانا چاہیے۔کمپانڈ پلانٹنگ اور گرین ہاس چین کی زرعی ایجادات ہیں جو پاکستانی فصلوں کے لیے مثالی ہیں۔ پاکستان کو زرعی ذرائع سے پیدا ہونے والی آلودگی کو کم کرنے کے لیے سبز کیڑے مار ادویات اور نامیاتی کھادوں کا استعمال کرنا چاہیے۔ ملک کو ڈیری فارمنگ کے لیے استعمال ہونے والی گایوں کے جینیاتی تنوع کو بڑھانے کی ضرورت ہے۔

اسے زیادہ پیداوار والے دودھ اور جانوروں کی لمبی عمر کے لیے بہتر جنین کی ضرورت ہوتی ہے۔"پاکستان مرچیں اگانے کے لیے بہترین حالات پیش کرتا ہے۔ ہمیں چینی کاروباری اداروں کی مدد سے کھیتی کے بہتر طریقوں، تازہ ترین تحقیق اور بہتر بیجوں کو استعمال کرتے ہوئے چھوٹی جگہ پر زیادہ مرچیں کاشت کرنی چاہئیں۔ اس سے پاکستان کے لیے برآمدات کے مزید مواقع کھل سکتے ہیں۔انہوں نے کہا کہ سی پیک فریم ورک کے تحت چینی کمپنیاں فوجی فرٹیلائزر کارپوریشن کے ساتھ مل کر فیصل آباد کے علامہ اقبال سپیشل اکنامک زون میں کیڑے مار ادویات کے ساتھ ساتھ لائیو سٹاک اور پولٹری فیڈ بنانے کے لیے فیکٹریاں لگائیں گی۔اس سے چین اور پاکستان کے درمیان خوراک، لائیو سٹاک اور زرعی تحقیق اور ترقی کے شعبوں میں تعاون بڑھے گا۔ چینی ٹیکنالوجی کو اپنانے سے پاکستان کی معیشت بہتر ہو گی۔ اس سے آبپاشی کی کارکردگی اور زرعی پیداوار میں اضافہ، جدید ٹیکنالوجی کی حوصلہ افزائی اور اعلی قیمت والی فصلیں پیدا کرنے میں مدد ملے گی۔انہوں نے کہا کہ پاکستان میں زراعت کی ترقی اور پائیدار اقتصادی ترقی دونوں میں ناقص انفراسٹرکچر ایک بڑی رکاوٹ ہے۔ سی پیک منصوبے کسانوں کو جدید ٹیکنالوجی تک رسائی دے کر زراعت کے لیے بنیادی ڈھانچے کو بہتر بنائیں گے۔ سی پیک زرعی شعبے میں غیر ملکی سرمایہ کاری کو فروغ دے گا، طویل مدت میں فارغ التحصیل افراد کے لیے روزگار کے امکانات بڑھے گا۔"سڑک، ریل اور سمندری رابطوں کے ذریعیکسانوں کو بڑی منڈیوں تک پہنچنے میں مدد کرے گا جہاں وہ منافع بخش قیمتوں پر اپنا سامان برآمد کر سکتے ہیں۔ سی پیک منصوبوں میں جدید ترین آلات اور طریقوں کا استعمال کرتے ہوئے پیداوار بڑھانے کے لیے فارموں کی توسیع شامل ہے۔ یہ پاکستان کی معیشت کو بہتر بنائے گا اور اس کی مجموعی ملکی پیداوار میں اضافہ کرے گا۔

کریڈٹ: انڈیپنڈنٹ نیوز پاکستان-آئی این پی

پاکستان کے زرعی حالات کے تحت پیداوار اور پیداوار سے متعلق خصوصیات کے لیے گرین سپر رائس (جی ایس آر)کی مورفولوجیکل تشخیص فصل کی پیداواری کارکردگی کو مختصر مدت میں مطلوبہ سطح تک بڑھانے میں مدد دے سکتی ہے ، ویلتھ پاک کی رپورٹ کے مطابق چاول پاکستان میں گندم کے بعد دوسری اہم ترین فصل ہے۔ تاہم، اس کی پیداوار زیادہ نہیں ہے. چاول کی پیداوار میں اضافے سے ملک کی مجموعی معیشت پر مثبت اثرات مرتب ہوں گے۔نیشنل ایگریکلچر ریسرچ سنٹر کے ایک سینئر سائنسی افسر ڈاکٹر ظہیر عباس نے بتایا کہ جی ایس آر کو پاکستان میں زیادہ پیداوار دینے والی آب و ہوا کے لیے لچکدار کاشتکاروں کی پیداوار کے لیے متعارف کرایا گیا تھا۔ نتیجے کے طور پر، 552 جی ایس آر لائنوں کا مورفولوجیکل جائزہ پاکستان میں زرعی ماحولیاتی حالات کے تحت کیا گیا تاکہ زیادہ پیداوار دینے والی اور آب و ہوا کے لیے لچکدار چاول کی کاشت تیار کی جا سکے۔"چاول ایک اہم غذائی اجناس کے ساتھ ساتھ پاکستان کی نقد آور فصل ہے۔ گندم کے بعد، چاول دوسری اہم غذائی فصل ہے اور دوسری بڑی برآمدی شے ہے۔ڈاکٹر ظہیر نے کہا کہ پاکستان میں سال 2020-21میں چاول کی پیداوار 8.42ملین میٹرک ٹن تھی۔ انہوں نے کہا کہ پاکستان، چاول پیدا کرنے والے نویں بڑے ملک میں، چاول کی پیداوار زرعی شعبے کی ویلیو ایڈڈ کا 3.0 فیصد ہے اور مجموعی ملکی پیداوار میں 0.6فیصد حصہ ڈالتی ہے۔"پاکستانی چاول کی منڈی چاول کی عالمی تجارت کا 8 فیصدسے زیادہ حصہ رکھتی ہے۔ تھائی لینڈ، ویتنام اور بھارت کے بعد ایشیائی چاول کی منڈی میں پاکستان کا غلبہ ہے۔

سندھ اور پنجاب پاکستان کے سب سے زیادہ چاول پیدا کرنے والے صوبے ہیں جہاں لاکھوں کسان چاول کی کاشت کرتے ہیں۔ اس وقت، پاکستان کے چاول کی پیداوار کے اعدادوشمار موسمیاتی اتار چڑھاو سے بہت زیادہ متاثر ہیں۔ چاول کی پیداوار کو متاثر کرنے والی بڑی رکاوٹوں میں اشرافیہ اور مستحکم چاول کی کاشت کی کمی، شدید بیماریوں اور کیڑے مکوڑوں کا نقصان، آبی وسائل کی غیر مساوی تقسیم، کھاد کا انتظام، فصل کے بعد ہونے والے نقصانات اور روایتی اگانے کی تکنیک شامل ہیں۔ پانی ذخیرہ کرنے کی مناسب سہولیات کا فقدان اور انتہائی موسمی حالات چاول کی پیداوار کے عمل میں مختلف خرابیوں کا باعث بنتے ہیں۔"چاول کی پیداوار اور ماحولیاتی وسائل کے درمیان تنازعات بھی سیلاب، درجہ حرارت میں اضافے، خشک سالی اور غیر معمولی بارش کے نتیجے میں زیادہ ہوتے جاتے ہیں۔ ان عوامل کی وجہ سے، سبز خصوصیات کو ظاہر کرنے والے چاول کی کاشت بنانا اب ایک چیلنج ہے۔انہوں نے کہا کہ اسلام آباد میں نیشنل انسٹی ٹیوٹ فار جینومکس اینڈ ایڈوانسڈ بائیوٹیکنالوجی نے چاول کی ایسی فصلیں بنانے کے لیے ایڈوانس لائنز متعارف کرائیں جو پاکستان کے سخت ماحولیاتی حالات میں بھی پائیدار پیداوار کو برقرار رکھ سکتی ہیں۔"سبز خصوصیات میں غذائیت کی اعلی پیداوار کی صلاحیت، مختلف قسم کے بائیوٹک اور ابیوٹک دبا کو برداشت کرنا اور کھاد پانی کے استعمال کی کارکردگی شامل ہیں۔ لہذا، پاکستان میں چاول کے اناج کی پیداوار کو بڑھانے کا بنیادی مقصد چاول کی فصلوں کی پیداواری صلاحیت کو بڑھانے کے لیے سبز خصوصیات کی بڑھتی ہوئی اقسام کی کاشت اور افزائش کرنا ہے۔

کریڈٹ: انڈیپنڈنٹ نیوز پاکستان-آئی این پی

کیریبین ملک ہیٹی کے پولیس سٹیشنز پر جرائم پیشہ گروہوں کے حملوں کے نتیجے میں پولیس افسران کی ہلاکت کے بعد فسا دات پھوٹ پڑے جبکہ باغی پولیس افسران نے دارالحکومت پورٹ او پرنس میں سخت احتجاج اور ہنگامہ آرائی کی،غیر ملکی میڈیا کے مطابق 100سے زائد مظاہرین نے سڑکیں بلاک کر دیں، ٹائر جلائے، سکیورٹی کیمرے توڑ دیے اور گاڑیوں کو نقصان پہنچایا، باغی افسران کی جانب سے حکومت پر جرائم پیشہ افراد کے خلاف کارروائی نہ کرنے کا الزام بھی لگایا گیا،ہیٹی کی نیشنل پولیس کے مطابق بدھ کے روز جرائم پیشہ افراد کی فائرنگ سے مزید سات پولیس اہلکار ہلاک ہوئے جس کے بعد جمعرات کو دارالحکومت میں باغی پولیس افسران غصے میں سڑکوں پر نکل آئے اور انہوں نے مختلف جگہوں پر آگ لگاتے ہوئے رکاوٹیں کھڑی کر دیں،مظاہرین میں سے کچھ مبینہ طور پر وزیر اعظم ایریل ہنری کی سرکاری رہائش گاہ پر بھی گئے تاہم جب انہوں نے اسے خالی پایا تو وہ انٹرنیشنل ایئرپورٹ کی طرف روانہ ہوئے جہاں وزیراعظم ارجنٹائن میں ایک سربراہی اجلاس کے بعد وطن واپسی پر اترے تھے، مظاہرین نے ایئرپورٹ کی کھڑکیاں توڑ کر اندر جانے کی کوشش کی لیکن ہنری وہاں سے بھاگنے میں کامیاب ہو گئے،احتجاج کے پیش نظر جمعرات کو کئی کاروباری ادارے اور سکول بھی بند رہے،ہیٹی کے انسانی حقوق کے ایک گروپ نیشنل نیٹ ورک آف ڈیفنس آف ہیومن رائٹس کے مطابق صدر ہنری کے اقتدار میں آنے کے بعد سے اب تک 78 پولیس افسران ہلاک ہو چکے ہیں۔

کریڈٹ: انڈیپنڈنٹ نیوز پاکستان-آئی این پی

روس نے کہا کہ یوکرین کو نیٹو کے جنگی ٹینکوں کی فراہمی اس جنگ میں امریکہ اور یورپ کی براہ راست اور بڑھتی ہوئی شمولیت کا ثبوت ہے، ٹینک سپلائی کرنے والے ممالک ممکنہ اہداف بن سکتے ہیں،غیر ملکی میڈیا کے مطابق کریملن کے ترجمان دمتری پیسکوف نے جمعرات کو کہا کہ یورپ اور امریکا کی طرف سے یوکرین کو مختلف ہتھیار بشمول ٹینک بھیجنا ان ممالک کی جنگ میں شمولیت یا روس کی دشمنی کی نشاندہی کرتا ہے اور ہم واضح طور پر اسے تنازع میں براہ راست ملوث ہونے کے طور پر دیکھتے ہیں،روس کے صدر ولادیمیر پوٹن کے سابق مشیر سرگئی کاراگانوف نے کہا کہ یوکرین کو ہتھیاروں کی فراہمی ان ممالک کے خلاف ممکنہ فوجی جوابی کارروائی کا نتیجہ ہو سکتی ہے،انہوں نے ایک انٹرویو میں بتایا کہ یوکرین کو ٹینک بھیج کر نیٹو ممالک جنگ میں کھلے عام شامل ہو رہے ہیں اور اس کی وجہ سے وہ ممکنہ ہدف بن سکتے ہیں،کاراگانوف نے نیٹو پر یوکرین جنگ شروع کرنے کا الزام عائد کرتے ہوئے کہا کہ یہ قطعی طور پر ایک روسی یوکرین جنگ نہیں ہے، یہ ایک روسی، مغربی جنگ ہے جس میں یوکرین کو توپ کے طور پر استعمال کیا جا رہا ہے،کاراگانوف نے جنگ میں روس کی فتح کی پیش گوئی کرتے ہوئے کہا کہ بالآخر روس یوکرین کی فوج کو تباہ کر دے گا اور ملک مکمل طور پر فوج سے پاک اور وہاں نئے نازی دور کا خاتمہ ہو جائے گا۔

کریڈٹ: انڈیپنڈنٹ نیوز پاکستان-آئی این پی

سعودی عرب نے فلسطینی شہر جنین اور کیمپ پر اسرائیلی کارروائی کی شدید مذمت کی ہے ،غیر ملکی میڈیاکے مطابق سعودی وزارت خارجہ نے اپنے بیان میں کہا کہ جنین شہر اور کیمپ میں اسرائیلی کارروائی بین الاقوامی قوانین کی خلاف ورزی ہے،سعودی عرب نے عالمی برادری پر زور دیتے ہوئے کہا ہے کہ عالمی برادری کو اسرائیل کی جانب سے فسلطینی علاقوں میں پیش قدمی ، جارحیت اور غاصبانہ قبضے کے خلاف اور شہریوں کو تحفظ فراہم کرنے کیلئے اپنا کردار ادا کرنا چاہے۔

کریڈٹ: انڈیپنڈنٹ نیوز پاکستان-آئی این پی

امریکا میں 5پولیس اہلکاروں پرسیاہ فام شخص پر بیہمانہ تشدد کے بعد قتل کا الزام عائد کردیا گیا،امریکی میڈیا رپورٹس کے مطابق 7جنوری کو امریکی ریاست ٹینیسی میں پولیس اہلکاروں نے 29سالہ ٹائری نکلس کولاپرواہی سے گاڑی چلانے پر روکا تھا ،مقتول کے فیملی وکلا نے الزام عائد کیا کہ پولیس نے پیچھا کرنے کے بعد مقتول نوجوان پر ایسا تشدد کیا کہ اسے شناخت کرنا بھی مشکل ہوگیا ، نکلس کو ہسپتال داخل کروایا گیا تاہم وہ جانبر نہ ہوسکا اور 10جنوری کو اس کا انتقال ہوا ،غیر ملکی میڈیا کے مطابق واقعے کے فوری بعد پانچوں سیاہ فام پولیس اہلکاروں کو برطرف کردیا گیا تھا،واقعے کی ویڈیو جاری کرنے کے حوالے سے امریکی صدر جو بائیڈن نے شہریوں سے پرامن رہنے کی درخواست کی ہے ، اس سے قبل شہر کے پولیس چیف نے بھی کلپ کے منظر عام پر آنے کے بعد لوگوں سے پرسکون رہنے کی اپیل کی تھی،خیال رہے کہ مئی 2020میں بھی امریکی ریاست مینیسوٹا میں سفید فام پولیس افسر کے ہاتھوں سیاہ فام شخص کی ہلاکت کا واقعہ پیش آیا تھا ، اس واقعے میں سیاہ فام شخص جارج فلائیڈ کی پولیس افسر ڈیرک شاوین کے ہاتھوں موت ہو گئی تھی جس کے بعد امریکا بھر میں پولیس کے رویے اور نسل پرستی کے خلاف عوامی احتجاجی مظاہرے شروع ہو گئے تھے۔

کریڈٹ: انڈیپنڈنٹ نیوز پاکستان-آئی این پی

صومالیہ میں امریکی فورسز کے آپریشن میں سینئر داعش کمانڈر 10ساتھیوں سمیت ہلاک ہوگیا،امریکی وزیر دفاع لائیڈ آسٹن کی جانب سے جاری بیان میں کہا گیا ہے کہ امریکی صدر جو بائیڈن کے حکم پر صومالیہ میں آپریشن رواں ہفتے کیا گیا۔ امریکی فورسز کی کارروائی میں داعش کا سینئر کمانڈر بلال ال سوڈانی ہلاک ہوگیا،امریکی وزیر دفاع کا مزید کہنا تھا کہ آپریشن کے دوران کوئی شہری ہلاک یا زخمی نہیں ہوا۔ داعش کے کمانڈر کو صومالیہ کے جنوبی علاقے میں واقع ایک غار میں نشانہ بنایا گیا،بیان کے مطابق امریکی فوجی آپریشن میں داعش کے دیگر 2 جنگجوبھی ہلاک ہوئے۔ ال سوڈانی افریقہ میں داعش کی کارروائیوں کو پھیلانے اور دنیا بھر میں داعش کے مالی امور کی نگرانی کرنے کا ذمہ دار تھا۔

کریڈٹ: انڈیپنڈنٹ نیوز پاکستان-آئی این پی

آئی ایم ایف کا جائزہ مشن 31جنوری کو پاکستان پہنچے گا اور 31جنوری سے ہی پاکستان اور انٹرنیشنل مونیٹری فنڈ کے درمیان مذاکرات کا آغاز ہوگا،نجی ٹی وی کے مطابق وزارت خزانہ نے بین الاقوامی مالیاتی ادارے (آئی ایم ایف)سے مذاکرات کا شیڈول جاری کردیا ہے، وزارت خزانہ کے ذرائع کا کہنا تھا کہ پاکستانی وفد اور آئی ایم ایف کے درمیان 31 جنوری سے مذاکرات شروع ہوں گے، انٹرنیشنل مونیٹری فنڈ کا جائزہ مشن 31 جنوری 2023 کو پاکستان پہنچے گا اور اسی روز سے پاکستان اور آئی ایم ایف کے مابین مذاکرات شروع ہوں گے جو 9 فروری تک جاری رہیں گے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے سینئر رہنما اور سابق وزیر مملکت فرخ حبیب پر تھانہ فیروز والا شیخوپورہ میں مقدمہ درج کر لیا گیا،پی ٹی آئی رہنما پر سابق وفاقی وزیر اور نائب صدر تحریک انصاف فواد چوہدری کو چھڑانے اور ڈکیتی کے الزام میں مقدمہ درج کیا گیا ہے،فرخ حبیب پر مقدمہ کی درخواست تھانہ کوہسار کے پولیس افسر عدیل شوکت کی جانب سے دی گئی تھی، دوسری جانب ٹوئٹر پر جاری اپنے ایک پیغام میں فرخ حبیب کا کہنا تھا کہ درجنوں بندوقوں والے تربیت یافتہ پولیس والوں سے نہتے اکیلے فرخ حبیب نے ڈکیتی کرلی اور ان کی وردیاں بھی پھاڑ دیں ایف آئی آر کا متن، ویسے بہت ہی ماٹھی کہانی بنائی ہے،پی ٹی آئی رہنما نے کہا کہ میں نے تو ویسے بغیر نمبر پلیٹ کالے ویگو کو روکا تھا عدالتی احکامات بتانے کے لئے یہ پولیس کے ساتھ ڈکیتی کہاں سے آگئی؟۔

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ (ن )کی سینئر نائب صدر اور چیف آرگنائزر مریم نواز لندن سے دبئی پہنچ گئیں،قائد مسلم لیگ ( ن )اور سابق وزیر اعظم نواز شریف نے مریم نواز کو ایون فیلڈ سے الوادع کیا،مریم نواز کی پرواز براستہ دبئی ہفتہ کی سہ پہر 3 بجے پنجاب کے دارالحکومت لاہور پہنچیں گی جبکہ پارٹی قیادت اور کارکنان لاہور ایئرپورٹ پر چیف آرگنائزر کا شاندار استقبال کریں گے۔

کریڈٹ: انڈیپنڈنٹ نیوز پاکستان-آئی این پی

عدالت نے پاکستان تحریک انصاف کے رہنما فواد چوہدری کے جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھیج دیا،فواد چوہدری کی جانب سے سرکاری ادارے کے خلاف نفرت پھیلانے کے کیس کی سماعت ڈسٹرکٹ اینڈ سیشن کورٹ اسلام آباد میں ہوئی،فواد چوہدری کو 2 روزہ ریمانڈ مکمل ہونے پر کمرہ عدالت پہنچایا گیا، فواد چوہدری کو عدالتی وقت شروع ہونے سے پہلے ہی عدالت پہنچا دیا گیا،بابر اعوان، فیصل چوہدری، حماد اظہر، شیریں مزاری اور زلفی بخاری بھی کمرہ عدالت میں موجود تھے،دوران سماعت تفتیشی افسر نے کہا کہ فواد چوہدری آئینی ادارے کے خلاف نفرت پیدا کر رہے ہیں، فواد چوہدری بدامنی پیدا کرنے کی کوشش کر رہے ہیں، بیان سے الیکشن کمیشن کے ورکرز کی جان کو خطرہ پیدا کیا جا رہا ہے، فواد چوہدری سے مزید تفتیش کے لیے جسمانی ریمانڈ ضروری ہے،تفتیشی افسر نے بتایا کہ فواد چوہدری کی وائس میچنگ ہو گئی ہے، فوٹو گرامیٹرک ٹیسٹ لاہور سے کروانا ہے جس کے لیے مزید جسمانی ریمانڈ درکار ہے،پراسیکیوشن کی جانب سے شہباز گِل کیس کا حوالہ دیا گیا اور کہا گیا کہ رات 12 بجے 2 روز کا ریمانڈ ملا تب تک ایک دن ختم ہو گیا تھا، عملی طور پر ہمیں ایک دن کا ریمانڈ ملا ہے، مزید ریمانڈ دیا جائے،وکیل الیکشن کمیشن نے کہا کہ فواد چوہدری کا بیان ریکارڈ پر موجود ہے، فواد چوہدری نے اپنی تقریر کا اقرار بھی کیا ہے، تقریر پر تو کوئی اعتراض اٹھا نہیں سکتا، ملزم نے بیان مانا ہے، فواد چوہدری نے نفرت پھیلانے کی کوشش کی، حکومت پر الزامات لگائے، الیکشن کمیشن کو حکومت کا منشی کہا، فواد چوہدری نے کہا کہ الیکشن کمیشن کے ملازمین کے گھروں تک جائیں گے،وکیل الیکشن کمیشن کا کہنا تھا کہ الیکشن کمیشن کا کردار اگلے چند ماہ بہت اہم ہے، الیکشن کمیشن کا کام کرپشن ختم کرنا ہے

لیکن فواد چوہدری پریشر بنا رہے ہیں، الیکشن کمیشن کو دیوار کے ساتھ لگایا جا رہا ہے، فواد چوہدری سینئر سیاستدان ہیں لیکن قانون سے بڑھ کر کوئی نہیں، فواد چوہدری کے گھر کی تلاشی لینا ضروری ہے، فواد چوہدری کے گھر سے لیپ ٹاپ اور موبائل ان کی موجودگی میں حاصل کرنا ضروری ہے، فواد چوہدری کے بیان میں دیگر افراد بھی شامل ہیں، بابر اعوان نے کہا کہ میں بھی فواد چوہدری کے بیان میں شامل ہوں، جس پر بابر اعوان اور الیکشن کمیشن کے وکیل کے درمیان تلخ کلامی ہو گئی،بابراعوان کا کہنا تھا کہ ایٹمی ریاست کو موم کی گڑیا بنا دیا گیا ہے، ججوں کے گھروں تک جانے کا بیان دیا گیا، ہم نے پرچہ نہیں کروایا،وکیل الیکشن کمیشن نے کہا کہ فواد چوہدری کا بیان کسی ایک بندے کا بیان نہیں، ایک گروپ کا بیان ہے، الیکشن کمیشن کے ہی نہیں بلکہ الیکشن کمیشن کے اعلی عہدیداران کے خلاف مہم چل رہی ہے، ڈسچارج کی استدعا گزشتہ پیشی پر ڈیوٹی مجسٹریٹ نے مسترد کر دی تھی، عدالت کے سامنے تمام شہری برابر ہیں،بابر اعوان نے کہا کہ کیس کا مدعی ایک سرکاری ملازم ہے، ٹیکس عوام دیتی ہے، موج سرکاری افسران لگاتے ہیں، پبلک سرونٹ کا مطلب عوام کا نوکر ہے، فواد چوہدری کے لیے انسداد دہشتگردی فورس کے اہلکار کھڑے ہوئے ہیں، سیکرٹری الیکشن کمیشن سرکار کے نوکروں کا بھی نوکر ہے،وکیل فواد چوہدری کا مزید کہنا تھا مجھے اپنے منشی پر فخر ہے، میرے منشی کو سپریم کورٹ میں داخلے کی اجازت ہے،

معلوم نہیں منشی سے پراسیکیوشن کو اتنی چڑ کیوں ہے، الیکشن کمیشن کوئی وفاقی حکومت نہیں اور نہ ہی قومی اسمبلی ہے، سیکرٹری الیکشن کمیشن تو یونین کونسل بھی نہیں ہے، سیکرٹری الیکشن کمیشن اپنے لیے کوئی وائسرائے آف انڈیا قسم کا ٹائٹل رکھ لے، سیکرٹری الیکشن کمیشن ریاست نہیں ہے،انہوں نے مزید کہا کہ فواد چوہدری تحریک انصاف کے سینئر رہنما ہیں، فوجداری کارروائی کرنے والاسیکرٹری الیکشن کمیشن کیا شفاف انتخابات کروائیگا؟ پاکستان میں بڑی جیل بناکر سب کو قیدیوں میں شمار کر لیں، الیکشن کمیشن ایک پارٹی کی ترجمانی کر رہاہے، الیکشن کمیشن پر قوم کے کھربوں روپے لگتے ہیں، پبلک سرونٹس نہ صوبائی حکومت ہیں اور نہ وفاقی حکومت کا حصہ، عدالت دیکھے کہ پبلک سرونٹس کو بنا کیا دیا ہے،بابر اعوان کا کہنا تھا پراسیکیوشن کہتی ہے فواد چوہدری بولتا ہے، پاکستان میں کون نہیں بولتا؟ ڈالر نیچے لانے کا بیان دیاگیاتھا، اس کو کیوں نہیں پکڑتے؟ ماضی میں ججز کے لیے جس نے جو بولا وہ سب آج حکومت میں شامل ہیں، پراسیکیوشن کہتی ہے مزید ملزمان کو ڈھونڈنا ہے، پولیس جس کو پکڑتی ہے کہتی ہے لاہور میں بیٹھے شخص کا نام لے لو، تحریک انصاف کے رہنما شیر کے بچے ہیں، لاہور میں بیٹھنے والے کانام نہیں لیتے، سارے ثبوت لاہور میں ہیں، جب لاہور ہائیکورٹ ملزم کا پوچھ رہی تھی تو اسلام آباد لے آئے، پراسیکیوشن نہیں بتا رہی کہ یہ فواد چوہدری سے چاہتے کیا ہیں،ان کا کہنا تھا فواد چوہدری نے آگ لگانے کانہیں کہا، پاکستان میں وکلا قتل ہو رہے ہیں، ان پر حملے ہو رہے ہیں، جن وکیلوں کو قانون کی بالادستی کا شوق ہے تو پرائیویٹ وکالت کرنیکی ہمت کریں، پانچویں کلاس کا طالب علم بھی وائس میچنگ کرنا جانتا ہے، عدالت نے تفتیش کے لیے 2 دن دیے، کیا تفتیش ہوئی؟ پراسیکیوشن کو ایک نام چاہیے اور وہ ہے عمران خان کا،بابر اعوان کے دلائل پر جج نے ریمارکس دیے کہ دلائل دینا حق ہے لیکن تھوڑا مختصر کر دیں،

جس پر بابر اعوان نے کہا میں دو دن دلائل کے لیے لوں گا اور آج تو میرا جنم دن بھی ہے، عدالت میں وکیل بابراعوان کو سالگرہ کی مبارکباد دی گئی،وکیل بابراعوان کا کہنا تھا الیکشن کمیشن کا کام انتخابات کروانا ہے، اسلام آباد بلدیاتی انتخابات سے ایک رات قبل الیکشن کمیشن بھاگ گیا، الیکشن کمیشن آئین کی کھلے عام خلاف ورزی کر رہا ہے،بابر اعوان نے فواد چوہدری کو مقدمہ سے ڈسچارج کرنے کی استدعا کرتے ہوئے کہا کہ فواد چوہدری دہشتگرد نہیں ہے،ان کا کہنا تھا الیکشن کمیشن میرے خلاف مقدمے میں مدعی ہیں، ان سے انتخابات میں انصاف کیسے مانگوں؟ فرخ حبیب نے کالی گاڑی کو روکنے کی کوشش کی، اس پر مقدمہ ہوگیا، مقدمے میں کہا کہ 31گاڑیاں تھیں اور فرخ حبیب نے ڈکیتی کرنے کی کوشش کی،دوران سما،دوران سماعت فواد چوہدری خود روسٹرم پر آئے اور بیان دیا کہ عمران خان پاکستان کے لیے جدوجہد کر رہے ہیں، ہم حق سچ بات کریں گے، میں تحریک انصاف کا ترجمان ہوں، ضروری نہیں میری اپنی رائے ہو، میں نے اپنی جماعت کی ترجمانی کرنی ہے، جو میں نے بیان دیا وہ میری جماعت کا موقف ہے،انہوں نے کہا کہ مجھے اسلام آباد پولیس نے نہیں لاہور پولیس نے گرفتار کیا، میرا موبائل فون پولیس کے پاس ہے، میری سم بند کی جائے، عدالت نے فواد چوہدری کے جسمانی ریمانڈ کی استدعا پر فیصلہ محفوظ کرتے ہوئے انہیں کمرہ عدالت میں اپنی فیملی سے ملنے کی اجازت دی اور ان کی ہتھکڑیاں کھولنے کا حکم دیا جس پر ان کی ملاقات اہلیہ حبا سے کرائی گئی، اس موقع پر دونوں نے وکٹری کا نشان بھی بنایا،بعد ازاں عدالت نے محفوظ فیصلہ سناتے ہوئے فواد چوہدری کو جوڈیشل ریمانڈپر جیل بھیجنے کے احکامات جاری کر دیے۔

کریڈٹ: انڈیپنڈنٹ نیوز پاکستان-آئی این پی

انٹربینک میں ڈالر کی اونچی اڑان جاری ہے اور روپے کے مقابلے کی ڈالر کی قدر میں تیزی سے اضافہ ہورہا ہے، جمعہ کے روز انٹربینک میں کاروبار کے آغاز پر ڈالر کی قدر میں ایک روپے 57 پیسے اضافہ ہوا جس سے ڈالر 257روپے کا ہوگیا،کاروبار کے دوران ڈالر کی قیمت میں مزید اضافہ دیکھنے میں آیا ہے اور ایک امریکی ڈالر مجموعی طور پر 6روپے 67پیسے مہنگا ہوکر 262 روپے تک جا پہنچا ہے،گزشتہ 2 دنوں میں انٹربینک میں ڈالر 31روپے سے زیادہ مہنگا ہوچکا ہے اور پاکستان کے قرضوں میں 3950ارب روپے سے زائد کا اضافہ ہوگیا ہے،دوسری جانب اوپن مارکیٹ میں ڈالر8 روپے مہنگا ہوکر 265 روپے میں ٹریڈ ہورہا ہے۔

کریڈٹ: انڈیپنڈنٹ نیوز پاکستان-آئی این پی

قومی ادارہ صحت نے کہا ہے کہ گزشتہ 24 گھنٹوں کے دوران ملک بھر میں 4 ہزار 414 کورونا ٹیسٹ کئے گئے ہیں،این آئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 4 ہزار 414 کورونا ٹیسٹ کئے گئے جن میں سے 14 افراد کے کورونا ٹیسٹ مثبت آئے ہیں،اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.32 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 10 مریضوں کی حالت نازک ہے۔

کریڈٹ: انڈیپنڈنٹ نیوز پاکستان-آئی این پی

سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ عمران خان کو جیل بھیجنے، نا اہل کرنے اور جان سے ختم کرنے کی منصوبہ بندی کی جا رہی ہے، ٹوئٹر پر اپنے پیغام میں شیخ رشید احمد نے لکھا کہ عمران خان کی موجودگی میں 13پارٹیاں الیکشن لڑنے کے لئے تیار نہیں، حکومت کی جانب سے 2باتیں طے کر لی گئی ہیں کہ صوبے کے الیکشن مرکز کے ساتھ ہونگے اورمائنس عمران کروانے کی کوشش کی جائے گی،سابق وزیر کا مزید کہنا تھا کہ ڈالر260کا، زرمبادلہ کے ذخائر ساڑھے 3ارب تک جا پہنچے ہیں، لال حویلی پر قبضے کا ارادہ کر کے نااہل حکومت حواس باختہ ہوچکی ہے، 5مرلے کی لال حویلی ہماری ذاتی ملکیت ہے جو دل یزداں میں کانٹے کی طرح کھٹکتی ہے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست جھار کھنڈ کے علاقے دھن باد کے اسپتال میں آتشزدگی سے ڈاکٹر میاں بیوی سمیت 6 افراد ہلاک اور متعدد زخمی ہو گئے۔ بھارتی میڈیا کے مطابق دھن باد میں پرانا بازار کے علاقے میں واقع ہزرا اسپتال کی دوسری منزل پر شارٹ سرکٹ کے باعث آگ بھڑک اٹھی جو دیکھتے ہی دیکھتے شدت اختیار کر گئی۔ میڈیا رپورٹس کے مطابق آتشزدگی کے باعث دم گھنٹے سے ڈاکٹر وکاس ہزار اور اس کی بیوی ڈاکٹر پرما ہزرا سمیت 6 افراد ہلاک ہو گئے جبکہ 9 افراد کو بچا لیا گیا۔ بھارتی میڈیا کے مطابق دوسری منزل پر لگنے والی آگ نے پہلی منزل کو بھی اپنی لپیٹ میں لیا اور پہلی منزل پر سوئے ہوئے لوگ خود کو بچا نہ سکے۔ فائر بریگیڈ کی دو گاڑیوں نے اسپتال میں لگی آگ پر قابو پایا اور بچائے گئے افراد کو طبی امداد کے لیے اسپتال منتقل کر دیا گیا ہے۔ فائر بریگیڈ حکام کا کہنا ہے کہ اسپتال میں فائر سیفٹی کے کوئی انتظامات موجود نہیں تھے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے نگران وزیر اعلی پنجاب محسن نقوی کی تقرری سپریم کورٹ میں چیلنج کر دی،تحریک انصاف نے بطور سیاسی جماعت اور اسد عمر نے بطور سیکرٹری جنرل پی ٹی آئی درخواست دائر کی ہے،درخواست میں محسن نقوی کو بطور نگران وزیر اعلی پنجاب کام سے روکنے کی استدعا کی گئی، پی ٹی آئی نے راجہ ریاض کو اپوزیشن لیڈر بنانے کا نوٹی فکیشن بھی چیلنج کر دیا ہے،درخواست میں پی ٹی آئی کی جانب سے کہا گیا کہ محسن نقوی کو بطور وزیر اعلی پنجاب جانبدار قرار دیا جائے، الیکشن کمیشن کے ممبر بابر حسن بھروانہ اور اکرام اللہ خان کی تعیناتی اور محسن نقوی کا نگران وزیر اعلی پنجاب تعیناتی کا نوٹی فکیشن غیر آئینی قرار دیا جائے۔

کریڈٹ: انڈیپنڈنٹ نیوز پاکستان-آئی این پی

ہانگ کانگ(شِنہوا)ہانگ کانگ ایکسچینجز اینڈ کلیئرنگ لمیٹڈ نے 2020 کے بعد پہلی مرتبہ خرگوش کے سال کے پہلے تجارتی دن کے موقع پر  جمعرات کو لائیو افتتاحی تقریب کا انعقاد کیا۔ہانگ کانگ میں حصص اورگولڈ کی مارکیٹ میں جمعرات کو اضافہ ہوا،بینچ مارک ہینگ سینگ انڈیکس 341.72 پوائنٹس اضافے کے ساتھ 22386.37 پوائنٹس پراوپن ہوا   جب کہ 50گرام سونے کی قیمت 18ہزار88ہانگ کانگ ڈالر(تقریبا2ہزار319امریکی ڈالر)تک پہنچ گئی ،جس میں گزشتہ جمعہ کے مقابلے میں198ہانگ کانگ ڈالر کااضافہ ہوا۔ہانگ کانگ کے گولڈ آپریٹر چینی گولڈ اینڈ سلور ایکسچینج سوسائٹی نے بھی جمعرات کی صبح افتتاحی تقریب کا انعقاد کیا۔ ہانگ کانگ خصوصی انتظامی خطے حکومت کے انتظامی چیف سیکرٹری چھان کے ووک کی نے تقریب سے خطاب کرتے ہوئے کہا کہ ہانگ کانگ کی حیثیت ایک بین الاقوامی مالیاتی مرکز کے طور پر مضبوط اور اس کے روشن امکانات ہیں۔

ہانگ کانگ(شِنہوا)ہانگ کانگ ایکسچینجز اینڈ کلیئرنگ لمیٹڈ نے 2020 کے بعد پہلی مرتبہ خرگوش کے سال کے پہلے تجارتی دن کے موقع پر  جمعرات کو لائیو افتتاحی تقریب کا انعقاد کیا۔ہانگ کانگ میں حصص اورگولڈ کی مارکیٹ میں جمعرات کو اضافہ ہوا،بینچ مارک ہینگ سینگ انڈیکس 341.72 پوائنٹس اضافے کے ساتھ 22386.37 پوائنٹس پراوپن ہوا   جب کہ 50گرام سونے کی قیمت 18ہزار88ہانگ کانگ ڈالر(تقریبا2ہزار319امریکی ڈالر)تک پہنچ گئی ،جس میں گزشتہ جمعہ کے مقابلے میں198ہانگ کانگ ڈالر کااضافہ ہوا۔ہانگ کانگ کے گولڈ آپریٹر چینی گولڈ اینڈ سلور ایکسچینج سوسائٹی نے بھی جمعرات کی صبح افتتاحی تقریب کا انعقاد کیا۔ ہانگ کانگ خصوصی انتظامی خطے حکومت کے انتظامی چیف سیکرٹری چھان کے ووک کی نے تقریب سے خطاب کرتے ہوئے کہا کہ ہانگ کانگ کی حیثیت ایک بین الاقوامی مالیاتی مرکز کے طور پر مضبوط اور اس کے روشن امکانات ہیں۔

بیجنگ (شِنہوا)چین کے صدر شی جن پھنگ نے آسٹریلین گورنر جنرل ڈیوڈ ہرلی کو آسٹریلیا کے قومی دن پر مبارکباد دی ہے۔اپنے مبارکباد کے پیغام میں شی نے کہا کہ 2022 میں چین اور آسٹریلیا نے اپنے سفارتی تعلقات کے قیام کی 50 ویں سالگرہ منائی تھی۔شی نے کہا کہ اس سالگرہ پردونوں ممالک نے ماضی کا جائزہ لیا اور مستقبل کی سمت طے کی اور چین ۔ آسٹریلیا تعلقات بہتر بنانے اور بڑھانے میں درست سمت میں بھرپور کوششیں کی ۔شی نے اس بات پر زور دیا کہ وہ دونوں ممالک میں تعلقات کے فروغ کو بہت اہمیت دیتے ہیں۔انہوں نے امید ظاہر کی  کہ دونوں فریق باہمی احترام اور باہمی فوائد کا اصول برقرار رکھتے ہوئے بات چیت کو مستحکم اور تعاون کو گہرا کریں گے اور اختلافات کے باوجود مشترکہ بنیاد تلاش کریں گے۔انہوں نے کہا  کہ اس عمل سے چین ۔آسٹریلیا کی جامع اسٹریٹجک شراکت داری کو مشترکہ طور پر آگے بڑھا تے ہو ئے  دونوں ممالک کے عوام کو بہتر فائدہ پہنچایا جاسکے گا۔

اقوام متحدہ(شِنہوا)چینی مندوب نے کہا ہے کہ غیر ملکی افواج کو شام میں قدرتی وسائل کی غیر قانونی لوٹ مار فوری طور پر بند کرنی چاہیے ۔اقوام متحدہ میں چین کے نائب مستقل مندوب دائی بنگ نے کہا کہ شام میں غیر ملکی فوجیوں کی غیر قانونی موجودگی اور ان کی غیر قانونی فوجی کارروائیوں کا خاتمہ ہونا چاہیے۔ اس کے علاوہ شام کی خودمختاری اور علاقائی سالمیت کا بھی مکمل احترام کیا جائے۔شام بارے اقوام متحدہ کی سلامتی کونسل سے خطاب میں دائی نے کہا کہ شام میں انسداد دہشت گردی کی صورتحال پیچیدہ ہے، بین الاقوامی برادری عالمی قانون اور سلامتی کونسل کی قراردادوں کی پاسداری کرے۔انہوں نے مز ید کہا کہ اس کے سا تھ ایک جیسا معیار اپنا تے ہو ئے شام میں تمام دہشت گردوں کا مقابلہ کیا جا ئے اور دہشت گرد قوتوں کی پشت پناہی، تحفظ یا سیاسی استحصال بند کیا جا ئے۔مندوب  نے اگلے 6 ماہ کے دوران شام میں سرحد پار سے امداد کی فراہمی بارے 9 جنوری کی منظور کردہ قرارداد نمبر  2672 پر مکمل عمل درآمد یقینی بنانے کے لیے مزید کوششوں پر زور دیا اور امید ظاہر کی کہ اس کے اچھے اثرات مرتب ہوں گے۔انہوں نے کہا کہ انسانی امداد کی ترسیل کا سرحد پار طریقہ کار خصوصی حالات میں ایک عارضی انتظام ہے اور بالآخر لائن پار ترسیل پر منظم منتقلی بتدریج ہونی چاہیے۔

اقوام متحدہ(شِنہوا)چینی مندوب نے کہا ہے کہ غیر ملکی افواج کو شام میں قدرتی وسائل کی غیر قانونی لوٹ مار فوری طور پر بند کرنی چاہیے ۔اقوام متحدہ میں چین کے نائب مستقل مندوب دائی بنگ نے کہا کہ شام میں غیر ملکی فوجیوں کی غیر قانونی موجودگی اور ان کی غیر قانونی فوجی کارروائیوں کا خاتمہ ہونا چاہیے۔ اس کے علاوہ شام کی خودمختاری اور علاقائی سالمیت کا بھی مکمل احترام کیا جائے۔شام بارے اقوام متحدہ کی سلامتی کونسل سے خطاب میں دائی نے کہا کہ شام میں انسداد دہشت گردی کی صورتحال پیچیدہ ہے، بین الاقوامی برادری عالمی قانون اور سلامتی کونسل کی قراردادوں کی پاسداری کرے۔انہوں نے مز ید کہا کہ اس کے سا تھ ایک جیسا معیار اپنا تے ہو ئے شام میں تمام دہشت گردوں کا مقابلہ کیا جا ئے اور دہشت گرد قوتوں کی پشت پناہی، تحفظ یا سیاسی استحصال بند کیا جا ئے۔مندوب  نے اگلے 6 ماہ کے دوران شام میں سرحد پار سے امداد کی فراہمی بارے 9 جنوری کی منظور کردہ قرارداد نمبر  2672 پر مکمل عمل درآمد یقینی بنانے کے لیے مزید کوششوں پر زور دیا اور امید ظاہر کی کہ اس کے اچھے اثرات مرتب ہوں گے۔انہوں نے کہا کہ انسانی امداد کی ترسیل کا سرحد پار طریقہ کار خصوصی حالات میں ایک عارضی انتظام ہے اور بالآخر لائن پار ترسیل پر منظم منتقلی بتدریج ہونی چاہیے۔

واشنگٹن(شِنہوا)امریکہ کے ایک بڑے تجارتی گروپ کے سربراہ نے کہا ہے کہ کئی ایک صنعتوں میں سینکڑوں امریکی کمپنیاں چینی مارکیٹ میں اپنے کاروبار کو بڑھانے کے لیے بے چین ہیں۔شِنہوا کو دئے گئے ایک انٹرویو میں یو ایس چائنہ بزنس کونسل کے صدر کریگ ایلن نے کہا کہ وہ ایسی سینکڑوں کمپنیوں کے بارے میں جانتے ہیں جو چین میں اپنے کاروبار کوتوسیع دینا چاہتی ہیں۔انہوں نے کہا کہ ان میں اشیائے صرف، خوراک و زراعت، توانائی، سفر، مالیاتی خدمات کے ساتھ ساتھ مینوفیکچرنگ، خاص طور پر کیمیکل انڈسٹری کی کمپنیاں شامل ہیں۔ایلن نے کہا کہ  یہ صنعتیں مجموعی طور پر بہت اہل ہیں، جس سے ان کمپنیوں میں اعتماد پیدا ہوگا جو مستقبل قریب میں چین میں اپنے  مضبوط قدم جمانے کی توقع کر رہی ہیں۔ میرے خیال میں امریکہ کی  بہت سی کمپنیاں بہت مثبت ،تعمیری اور پرعزم ہیں۔انہوں نے اس توقع کا اظہارکیا کہ موسم بہار کے تہوار کی تعطیلات کے دوران  گھریلو طلب میں اضافے کے نتیجے میں چینی معیشت اس سال کی پہلی ششماہی میں گزشتہ سال کے آخری نصف کے مقابلے میں زیادہ  شرح کے ساتھ ترقی کرے گی۔

یر وشلم (شِنہوا) اسرا ئیلی محققین کی ایک تحقیق کے مطا بق  گائناکولوجیکل آنکولوجیکل سر جری کے دوران چینی آ کو پنکچر علاج درد اور بے چینی کو کم کر تا ہے۔اسرا ئیل کی سب سے بڑی دیکھ بھال کر نے والی تنظیم  کلیٹٹ کی جا نب سے امریکی انٹر  ڈسپلنری  جرنل کینسر میں کہا گیا ہے کہ آ کو پنکچر کی مدد سے علا ج  رحم اور رحم کے کینسر سمیت  گائناکولوجیکل  مریضوں میں درد اور بے چینی کو کم کر تا ہے۔تحقیق میں 99 مر یضوں کا جا ئزہ لیا گیا ، اس میں سر جری سے قبل منفرد تھرا پی کے اثرات کا معا ئنہ کیا گیا جس میں  آ کو پنکچر، چھو نا اور سکون کے طر یقہ کار شامل ہیں۔اس عمل میں سر جری کے دوران آ کو پنکچر  علاج بھی شامل ہے۔نتا ئج کے مطا بق سر جری سے قبل علا ج کئے جا نے والے مر یضوں میں بے چینی میں نما یا ں کمی ہوئی جبکہ سر جری کے دوران  آ کو پنکچر  کی مدد سے بعد میں درد کا خا تمہ ہوا۔

بیجنگ (شِنہوا)چائنہ ترقیاتی بینک نے 2022 میں 186.4 ارب یوآن (تقریبا 27.53 ارب امریکی ڈالرز) کے قرضے جاری کیے تاکہ ملک میں تحفظ آب میں ترقی کی رفتار تیز کی جاسکے۔  ملک کے پالیسی بینکوں میں سے ایک چائنہ ترقیاتی بینک کے مطابق قرضوں نے بنیادی طور پر چین میں تحفظ آب کے بڑے منصوبوں میں تعاون کیا جن میں چین کے جنوب میں ڈا ٹینگ گارج کے نظام آب پاشی اور چین کے شمالی دریائے یانگ ڈینگ کے طاس کا جامع انتظام شامل ہے۔اگلے مرحلے میں یہ تحفظ آب کے اہم شعبوں اور کمزور روابط کے کاموں پر توجہ دے گا اور اس شعبے میں اعلی معیار کی ترقی کے لئے سرمایہ کی فراہمی میں تعاون کرے گا۔بینک نے کہا کہ سیلاب اور خشک سالی کی روک تھام کی صلاحیت بہتر بنانے، آبی وسائل کی تقسیم میں بہتری اور پانی کے درست استعمال اور تحفظ کے کام میں پیشرفت کے لئے مزید مدد فراہم کی جائے گی۔

بیجنگ(شِنہوا)چین کے جہاز سازی کے شعبہ نے  2022 کے آخر تک عالمی سطح پر سب سے زیادہ مارکیٹ شیئر کے ساتھ پیداوار اور آرڈر کے لحاظ سیاپنی سبقت کوبرقراررکھا۔ چائنہ ایسوسی ایشن آف دی نیشنل شپ بلڈنگ انڈسٹری کے مطابق، ملک کی جہاز سازی کی پیداوار گزشتہ سال 3کروڑ78لاکھ 60ہزارڈیڈ ویٹ ٹن (ڈی ڈبلیوٹی) تک پہنچ گئی،جو دنیا کی مجموعی پیداوارکا 47.3 فیصد ہے۔  جہازسازی صنعت کا ایک اور اہم اشارے،نئے آرڈرزکی پیداوار 2022 میں 4کروڑ55لاکھ 20ہزار ڈی ڈبلیوٹی رہی جودنیا کی مجموعی پیداوار کا55.2 فیصد تھا۔ اس شعبے کے ہولڈنگ آرڈرز مجموعی طور پر10کروڑ55لاکھ 70ہزارڈی ڈبلیوٹی رہے جو دنیا کی مارکیٹ شیئر کے49 فیصد کے ساتھ گزشتہ سال کے مقابلے میں 10.2 فیصد زیادہ ہیں۔ایسوسی ایشن کے مطابق اس کے علاوہ  جہازسازی کیچھ  چینی اداروں کو مذکورہ بالا تین اشاریوں کے لحاظ سے دنیا کے سرفہرست 10  اداروں میں شامل کیا گیا۔

سان فرانسیسکو(شِنہوا)میٹانے اعلان کیا  ہیکہ کمپنی دو سال کی معطلی کو ختم کرتے ہوئے آنے والے ہفتوں میں سابق امریکی صدر ڈونلڈ ٹرمپ کے فیس بک اورانسٹاگرام اکانٹس بحال کر دے گی۔میٹا کے عالمی امور کے نائب صدرنک کلیگ نے ایک بلاگ پوسٹ میں لکھا ہیاگرمسٹر ٹرمپ مزید خلاف ورزی کرنے والا مواد پوسٹ کریں گے توا نکے موادکو ہٹا دیا جائے گا اور خلاف ورزی کی شدت کے لحاظ سے انہیں ایک ماہ سے دو سال کے عرصے کیلئے معطل کر دیا جائے گا۔میٹا نے اس ماہ تازہ ترین قوانین جاری کیے جو عوامی شخصیات پر لاگو ہوتے ہیں۔فیس بک نے نومبر 2020 کے انتخابات کے بعد مظاہرین  کی جانب سے امریکی دالحکومت پردھاوا بولنے کے بارے میں ٹرمپ کی جانب سیمسلسل مواد پوسٹ  کرنے پر7 جنوری 2021 کو ان کا فیس بک اکاونٹ معطل کر دیا۔میٹا کے نظر ثانی بورڈ نے ایک بلاگ پوسٹ میں لکھا کہ میٹا کا آج کا فیصلہ سوشل میڈیا پر سیاست دانوں کی طرف سے پوسٹ کیے جانے والے نقصان دہ مواد سے نمٹنے کے بہترین طریقہ پر ہونے والی بحث میں اہمیت کا حامل ہے۔پوسٹ میں کہا گیا کہ بورڈ کی تشکیل سوشل میڈیا پلیٹ فارمز پر تقریر سے متعلق فیصلوں کی آزادانہ نگرانی  کے لیے  کی گئی تھی تاکہ کمپنیاں شفاف طریقے سے کام کرسکیں۔اس پر ٹرمپ نے جواب دیاکہ ایسا معاملہ کسی ایسے موجودہ صدر یا کسی اور کے ساتھ دوبارہ کبھی نہیں ہونا چاہیے جو انتقامی کاروائی کا مستحق نہ ہو۔ایلون مسک کے کمپنی سنبھالنے کے بعد ٹرمپ کوحال ہی میں ٹویٹر پر بحال کیا گیا تھا۔

قاہرہ(شِنہوا)مصر موسم سرما کے دوران اپنے بہتر ین سیاحتی سیزن میں داخل ہوچکا ہے ،تین برس قبل نوول کرونا وائرس وبا پھوٹنے کے بعد پہلا چینی سیاحتی گروپ آج (جمعہ کو )کو مصر پہنچ رہا ہے۔لکسور، مصر کا جنوبی شہر ہے جو ایک قدیم یادگار سے مالا مال ، مندروں اور مقبروں کے لئے مشہور ہے۔ یہاں کی شہنشاہوں  اور ملکاں کی وادیاں ہمیشہ سے چینی سیاحوں کے لئے دلچسپی کا باعث رہی ہیں۔مصر کی سینٹرل ایجنسی فار پبلک موبلائزیشن اینڈ سٹیٹسٹکس کے مطابق 2022 کے ابتدائی 6 ماہ میں تقریبا 49 لاکھ سیاحوں نے مصر کا دورہ کیا تھا جو 2021 کے اسی عرصے میں آنے والے 26 لاکھ سیاحوں کی نسبت 85.4 فیصد زائد ہے۔وبا سے قبل چین مصر میں سیاحوں کا چوتھا سب سے بڑا ذریعہ ہوتا تھا ۔

یروشلم/رم اللہ(شِنہوا)اسرائیلی فورسز نے مقبوضہ مغربی کنارے میں ایک چھاپے کے دوران ایک بزرگ خاتون سمیت کم از کم نو فلسطینیوں کوقتل کر دیا۔جمعرات کوفلسطینی ذرائع نے بتایا کہ خطے میں بڑھتے ہوئے تشدد کا یہ ایک اور واقعہ شمالی مغربی کنارے کے جنین پناہ گزین کیمپ میں پیش آیا۔یہ قصبہ جنگجووں کا گڑھ رہا ہے اور تقریبا ایک سال سے مسلسل اسرائیلی چھاپوں کا ہدف ہے۔اسرائیلی فوج نے ایک بیان میں اس بات کی تصدیق کی ہے کہ انہوں نے عسکریت پسندوں کے ایک بڑے حملے کو ناکام بنانے کے لیے  پناہ گزین کیمپ پر چھاپہ مار کرکارروائی کی۔ فلسطینی وزارت صحت نے ایک بیان میں کہا ہے کہ کم از کم نو افراد جاں بحق اور 13 دیگر زخمی ہوئے ہیں جن میں تین شدید زخمی ہیں۔ایک الگ بیان میں فلسطینی وزیر صحت مائی الکائلہ نے اسرائیلی فورسز پر ایک اسپتال میں بچوں کے وارڈ میں آنسو گیس پھینکنے کا الزام عائد کرتے ہوئے کہا کہ قابض افواج نے جنین کے سرکاری ہسپتال پر دھاوا بولا اور جان بوجھ کر ہسپتال کے شعبہ اطفال پر آنسو گیس کے گولے داغے۔جنین ہسپتال نے جاں بحق ہونے والی ایک 60سالہ معمر خاتون کی شناخت مگدا عبید کے نام سے کی ہے۔اسرائیلی فوج نے ایک بیان میں کہا ہے کہ فوج اور قومی انسداد دہشت گردی فورس یمام نے جنین کے پناہ گزین کیمپ پر چھاپہ مارا تاکہ فلسطینی مسلح گروپ اسلامی جہاد سے تعلق رکھنے والیدہشت گرد اسکواڈ کو گرفتار کیا جا سکے۔ اسرائیلی فوجیوں اور اسلامی جہاد اسکواڈ کے ارکان کے درمیان فائرنگ کا تبادلہ ہوا۔ اسرائیلی فوج کا کہنا تھا کہ اس حوالیسے خفیہ معلومات اسرائیل کی شن بیٹ کی داخلی سلامتی ایجنسی کی طرف سے فراہم کی گئی۔جھڑپ میں کسی اسرائیلی کے زخمی ہونے کی اطلاع نہیں  ملی۔اسرائیل کے سرکاری کان ٹی وی کی خبروں میں بتایا گیا ہے کہ وسیع تر کشیدگی کے خدشے کے پیش نظر اسرائیلی وزیر اعظم بینجمن نیتن یاہو نے اعلی سکیورٹی حکام کے ساتھ صورتحال کا جائزہ لینے کے لیے  اجلاس طلب کیا ہے۔فلسطینی وزارت صحت کے اعداد و شمار کے مطابق 2022 میں مغربی کنارے میں 170 سے زیادہ فلسطینی جاں بحق ہوئے، اور اس سال جنوری میں کم از کم 29 افرادمارے گئے۔اقوام متحدہ کی جانب سے جاری کردہ ایک بیان کے مطابق 2006 کے بعد 2022 فلسطینیوں کے لیے سب سے ہلاکت خیز سال تھا۔گزشتہ سال دسمبر میں اسرائیل کی نئی دائیں بازو کی حکومت کے حلف اٹھانے کے بعد کشیدگی میں مزید اضافہ ہوا ہے۔

اقوام متحدہ(شِنہوا)اقوام متحدہ کے سیکرٹری جنرل انتونیو گوتریس نے پیرو میں موجودہ بحران سے نمٹنے کے لیے بامعنی اور جامع مذاکرات پر زور دیا ہے۔اونتونیو گوتریس کے ترجمان سٹیفن ڈوجارک نے ایک بیان میں کہا پیرو میں جاری مظاہروں کے تناظر میں سیکرٹری جنرل نے تشدد کے مزید بڑھنے سے بچنے کے لیے تحمل سے کام لینے پر زور دیا اور حکام سے انسانی حقوق کے بین الاقوامی قانون کی تعمیل کرنے کے لیے اپنے مطالبے کا اعادہ کیا۔بیان میں کیا گیا کہ گوتریس نے اس بات پر بھی زور دیا کہ احتجاج جان و مال کا احترام کرتے ہوئے پرامن طریقے سے ہونا چاہیے۔

ابوجا(شِنہوا)نائیجیریا کی وسطی ریاست نصروا میں  ایک دھماکے میں کم از کم 27 افراد ہلاک ہو گئے۔نصروا میں پولیس کے ترجمان رامحان نانسل نے کہا کہ دھماکے کے بعد اب تک 27 لاشیں نکالی جا چکی ہیں جبکہ سیکورٹی ایجنسیاں مزید لاشوں کی تلاش کر رہی ہیں۔ترجمان نے کہا کہ تمام متاثرین خانہ بدوش چرواہے تھے جو روکوبی میں آباد تھے، یہ  برادری نصروا اور پڑوسی ریاست بینو کو ملاتی ہے۔ترجمان نے شِنہوا کو بتایا کہ ریاست میں پولیس اور معاون سیکورٹی ایجنسیاں  دھماکے کی وجوہات جاننے کے لیے تحقیقات کر رہی ہیں۔

 بیجنگ(شِنہوا)چین میں موسم بہار کے تہوار کی سات روزہ تعطیلات کیپانچویں دن بدھ کوسفری دوروں کی تعداد میں گزشتہ سال کے مقابلے میں 73 فیصد اضافہ ہوا۔ وزارت ٹرانسپورٹ کی جانب سے جمعرات کوبتایاگیا کہ بدھ کے روز سفری دوروں کی تعداد 3کروڑ53لاکھ  تک پہنچ گئی تھی ، تاہم یہ اب بھی 2019 میں وبا سے پہلے کی سطح سے 38.2 فیصد کم ہے۔  مجموعی سفری دوروں میں ،ٹرین سے کیے گئے سفری دوروں کی  تعداد85لاکھ 90ہزار رہی جو گزشتہ سال کے مقابلے میں 73.6 فیصد زیادہ ہیں،شاہراہوں کے سفری دوروں کی تعداد2کروڑ43لاکھ 50ہزار رہی جوگزشتہ سال کی نسبت 72.5 فیصد زیادہ ہے۔بدھ کو ہوائی سفرکے دوروں میں 70.3 فیصد اضافہ اور آبی گزرگاہوں کے سفر میں 102.3 فیصد اضافہ ہوا۔چین میں پہلے قمری ماہ کے پہلے دن بہار کا تہوار منایا جاتا ہے اور سال کے اختتام پر خاندان کے افراد کا ایک ساتھ رہنا چینی لوگوں کے لیے ایک رسم ہے۔ اس سال بہار کا تہوار22 جنوری کومنایاگیا۔ 

بیجنگ(شِنہوا)چین کے وبائی امراض کے ماہرین نے ایم آراین اے پرمبنی کوویڈ-19 ویکسین کو 6ماہ سے زیادہ مدت کے لیے عام درجہ حرارت پرذخیرہ کرنیکی تکنیک تیار کی ہے ۔موجودہ زیادہ تر ایم آر این اے ویکسین کوان کے کمزور استحکام کی وجہ سے مائنس 20 سے 70 ڈگری سینٹی گریڈ پر ذخیرہ کرنے کی ضرورت ہے، جس کی وجہ سے ان کی دستیابی محدود ہے۔ رواں ہفتے جرنل سیل ڈسکوری میں شائع ہونے والی تحقیق کے مطابق ایک قسم کی منجمد ڈرائی لپڈ نینو پارٹیکل ویکسین درجہ حرارت کے درست کنٹرول اور کم بقایا پانی کے مواد کے ساتھ ایک بہترین لائو فلائزیشن تکنیک کے ذریعے تیار کی گئی ہے جو چھ ماہ کے دوران 25 ڈگری سینٹی گریڈ پر فزیو کیمیکل طور پر مستحکم رہ سکتی ہے۔  

آ کرا(شِنہوا) چین میں گھا نا کے سفیر ون فرڈنی او کائی ہا مو نڈ نے کہا ہے کہ چین کی جا نب سے نوول کرونا وائرس کی پا بند یاں ہٹائے جا نے کے بعد گھانا چین کے ساتھ با ہمی تعلقات کی مضبوطی کا خوا ہا ں ہے۔ہا مونڈ نے گھا نا کے دا رالحکومت آ کرا میں شِنہوا کو دئیے گئے ایک انٹر ویو میں کہا کہ وہ دونوں مما لک کے ما بین تجارتی اور معاشی تعلقات کے فرو غ بارے انتہا ئی پر جوش ہیں۔ہا مو نڈ نے کہا کہ گھا نا اور چین کے کا رو با ری طبقے کو چین کی جا نب سے نوول کرونا وائرس با رے نئی سمت کے اثرات کا اندازہ نہیں ہے۔پا بند یوں کے دوران انہیں معاشی اور تجا رتی تبا دلوں کے حوالے سے مشکلات کا سا منا تھا تا ہم اب دروزاے کھلے ہیں۔سفیر نے کہا کہ ہم چین میں نوول کرونا وائرس با رے نئی ہدا یات کے حوالے سے پر جوش ہیں اور اپنے تعلقات کو مضبوطی سے فرو غ دینے کے خوا ہاں ہیں جن کی بنیاد دونوں اطراف کے ما بین تجا رتی اور معاشی روابط ہیں۔ہا مو نڈ نے کہا کہ دو نوں مما لک اچھی طر ح سمجھتے ہیں کہ ان کا تعاون کس قد اہمیت کا حا مل ہے اور اسے جا ری رہنا چا ہئے۔

شنگھائی (شِنہوا)چینی قمری نئے سال کی تعطیلات کے دوران نئے پارکس عوام کے لئے کھول دیئے گئے ہیں جس کے ساتھ شنگھائی میں پارکس کی تعداد 670 تک پہنچ گئی ہے۔شنگھائی لینڈ اسکیپنگ اینڈ سٹی اپیئرنس ایڈمنسٹریٹو بیورو نے کہا کہ شہر بھر میں 438 شہری ، 172 پاکٹ ، 59 دیہی اور ایک تھیم پارک ہے۔چھانگ ننگ ضلع کے ذیلی ضلع جیانگ سو روڈ پر ایک نئے کھولے گئے پاکٹ پارک میں آس پاس رہنے والے رہائشیوں کو چہل قدمی کرتے یا آرام کرتے ہوئے دیکھا گیا جبکہ سورج درختوں کے سائے کے ذریعے ان پر اپنی کرنیں بکھیررہا تھا۔ذیلی ضلع کے ایک رہائشی چھو شیانان کے کہا ہے کہ بند جگہ کو ایک سبز پارک میں تبدیل کیا گیا ہے۔ یہ بند زمین اب ایک پارک بن چکی ہے۔ ہم نہ صرف پھولوں اور سبزے سے لطف اندوز ہوسکتے ہیں بلکہ ورزش اور آرام بھی کرسکتے ہیں۔حکومتی منصوبے کے مطابق 2025 تک شنگھائی کو " ہزار پارکس کے شہر" میں تبدیل کردیا جائے گا۔

2روزہ انٹرنیشنل فونڈری کانگریس اینڈ ایگزی بیشن 14-15فروری 2023ء کو لاہور میں ہو رہی ہے جو مستقبل میں پاکستان کی فونڈری کی صنعت کی سمت کا تعین کرے گی۔ یہ بات پاکستان فونڈری ایسوس ایشن کے جنرل سیکرٹری عاصم قادری نے فیصل آباد چیمبر آف کامرس اینڈانڈسٹری میں فونڈری کی صنعت سے تعلق رکھنے والوں کو انٹر نیشنل کانگریس اینڈ ایگزی بیشن بارے بریفنگ دیتے ہوئے کہی۔ ایگزی بیشن کے اغراض و مقاصد کے بارے میں انہوں نے بتایا کہ اس وقت فونڈری کا شعبہ پرانی ٹیکنالوجی پر چل رہا ہے ۔ اگر ہم نے برآمدات میں جانے کا فیصلہ نہ کیا تو یہ شعبہ مکمل طور پر ختم ہو جائے گا اور اس سے پاکستان کی مجموعی معاشی ترقی پر بھی منفی اثرات مرتب ہوں گے۔ انہوں نے کہا کہ پاکستان کو عالمی منڈیوں میں جانے کیلئے جدید ٹیکنالوجی کی ضرورت ہے۔انہوں نے بتایا کہ اس نمائش میں 66سٹال ہوں گے ۔ 60فونڈریاں اس میں شرکت کریں گی جبکہ غیر ملکی ماہرین بھی آرہے ہیں جو پاکستان کی فونڈری کو جدید خطوط پر استوار کرنے کیلئے مشورے بھی دیں گے۔ انہوں نے بتایا کہ ایگزی بیشن کے دوران 30ٹیکنیکل سیشن بھی ہوں گے جو پرانی ڈھلائی کی بھٹیوں سے لے کر آج تک کی نئی ٹیکنالوجی پر مشتمل ہوں گے ۔

انہوں نے بتایا کہ 12غیر ملکی ماہرین بھی کانگریس میں شرکت کریں گے جبکہ دو مہنگے ترین ٹیکنالوجسٹ کو بھی مدعو کیا گیا ہے۔ جو پرانی بھٹیوں کو اَپ گریڈ کرنے اور اُن کے فوائد سے آگاہ کرنے کے علاوہ مختلف فونڈریوں کا دورہ بھی کریں گے۔ انہوں نے کہا کہ فیصل آباد کے فونڈری مالکان کو اس موقع سے بھر پور فائدہ اٹھانا چاہیے تاکہ ہم جدید مشینری کی تیاری کی سمت پیشرفت کر سکیں۔ عاصم قادری کو خوش آمدید کہتے ہوئے فیصل آباد چیمبر آف کامرس اینڈانڈسٹری کے صدر ڈاکٹر خرم طارق نے کہا کہ اگر ہم اپنے بچوں کو اپنے آبائی پیشوں میں نہ لا سکے تو یہ بہت بڑی بدقسمتی ہو گی اور اس مقصد کیلئے ہمیں اپنے اپنے شعبوں کو عالمی معیار کے مطابق ترقی دینا ہو گی۔ بزنس کمیونٹی کی اہمیت کا ذکر کرتے ہوئے انہوں نے کہا کہ حالیہ عالمی تناظر میں معیشت ریاستوں کے سب سے ہم ستون کی حیثیت سے ابھر کر ہمارے سامنے آئی ہے۔ ترقی یافتہ ملکوں نے بہت پہلے اس کا ادراک کر لیا تھا مگر پاکستان سمیت دیگر ملکوں میں اس شعبے کی اہمیت کو ابھی منوانے کی ضرورت ہے کیونکہ اِس کے بغیر کوئی دوسرا ستون قائم ہی نہیں رہ سکتا۔ انہوں نے کہا کہ چند جماعتوں نے اقتدار کیلئے ملک کو تماشا بنا رکھا ہے۔ جبکہ اُن کی غلط پالیسیوں سے براہ راست بزنس کمیونٹی متاثر ہوئی ہے۔

انہوں نے کہا کہ اب وقت آگیا ہے کہ اس سلسلے کو روکا جائے۔ انہوںنے کہا کہ بزنس کمیونٹی کو اپنے حق کیلئے جاگنا ہوگا تاکہ معاشی پالیسیاں ہماری مشاورت سے بنائی جائیں۔ انہوں نے فونڈری والوں سے کہا کہ وہ مجوزہ ایگز ی بیشن میں ضرور شرکت کریں تاکہ اس اہم شعبے کو جدید خطوط پر ترقی دی جا سکے۔ انہوں نے اس ایگزی بیشن کو کامیاب بنانے کیلئے فیصل آباد چیمبر آف کامرس اینڈانڈسٹری کی طرف سے ہر ممکن تعاون کا بھی یقین دلایا۔ انہوں نے کہا کہ فونڈری کے شعبہ کیلئے جدید لیبارٹریاں اور مہنگے آلات کی ضرورت ہے اور وہ اس سلسلہ میں ایکسپورٹ ڈویلپمنٹ فنڈ سے اُن کی مدد کر سکتے ہیں۔ انہوں نے کہا کہ اگرچہ فی الحال یہ برآمدی شعبہ نہیں مگر وہ اس کو Potentialبرآمدی صنعت کے طور پر اِن کے کیس کی پیروی کرنے کو تیار ہیں۔ اس طرح ٹریڈ ڈویلپمنٹ اتھارٹی آف پاکستان کو بھی اس شعبہ کی ترقی کیلئے استعمال کیا جا سکتا ہے۔ انہوں نے فونڈری مالکان کو ایم تھری انڈسٹریل سٹی میں جگہ کے حصول کیلئے مدد دینے کا یقین دلایا۔ صدر ڈاکٹر خر م طارق نے عاصم قادری سے کہا کہ وہ مجوزہ ایگزی بیشن بارے معلومات چیمبر کو مہیا کریں تاکہ اِن کو مقامی فونڈری مالکان تک پہنچایا جا سکے۔ اس موقع پرسینئر نائب صدر ڈاکٹر سجاد ارشد اور نائب صدر حاجی محمد اسلم بھلی کے علاوہ اشفاق اشرف، جلیل ملک، عبدالرئوف، حاجی عطاء اللہ اور دیگر فونڈری مالکان بھی موجود تھے۔

کریڈٹ: انڈیپنڈنٹ نیوز پاکستان-آئی این پی

فیصل آباد وومن چیمبر آف کامرس اینڈانڈسٹری دوسرے وومن چیمبر ز کے ساتھ ملکر انٹر پرونشل پروگرام برائے وومن انٹر پرینوئرشپ ، کیپسٹی بلڈنگ ، ٹریننگ پروگرامز، سیمینارز اور غیر روایتی اشیاء کی ایکسپوزمنعقد کرے گاجس سے برآمدات ، خواتین کی کیپسٹی بلڈنگ اورکاروباری مسابقت کو فروغ دیا جا سکے گا۔ اس بات کا اظہار محترمہ روبینہ امجد صدر فیصل آباد وومن چیمبر نے کراچی وومن چیمبر کی صدر محترمہ مہرین الٰہی سے میٹنگ کے بعد میڈیا سے گفتگو کرتے ہوئے بتائی۔ انہوں نے کہا کہ کئی ایک ایسی ایٹمز جن میں ہینڈی کراپٹس سر فہرست ہے اُن کی برآمد کو فروغ دے کر ملکی برآمدات میں خاطر خواہ اضافہ کیا جا سکتا ہے۔ انہوں نے کہا کہ فیصل آباد وومن چیمبر اس ضمن میں ملکی سطح پر اس سال اپریل میں ایکسپو بھی منعقد کرے گا تاکہHandmade Itemsکو بیرون ملک روایتی اور غیر روایتی مارکیٹس میں برآمد کیلئے سہولت فراہم کی جاسکے۔ انہوں نے کہا کہ اس کانفرنس میں نہ صرف موجودہ وومن چیمبر کو مدعو کیا جائے گا بلکہ اُن چیمبرز کو بھی شرکت کی دعوت دی جائے گی جو ابھی قیام کے عمل میں ہیں۔ انہوں نے کہا کہ اس کانفرنس میں ہم اسلام آباد میں موجود غیر ملکی سفیروں کو بھی شرکت کی دعوت دیں گے تاکہ وومن پراڈکٹس کو غیر ملکی روایتی اور غیر روایتی مارکیٹس میں ممکن بنایا جا سکے۔ انہوں نے کہا کہ فیصل آباد وومن چیمبر نے وومن کلسٹرز ڈویلپمنٹ پر بھی کام شروع کر دیا ہے۔

اس ضمن میں ایم تھری علامہ اقبال انڈسٹریل اسٹیٹس میں ارزاں نرخوں پر 100ایکڑ لینڈ کیلئے کوشش کی جائے گی۔ انہوں نے کہا کہ اس وومن کلسٹر میں دوسرے صوبوں سے خواتین کو بھی اپنے یونٹ لگانے کیلئے دعوت دی جائے گی۔ اس موقع پر محترمہ مہرین الٰہی صدروومن چیمبر کراچی ایسٹ نے فیصل آباد وومن چیمبر کی صدر محترمہ روبینہ امجد کی نیشنل اپروچ کو سراہا ۔ انہوں نے کہا کہ فیصل آباد وومن چیمبر کے پراجیکٹس کی تکمیل سے وومن ایمپاورمنٹ میں گرانقدر اضافہ ہوگا اور وہ اس سے کافی متاثر ہوئی ہیں۔ انہوں نے کہا کہ انٹر پرونشل ایکسچینج پروگرام سے وومن ایمپاورمنٹ کو نہ صرف فروغ حاصل ہوگا بلکہ ٹیکنیکل ٹریننگ پروگرامز سے وومن انٹر پرینوئرز خاص طور پر نئے سٹارٹ اَپس بزنسز کو شروع کرنے میں کافی مدد ملے گی۔ اس موقع پر محترمہ قراة العین چیئرپرسن Special Initiative نے فیصل آباد وومن چیمبر کے پراجیکٹس کی بریفنگ دی اور بزنس انکوبیشن سنٹر کی سرگرمیوں پر روشنی ڈالی۔ انہوں نے کہا کہ اس ضمن میں خواتین کی کیپسٹی بلڈنگ اور کاروباری مسابقت میں فروغ کیلئے سمیڈا اور دوسرے گورنمنٹ اداروں کے اشتراک سے ٹیکنیکل ٹریننگ کا سلسلہ جاری ہے۔

کریڈٹ: انڈیپنڈنٹ نیوز پاکستان-آئی این پی